Tlehhema'aá ya/Abuuse 17:18 - Biblía Axweesantá Hhohho' ar Mungú 2004

¹⁸ Mukko intsaahhasár Epikuro nee ar Stoiki tiri tlaampa'aamisiyé' nee Paulo. Bahh'alé tari oó', «Daktantí gár i ooár wa sla' a milá?» Bahh'alé tari oó', «Baré a adór heé ya/abtór munguaá xuawaslen ga alki/iít.» Adoorí kana oó' asma inós kángw Yesu guna alki/iít, nee kángw waasle/uuwós.

Ya/abtór hho' 1977

¹⁸ Mukko oo intsaahhasár Epikureo nee ar Stoiko tiri tlaampa'aamisiyé' nee Paulo. Bahh'alé tari oó', “Daktantí gár i ooár wa sla' a milá?” Bahh'alé tari oó', “Baré a adór heé ya/abtór munga'aá xuawaslen ga alki/iít.” Adoorí kana oó' asma inós iidíguú Yesu guna alki/iít, nee iidíguú waasle/uuwós.

Tlehhema'aá ya/Abuuse 17:18 Iomraidhean Croise

AXWEESANOÓ SAGALOOA 23:9

Axweesantók ma ooaar baraá iaá heé daktani, asma aluuwo axweesanaywók oo sagalooa gu waaqaa'.

AXWEESANOÓ SAGALOOA 26:12

Heé sagalooarós ga ar daara/aám ugwa aándi looár wake. Daktani an haragóp ta inose.

Marko 9:14

Tawa dír eeharuusér i hardáh, naxés nee intsaahhatuusér hara'ayár Mose ti tlaampa'amisiyá' ar axweesani, boo/oó yaariír inooín gaa harweér.

Luka 11:53

Qoomár Yesu iwa ti'iít, intsaahhatuusér hara'ayár Mose nee múk Farisayo kuri i haratláy as kuwa yaahamiisi nee kuwa /amatseegi ar yaahamisuú yaariír,

Tlehhema'aá ya/Abuuse 26:23

Nee kangwdá' a kwí, Kristo gár kuwa hariím a kun slahh'eemiis, nee tari heé baraá múk aa qaátl wa geerií waasleé/. Nee kángw gwa/aateema guri alki/iit dír múk Israeli nee dír múk xoordaá hatlae.»

Tlehhema'aá ya/Abuuse 4:2

Tari ló'wa buúhh, asma muu kuwa intsaahhatimís nee kángw waasle/uú Yesu kuwa alki/iít.

Tlehhema'aá ya/Abuuse 5:42

Nee umuúqo daqto baraá Doó Munguhe, nee dír maray'ine, axweesantá Mungú kaa mayká intsaahhatimisuwo, nee alki/ituú Ya/abtór hho' ar Yesu adór inós tar Kristo.

Tlehhema'aá ya/Abuuse 6:9

Mukko i deer, oo ta bay múk doó saaliingw oo tinda gweér baraá lawaali'iimaro nee oo múk Kirene, nee oo múk Aleksandria nee oo mukdá' oo Kilikia nee Asia. Mukuú doó saaliingwí bahh'alé iri daqáy amór Stefano, as tiwa tlaampaa'amisiya' nee inós.

Rumi 1:22

Inooín ta kaahi, «Atén a sagalooár koomaán,» ala laatí inooín tari daktu'uút.

1 Korinto 3:18

Hee mitiwa kilós al/agín. Hee birti kilós harafadiit adór inós ir sagalooár kón, ar adoodá' múk baraaká' yaamu sagalooa ngir ga/ay, heewí gár kuwa hariím in ala daktu'uut, as masók daqaní sagalooaadár ló' ngiwa slay.

1 Korinto 4:10

Atén a daktana as Kristo. Ala kuungá' a múk sagalooár koóm baraá Kristowo. Atén ti daqeetlákw, ala kuungá' a /uuruú koondá'. Kuungá' tundu ilaiwawaa/, ala atén ti waaqaaqaa'.

Kolosai 2:8

Ti harmagahhe', hee munduwa naáxw ar axweesanaywós oo tawo oo gaa wásl oo al/ayma. Asma axweesanaydá' amór naa daáhh a amór unuú muu, a amór Kristoowooká.