Tlehhema'aá ya/Abuuse 17:28 - Biblía Axweesantá Hhohho' ar Mungú 2004

²⁸ Asma, ‹Baraawose atén an hootaán, nee an hi'imiitaán, nee an slafaán.› Tam daauuserhúng bahh'alé adoorí gaa kát, ‹Asma atén sleeme a xwaylarós›.

Ya/abtór hho' 1977

²⁸ Asma, ‘Baraawose atén an hootaán, nee an hi'imiitaán, nee tawa slafaan.’ Tam goouuserhúng ar daa'aangw bahh'alé adoorí gaa kát, gídaabá, ‘Asma atén sleeme a xwaylarós’.

Tlehhema'aá ya/Abuuse 17:28 Iomraidhean Croise

YOBU 12:10

Slafíngw umuúqo makiito'ooro i baraá dabaawós, slafíngw umuú hee i baraá dabaawós.

WARA'AMI 36:9

Asma diroge kutloó ma'aá slafiingw i deer, baraá gwa/aateemaawoge atén gwa/aateema i araán.

WARA'AMI 66:9

Asma inós slafingwrén gun taami kón, nee tam ya'aarén gi mayká niwa nikiitsiya'.

YEREMIA 38:16

Waawutmo Sedekia lo'o gari geeraá Yeremia wa /aáy ar naaqo, iwa kaahi, «Adoodár AAKOÓ MUNGÚ ir hotaatina, aníng kuúng u gaasaaká, laqaá u dabaá múk u slahh'eemiís i qaasaaká.»

DANIELI 5:23

Tam muruuwí sleémeero ugwa xui. Ala kuúng kitángw Aakoó doori kuwa xirfayes, kuúng tina kilók urés, xooslaá Doó Mungú kiri léhh kiri difaáirár xúf, kuúng nee bariiseroge nee tlaawaywoge nee /ameenarók tidá' quturmo wasle. Kuúng munguaá taa tléhh ar peésa nee sahaábu nee muqslír sirdaa/aat, nee muqsli, nee xaai nee tlaa/e kiri xirfayemiís, munguaá xumisa'aaká, nee i axamisi'aaká laqaá gár i xuiya' i káhh. Ala Munguúdá' slafiingók gu taami koóm nee kudá' lohduuwók gi xuú', ugwa ilaiwa/amér i tlehhká.

Luka 20:38

Nee inós a Munguú tu'uwooká, ala a Munguú múk slaáf, asma sleémeero ta slaaf dirose.»

Luka 3:38

garmoó Enoshi, garmoó Seti, garmoó Adam, garmoó Mungú.

Yohana 11:25

Yesu gari báy, «Aníng an waasle/ nee slafiingw. Heé aníng iga haratlintii', tim i gwaai, inós i slaaf.

Yohana 5:26

Asma adoodá' Baabá ir slafíngw kon, nee Garma sleeme gwa slafíngw i haniís.

DABE 30:20

AAKOÓ MUNGÚ, Munguúhúng sla'aak, nee afoorós iialooeesaak, nee inós i naga'ataak. Asma adoorí bara tlehhé' an slafingwhúng nee an hotaahúng awa tleerá' baraá yaamuudá' AAKOÓ MUNGÚ aa lo'ór wa /aáy ngiwa haniisi dír baabi'iihúng Abrahamu, nee Isaka nee Yakobo.»

Kolosai 1:17

Inós i daadeer iimír mura' sleémeero iwa deeruutiiká, nee baraawose mura' sleémeero in kumaamiit ar adoodá' ngura tleéhh.

Tito 1:12

Heé ayaaín, nee slám a aarusmooín oo kilá' ina oó', «Múk Krete a lamuuse umuúqo deelooro, inooín a makaá tlakw, slám a hheehhuuse nee a tli/uuse.»

Ebrania 1:3

Inós an miiraa/ór xirfuú Mungú, nee an slaqsoó Munguú kilá'. Inós mura' sleémeero gun amohhe'eemaamiis ar axweesantós tidá' aleesleemuú koom. Tlakweema hamaatlaro ngiwa hhe'eés, iri iwiít dákw doó /iyáy oo Munguú Aleesleemusmo gawaá dooriiwo.

Ebrania 12:9

Baabi'iirén awa slaqwa atén tina muxiyé', nee atén inooín ngiri ilaiwawa/aán. Gawaá adoorihe a tsiníheéke Baabuúduú muneerén bura ak ilaiwawa/aán, as tawa slafaan.

Ebrania 2:11

Inós tlakweemaá muu gin hheehhe'eemiis. Inós nee mukdá' ta tlakweema hheehhe'eemiisi Baabuúín a wak. Gawaá adoorihe inós i murumiitiiká inooín ngiwa hhaeewós ar ateetin.

1 SAMUELI 25:29

Barnaxes muu naa ti'iít oo slafiingók gu qwaareesár wa slaá', AAKOÓ MUNGÚ, Munguúwók, slafiingók gun xún dinkwa nee kudá' slafa'a, ala slafíngw wakuuseerók gun kwaahh amór saáwí ale, adoodá' hee tlaa/ano ngur tsaxaari ar kukumaayi.