Tlehhema'aá ya/Abuuse 17:2 - Biblía Axweesantá Hhohho' ar Mungú 2004

² Paulo iri baraadí dáh adoodá' /iisí i tlehhahhiti. Deelo tám ar Sabaáto gari baraadá' wa hhe'eés, tiwa tlaampa'aamisiya' nee múk Yahudi daanduú Gooír axweesantá Munguhe.

Ya/abtór hho' 1977

² Paulo iri dáh baraadí alé adoodá' /iisí i tlehhahhiti. Lel'aá tám awa hungu/uma gari baraadá' wa hhe'eés, tiri tlaampa'aamisiyé' nee múk Yahudi daanduú Gooír axweesantá Munguhe.

Tlehhema'aá ya/Abuuse 17:2 Iomraidhean Croise

ISAYA 1:18

AAKO i kaahi, «Qwalaasé' hamí aníng nee kuungá' a axweesaán, tlakweemaahúng tim da/atatuyá' adór inqwaarír daa/aát wá ale, nin /awkukuyá' adór tlaa/aá tluwaay, tim da/atatuyá' adór tseere, nin /awkukuyá' adór se'éngw bee/ángw /awák.

Matayo 26:24

Garmoó Hee inqo tawo amór gwa'arár i hi'iit, adoodá' gooi i kat daanduuwose. Ala heedá' Garmoó Hee gu sakií/, hhiintluuwós ku gawít. Inós a tsiní geera bur kwa laqwaaliiká.»

Luka 4:16

Yesu iri Nasaretírí tláy amoodá' kuwa ureés. Deelór Sabaátoro iri dáh baraá doó saaliingw adoodá' /iisí i /imaamisi. Iri sihhiít as iwa soomuusi.

Yohana 18:20

Yesu iri oó', «Aníng ana axweemaamiís dír geeraá muu sleémeero daqisleém. Dír án niwa intsaahhatimaamiis a baraá maraá saaliingw nee baraá Doó Mungú, dír múk Yahudi sleémeero iwa burumburimaamiti. Gár naa axweés ar sufa i káhh.

Tlehhema'aá ya/Abuuse 13:14

Ala inooín tana Pergér wa tláy, tari waaraáhh ar yaamaá kaahaar, tari hardáh ay Antiokia, gixsár yaamaá Pisidia. Bál deelór Sabaátoro tari dáh baraá doó saaliingw, tari iwiít.

Tlehhema'aá ya/Abuuse 13:5

Qoomár tawa Salamír i dirii'i, Ya/abtór Mungú kari alki/iít baraá maraá saalíngw múk Yahudiro. Yohane a dinkwa nee inooín, as ngiwa alee/iimisi.

Tlehhema'aá ya/Abuuse 14:1

Paulo nee Barnaba tawa Ikoníór i hardáh, tari dáh baraá doó saaliingw oo múk Yahudi, adoodá' taa tleéhh baraá Antiokiaro. Axweesantá Mungú kawa alki/iít, múk yaariír iri haratlintií', múk Yahudi nee oo Yunaniro.

Tlehhema'aá ya/Abuuse 17:10

Hamtidár kilae hhae Paulo nee Sila ngiri bayé', «Tlawsé' xweeraaká' alé ay Berea.» Tawa hardáh tari dáh baraá doó saalíngw múk Yahudi.

Tlehhema'aá ya/Abuuse 17:17

Qoomár iwa baraá doó saalíngw i dirii'i nee múk Yahudi tiri tlaampa'aamisiyé' nee mukdá' Munguú ilaiwawaá/. Nee umuúqo deelooro tiri tlaampa'aamisiyé' nee mukdá' nee inós ti dogagita' didá' mura' kuwa weerimamisi.

Tlehhema'aá ya/Abuuse 18:4

Umuúqo deelór Sabaátoro Paulo ina dáh baraá doó saaliingw, múk Yahudi nee oo Yunaniro guri intsaahhatimís as ngiwa ar ba/i.

Tlehhema'aá ya/Abuuse 19:8

Paulo ina daráh baraá doó saaliingw, har afi qoomár slahheeri tame kángw waawuti'iimár Mungú guri baraadá' wa alki/iít ar pihh'uuma. Paulo nee muu tina tlaampa'aamisiyé', nee muu guri harakeemiís.

Tlehhema'aá ya/Abuuse 24:25

Paulo kángw hotaá ganaa'á' nguwa alki/iít, nee kángw harqoomaay, nee sakwasleemár hi'iit, Felisi iri da'ayuút guri báy, «Kuúng ala tláw, án pa/aangw bura sláw, án kuúng uqo ateét.»

Tlehhema'aá ya/Abuuse 28:23

Deelo kari al'axweés ar kuwa iiárií qaasár ay. Múk ló'wa yaariír guri i daqáy dír do'dá' inós i hooti. Iimír matlaatle ay tsiindo Paulo kángw waawuti'iimár Mungú guri dir'íní alki/iít ar axweesanoó aleesleemuú koóm, gari laqaqán ar gooír Mose nee aaruuse adór Yesu tar Kristo.

Tlehhema'aá ya/Abuuse 8:35

Filipo Ya/abtór hho' ar Yesu gari iimu/ún dirósí alki/ituuwo. Dír ngiwa iimu/ún a dír axweesantadaádá' heedaádá' aa soomuús.

Tlehhema'aá ya/Abuuse 9:20

Kángw Yesu guri alki/iít baraá maraá saaliingo iwa kaahi, «Inós a Garmoó Mungú.»

1 Korinto 15:3

Kaangwí afhhamít aníng una ilaóh nguri kuungá' i oó'. Kaangwí an kwí, Kristo ina gwaá' as tlakweemaarén, ar adoodá' Gooi i kat,

1 SAMUELI 12:7

Gimsé', sihhiité' diisír kilá', as kahhó' AAKOÓ MUNGÚ sakwasleema ngiwa tleehhi tla/ángw aníng nee kuungae, nee aníng tlehhma'aá ba/ama awa AAKOÓ MUNGÚ ngi dirhúngí alki/iít kudá' aa tleéhh dírhúng nee dír baabi'iihúng.