Tlehhema'aá ya/Abuuse 17:23 - Biblía Axweesantá Hhohho' ar Mungú 2004

²³ Asma aníng ana hi'iimiít baraá gixsarí wa ale, nee qoomár niwa hi'iimiit, kitángw ilahhooa una ár oo taa gooín /aymi'iiká' i alé, ‹Dír munguúdá' xu'utiitaaká.› Ala aníng kángw ni alki/iit an kángw Munguúdá' kuungá' ta sluufmisa', kudá' kuungá' ta xua'aaká.

Ya/abtór hho' 1977

²³ Asma aníng ana hi'iimiít baraá gixsarí wa ale, nee qoomár niwa hi'iimiit, muruú sluufimisuú munguihúng wa hariím una ár. Slám meésár ilahhooa ana ár ar taa gooín /aymi'iiká' i alé, ‘Dír Mungúdá' xu'utiitaaká.’ Ala aníng iidíguú ni alki/iit an iidíguú Mungúdá' kuungá' ta sluufimisa', kudá' kuungá' ta xua'aaká.

Tlehhema'aá ya/Abuuse 17:23 Iomraidhean Croise

WARA'AMI 147:20

Muruuwí gwa tleehhiiká dír xoorór hatlae, Xoordaá hatlá' kaahirós ngi xuiaaká. AAKOÓ MUNGÚ xirfayeemisaak!

WARA'AMI 50:21

Adoorí an adoodá' taa tléhh, aníng nay xasliít. Kuúng kawa xu' aníng aqo adór kuúng. Ala aníng kuúng u iigahhaát, muruuwí sleémeero ngu geehhoeés dír geeraawógí alé.»

ISAYA 45:4

Aníng kuúng una ateét ar umuuwók. Aníng kuúng un umuú iia tleér i haniís tam handá' aníng i xu'kahe. Adoorí ana tleéhh as daanduú sagadiyuuser'eé' múk Yakobo nee as múk Israeli kudá' naa tsawaár.

Matayo 15:9

Inooín aníng in tawó xirfayeemisiyá', ala gár ta intsaahhatimisi a hara'aydaá muu hariímár axweesantá Mungú wa ale.› »

Yohana 17:25

Baabuú gan'amuú koóm, muu kuúng ugwa xuiiká. Ala án kuúng ugwa xuú', nee kuká' ngaa xuiyé' adór án kuúng ira ya/áp.

Yohana 17:3

Nee slafíngw alhhe'eesay wásl an kwí, kuúng uwa xuiya', Munguúduú ló', kudá' wák, nee Yesu Kristo, kudá' naa ya/áp.

Yohana 4:22

Kuungá' oo ta sluufmisa' u xua'aaká. Ala atén Mungú ta sluufmisaan u xuaán. Asma ba/ama amór ni dahh a amór múk Yahudi.

Yohana 8:54

Yesu inooín giri mu/aywaáts, «Án kilooeé' birti xirfayeemiís, xirfuueé' a gaarooká. Án Baabuúeé' i xirfayeemiis, inós an kudá' kuungá' tawa kata', ‹A Munguúrén.›

Tlehhema'aá ya/Abuuse 17:30

Qoomaadá' iimi kawa boó/, Mungú muruuwí guna al qiqtlín, asma tawa adór muruú i ga/ayká. Ala hamí muu sleémeero umuúqo diiro gun ádbabáy tawa hhu'u'un.

Rumi 1:28

Inooín xu'utidár Mungú kuwa xui, kaa gaárí xuiiká. Gawaá adoorihe Mungú sleeme inooín giri máy baraá inslaway'ín kudá' aa hhitiruut, as muruudá' hariimaaká kuwa tleehhi.

1 Korinto 1:21

Asma Mungú gana slaá' baraá sagalooarose, muu inós munguwa tsaáhh ar sagalooar'ín ar kilá'. Gawaá adoorihe inós kwasleema gari tsaát kilós alé as mukdá' haratlintaatií' kuwa ba/amisi ar axweesantadár dakti'iima, tidá' atén ta alki/iitaan.

1 Korinto 8:5

Munguaá yaariir i dayá' mungui gawaá dooriwo nee tam baraakaá yaamuwo. Gawaá adoorihe i ya/aán tawa ooaan, mungui ki yaariir, nee bariise ka yaariir.

Efeso 2:12

Slám inslawaak qoomaadae kuungá' tunda paraátl dír Kristowo. Asma kuungá' a múk Israeliwooká. Nee baraá alqadoodár Munguhe kuungá' a kahhá', tam baraá al'axweesantadá' taa haragaasi nee alqadoodae. Kuungá' tawa hoté', a harahhifór koonda'aaká, slám Mungú u koonda'aaká baraá slafingwhúng oo baraakaá yaamuwo.

2 Tesalonike 2:4

Inós a Wakaarusmo, inós tin oo úr tlehhiit dír muruudá' sleémeero muu i sluufmiisi adór munguii'ín wa ale. Slám ti ureemiis dír muruudá' sleémeero oo hhohhoe. Nee inós in baraá Doó Mungú i iwtanángw aa'áy, iwa kaahi, «Aníng a Mungú.»

1 Timoteo 1:17

Waawutmoó alhhe'eesay wásl kudá' baloó gwaa'aaká, kudá' geehhooeeká, inós kilós an Mungú. Ilaiwa/ame a tós nee xirif a kós ay alhhe'eesay wasle. Amin.

1 Yohana 5:20

Garmoó Mungú adór nira hardáh, atén a xuaán, nee inós fuquraangw ngwa haniís oo inósuuduú Munguú ló' kuwa xuaan. Nee atén a baraá inósuuduú ló' i diriiaán, as tawa baraá Garmaawós Yesu Kristo. Kwí an Munguú ló' nee slafíngw alhhe'eesay wásl.