Tlehhema'aá ya/Abuuse 17:17 - Biblía Axweesantá Hhohho' ar Mungú 2004

¹⁷ Qoomár iwa baraá doó saalíngw i dirii'i nee múk Yahudi tiri tlaampa'aamisiyé' nee mukdá' Munguú ilaiwawaá/. Nee umuúqo deelooro tiri tlaampa'aamisiyé' nee mukdá' nee inós ti dogagita' didá' mura' kuwa weerimamisi.

Ya/abtór hho' 1977

¹⁷ Qoomár iwa baraá doó saalíngw i diirii'i nee múk Yahudi tiri tlaampa'aamisiyé' nee múkdá' Mungú gu ilaiwawaá/. Nee umuúqo deelooro tiri tlaampa'aamisiyé' nee mukdá' nee inós ti dogagita' didá' mura' kuwa weerimamisi.

Tlehhema'aá ya/Abuuse 17:17 Iomraidhean Croise

AXWEESANOÓ SAGALOOA 8:34

Heé amohhoó' a kudá' aníng i iiárií qamiím, kudá' umuú baalaaro afkú dooeé' wa daamaaraám. kudá' afkú dooeé' wa iwiwiít.

YEREMIA 6:11

Gawaá adoorihe buhhtaá AAKOÓ MUNGÚ baraeene naa hatsiyé' as inooín. Aníng ilaa/aro taa harslaaqaát.» AAKOÓ MUNGÚ iri báy, «Buhhta ku'uuseek gawaá na/iidaá baraá loohi, nee sleeme dír daqtá masoomba sleémeero, hhawaate nee /ameenaaro ki ar tláy, tam bariise nee bariisér aa diimadiindi.

Marko 16:15

Aluuwo Yesu giri báy, «Tlawsé' baraá yaamu sleémeero, Ya/abtór hho' alki/iitaak dír muu sleémeero.

Luka 12:3

Asma tidá' taa katé' baraá giwtír wa ale, ka axaas dír gwa/aát wa aleeró, slám tidá' taa saasahhaandé' baraá qul/áy wa ale, ka tsee' gawaá daandeemaá maráy wa ale.»

Tlehhema'aá ya/Abuuse 10:2

Inós nee múk do'ose sleémeero ta Munguú ilaiwa/a/aat. Slám muu gun qaaqáy ilahhooár yaariire, nee Mungú gun firaarín daqisleém.

Tlehhema'aá ya/Abuuse 13:16

Paulo iri sihhiít, giri kuútl ar dawa, iri oó', «Kuungá' múk Israeli, kuungaásingá' awa Munguú ilaiwawa/á', iia qaasaak.

Tlehhema'aá ya/Abuuse 13:43

Qoomár muu iwa diyaa/aát, múk Yahudi oo yaariír Paulo nee Barnaba gina eehár, dinkwa nee múk xoordaá hatlá' oo aa warqay baraá diínír múk Yahudi. Paulo nee Barnaba tari axweés nee inooín, kiri gurkwa/amís as tawa baraá gurtleemuú Mungú wa hooti.

Tlehhema'aá ya/Abuuse 13:50

Ala múk Yahudi /ameenadá' uren, tidá' Munguú ilaiwawaa/, nee múk urén oo gixsa, kina dukún, muu kuri harakeemiís, as Paulo nee Barnaba kiwa guusi. Paulo nee Barnaba kiri tsee/áy duúx baraá yaamuuín kudae.

Tlehhema'aá ya/Abuuse 8:2

Múk Munguú ilaiwawaá/ Stefano guri foól, kuri sa tsuunqumiís ló'wa ale.

Tlehhema'aá ya/Abuuse 9:20

Kángw Yesu guri alki/iít baraá maraá saaliingo iwa kaahi, «Inós a Garmoó Mungú.»

2 Timoteo 3:2

Asma qoomaadá' binda hardát, muu a múk ti kilooín slaá'. Slám muu a múk peésár slaá', nee a múk ti kilooín xirfayeemiís. Muu a múk daara/aám, nee a múk múk /ooslisliím, nee múk xwaylitér'ín ilaiwawa/aaká, nee múk sluufaay wásl. Nee slám a múk hhohhoeká.

2 Timoteo 3:5

Inooín bir ga/eér a adór múk Mungú, ala /uuruú Mungú ku ya/a/anká. Kuúng ti paratl dír múk adór kwihe.