Tlehhema'aá ya/Abuuse 17:32 - Biblía Axweesantá Hhohho' ar Mungú 2004

³² Kángw waasle/ kuwa axaás, bahh'alé tari niqimís. Bahh'alé tari oó', «Atén kangwsíng u malé axaasaán looár hatlae.»

Ya/abtór hho' 1977

³² Iidíguú waasle/ kuwa axaás, bahh'alé tari niqimís. Bahh'alé tari oó', “Atén iidíguusíng u malé axaasaán looár hatlae.”

Tlehhema'aá ya/Abuuse 17:32 Iomraidhean Croise

IIMU/UUNGW 19:14

Loti iri ti'iít, hhawaataá dasuuwós giri ádbeemuú áy, iri oó', «Qwalaasaré', ti'iitaré' baraá ayaawihe, asma AAKOÓ MUNGÚ gixsarí ga qwaarees.» Ala Loti tari adór heé tatlkuús dír hhawaataá dasuuwose.

2 QOM'I 36:16

Ala inooín tana kumiít ya/abuuseedá' Mungú aa ya/abiít ngiwa niqina', nee axweesantós ngiwa siaasi'iya', nee aaruuseerós ngiwa waaqaseesena'. AAKOÓ MUNGÚ mukós guri ló'wa i buúhh, tam adór ni kotsqotiya' iri qwát.

Luka 14:18

Ala sleémeero nina si'iyé', umuúqo heewo ar gu ila/aam gay oó'. Oo geera iri oó', ‹Aníng qaymo aga tlaáxw, ala gár tiwa hariím an qaytsuú áw. Na'ás, án gurtlawáng.›

Luka 22:63

Mukdaádá' Yesu gwaa oh, Yesu kuri niqimís kuri muúx,

Luka 23:11

Herode nee askaárirós Yesu kuri waaqaqaá' kuri niqimís. Kuri inqwaarír hhoohhoó' i tsiitiís, kuri ki/ís amór Pilato.

Luka 23:36

Askaári sleeme guna niqimís, guri harasáp, guri ma'aá qarqaár i hanís, awa taa tsoó/ gawaá mamaá sabiíbuú wa ale.

Tlehhema'aá ya/Abuuse 13:41

‹Qaytsité' kuungaásingá' waaqaqa'á', waa/oo/é' nee qwaaré', asma án gadiyérka a tleéhh baraá deelorhunge, gadiyér kuungá' ya/aamaro ta aleesleera'aaká, tam kingi ooi.› »

Tlehhema'aá ya/Abuuse 17:18

Mukko intsaahhasár Epikuro nee ar Stoiki tiri tlaampa'aamisiyé' nee Paulo. Bahh'alé tari oó', «Daktantí gár i ooár wa sla' a milá?» Bahh'alé tari oó', «Baré a adór heé ya/abtór munguaá xuawaslen ga alki/iít.» Adoorí kana oó' asma inós kángw Yesu guna alki/iít, nee kángw waasle/uuwós.

Tlehhema'aá ya/Abuuse 17:31

Asma Mungú deelo gaa qaroó qaás, tidár múk baraaká' yaamu nguwa sakwasleemuuti ar gan'amu. Kwasleema dír heé ngay haniís a kudá' inós aa tsawaár. Nee Mungú gaarí gana geehhoatís ló'wa ale dír muu sleémeero, qoomár heedaádá' kuwa waasle/atís baraá múk aa qaátl wa ale.»

Tlehhema'aá ya/Abuuse 17:33

Gawaá adoorihe Paulo iri quútl, mukdá' guri didií geexáy.

Tlehhema'aá ya/Abuuse 2:13

Muu bahh'alé tari niqimís tawa kaahi, «Difaáír /aben gaa oonitimís.»

Tlehhema'aá ya/Abuuse 24:25

Paulo kángw hotaá ganaa'á' nguwa alki/iít, nee kángw harqoomaay, nee sakwasleemár hi'iit, Felisi iri da'ayuút guri báy, «Kuúng ala tláw, án pa/aangw bura sláw, án kuúng uqo ateét.»

Tlehhema'aá ya/Abuuse 25:19

Ala aqo har daanduú diínir'ín nguna kaanganuusiyé', nee daanduú kángw heeko ta bay Yesu, oo aa qaroó gwaa', ala Paulo baraá axweesantose gari gawdeés adór ir slaáf.

Tlehhema'aá ya/Abuuse 26:8

Asma milá kuungá' mas haratlintatia'aaká gídaabá Mungú muu waasle/atisaro gu aleesláy?

1 Korinto 1:23

Ala atén gár ta alki/iitaan a kángw Kristo, kudá' taa kikií' gawaá msalaába. Ala kaangwí dír múk Yahudiro a dukuutsmo, nee dír múk Yunaniro a dakti'iima.

1 Korinto 15:12

Ala bar kaangwí Kristo niwa waasleé/ baraá múk aa qaátl wa alé ku alki/iit, ahaá, baraahunge bahh'alé mas ta kaahi, waasle/uú múk aa qaatl i kaahh.

1 Korinto 4:10

Atén a daktana as Kristo. Ala kuungá' a múk sagalooár koóm baraá Kristowo. Atén ti daqeetlákw, ala kuungá' a /uuruú koondá'. Kuungá' tundu ilaiwawaa/, ala atén ti waaqaaqaa'.

2 korinto 6:2

Asma Mungú i kaahi, «Qoomaadár gurtleemuuwo aníng kuúng una iiárií qaás. Nee bál ba/amaro aníng kuúng una alee/iís.» Ga/aaweek, qoomár gurtleemu an hamí, nee slám baalár ba/ama an laarí.

Ebrania 11:36

Nee bahh'alé iiara'aduú niqimis nguna slayé' nee muxta, tam kiri tsegiít ar qutúr, kiri dahamiís baraá doó tseegamo.

Ebrania 13:13

Gawaá adoorihe qwalaasé', atén u i daqawán amór tsee/aá gixsár i alé, atén sleeme mure kawa slawaan dinkwa nee inós.