Tlehhema'aá ya/Abuuse 17:31 - Biblía Axweesantá Hhohho' ar Mungú 2004

³¹ Asma Mungú deelo gaa qaroó qaás, tidár múk baraaká' yaamu nguwa sakwasleemuuti ar gan'amu. Kwasleema dír heé ngay haniís a kudá' inós aa tsawaár. Nee Mungú gaarí gana geehhoatís ló'wa ale dír muu sleémeero, qoomár heedaádá' kuwa waasle/atís baraá múk aa qaátl wa ale.»

Ya/abtór hho' 1977

³¹ Asma Mungú deelo gaa qaroó qaás, tidár múk baraaká' yaamu nguwa sakwasleemuuti ar gan'amu. Kwasleema dír heé ngay haniís a kudá' inós aa tsawaár. Nee Mungú gaarí gana geehhoutís ló'wa ale dír muu sleémeero, qoomár heedaádá' kuwa waasle/atís baraá múk aa qaátl wa ale.”

Tlehhema'aá ya/Abuuse 17:31 Iomraidhean Croise

WARA'AMI 9:8

Inós múk baraakaá yaamu gun sakwasleemuut ar gan'amu. Muu gu sakwasleemuut ar barqaanti wasle.

WARA'AMI 96:13

dír geeraá AAKOÓ MUNGÚ, kudá' hardáh. Asma inós ni hardah as yaamu ngiwa sakwasleemuuti. Yaamu gin sakwasleemuut ar gan'amu, xoordu sleeme gin sakwasleemuut ar adór qoom dirose.

WARA'AMI 98:9

Baraa/é' dír geeraá AAKOÓ MUNGUHE, asma ni hardah as yaamu ngiwa sakwasleemuuti. Xoordu sleémeero gin sakwasleemár i tleehh ar gan'amu. Gin sawaawuti'ín ar barqanti wasle.

Matayo 10:15

Án a kah, deelór alhhe'eesoó yaamuwo a tsiní gixsár Sodoma nee Gomora sakwasleemar'ín ngiwa ilií oohiya', ta gixsadae.»

Matayo 24:14

Slám ya/abtór hho' ar waawuti'iimár Mungú ka alki/iit baraá yaamu sleémeerowo as iwa lamabu'uungw tleehhit dír xoordu sleémeerowo. Daqaní alhhe'eesaydá' in sangw hardah.»

Luka 22:22

Asma Garmoó Hee i gwa'arár áy, adoodá' Mungú ngira tsabín, ala heedaádá' gu sakií/, a tsaxwaawós.»

Yohana 12:48

Hee bar aníng iga sií', nee bar axweesanay'eé' gwa ya/aniká, heewí heé gu sakwasleemuút i deer. Axweesantí hám naa axweés, gun sakwasleemút bál deelór alhhe'eesaywo.

Yohana 16:10

nee daanduú gan'amuuwo, asma aníng a tláw amór Baabá nee slám i aanda'aaká.

Yohana 5:27

Slám aleesleemuú sakwasleema gwa amoorós i haniís asma tawa Garmoó Hee.

Tlehhema'aá ya/Abuuse 17:18

Mukko intsaahhasár Epikuro nee ar Stoiki tiri tlaampa'aamisiyé' nee Paulo. Bahh'alé tari oó', «Daktantí gár i ooár wa sla' a milá?» Bahh'alé tari oó', «Baré a adór heé ya/abtór munguaá xuawaslen ga alki/iít.» Adoorí kana oó' asma inós kángw Yesu guna alki/iít, nee kángw waasle/uuwós.

Tlehhema'aá ya/Abuuse 17:32

Kángw waasle/ kuwa axaás, bahh'alé tari niqimís. Bahh'alé tari oó', «Atén kangwsíng u malé axaasaán looár hatlae.»

Tlehhema'aá ya/Abuuse 17:6

Ala kiwa slayká, Yasoni kuri óh, nee hhae bahh'alé, kiri huúw dír geeraá múk urén oo gixsa, tari tsimaahhuús, ta kaahi, «Mukdá' yaamu gaa halelee' naa ayaawí hardáh sleeme,

Tlehhema'aá ya/Abuuse 2:32

Yésuuwí kuna waasle/atís nee Mungú, nee atén sleémeero a lamabu'uusér waasle/uuwós.

Tlehhema'aá ya/Abuuse 4:10

Ala dír kuungá' sleémeero i xu'utit nee dír múk Israeliwo adór heewí dír geerahúng wa sihhmiít ar slaqwa hhooa gár ira hunguú/ tar umuú Yesu Kristo oo Nasareti, kudá' kuungá' taa kikié', nee Mungú guri baraá gi'ií wa waasle/atís.

Rumi 2:16

Adoorí an adoodá' tleehharuut bál Mungú bar lu/aaroó baraá munér muu gu sakwasleemuut ar baraá Yesu Kristo. Gaarí an adoodá' Ya/abtór hho' i kat, tidá' aníng ni alki/iit.

Rumi 2:5

Ala kuúng muunaáwók kwisíng gawide nee oo hhu'uu'úngw sla'aakahe xarasleemaá Mungú in gawaawók i tlahhmís ay bál sakwasleemár Mungú, baldá' sakwasleemár Mungú ar ganaa' bar kinga geehhooeés.

1 Korinto 4:5

Gawaá adoorihe hee mu gaanslár sakwasleemuutara', ay dír Aako nay hardihi. Inós muruudá' taa luú/ baraá giwti, ngun geehhooatis dír gwa/aátií alé, nee inslawoó munér muu nguri geehhoatis. Daqaní umuúqo heewo xirfuudá' inós wa hariím gu sláy dír Munguhe.

2 korinto 5:10

Asma atén sleémeero gár tiwa hariím an sihhiitaán dír geeraá Kristó i alé, as tiwa sakwasleemuuti nee inós, as masók umuúqo heewo kuwa bui ar tlehhemi'iiwós kudá' aa tlehhiít baraá slafiingós oo baraakaá yaamuwo, barnaxes ki hho' laqaá ki tlakw.

2 Timoteo 4:1

Aníng kuúng u hara'ayiyiím dír geeraá Mungú wa ale nee dír geeraá Kristo Yesu, kudá' múk slaáf gu sakwasleemuút, nee kudá' aa qatli. Slám u hara'ayiyiím asma hardahamuuwós nee waawuti'iimarós un baw,

Ebrania 6:2

nee intsaahhasár daanduú baatiísmo nee ar dákwií qaasa; nee i intsaahhasár daanduú waasle/ nee sakwasleemár alhhe'eesay wasl.

2 Petro 3:7

Doori nee yaamu kuká' hamí dawá' kina amohhe'eés nee kin xún ar axweesantá Mungú sleeme, nee in kumiitiyá' ar adoorós tidá' i dirii'iya' ay bál deeloodár sakwasleema. Baldá' bira xeér, kiri daa/ ar asla, nee múk tlakuuse kuri sakwasleemuut nee kuri qwaarees.