Tlehhema'aá ya/Abuuse 16:6 - Biblía Axweesantá Hhohho' ar Mungú 2004

⁶ Tari waaraáhh ar baraá yaamaá Frigia nee Galatia. Qeeruú hhoohhoó' oo Mungú gaa aleeya/aniká axweesantá Mungú kawa alki/iiti baraá yaamaá Asiaro.

Ya/abtór hho' 1977

⁶ Tari waaraáhh ar baraá yaamaá Frigia nee Galatia. Qeeruú hhoohhoó' gaa aleeya/aniká axweesantá Mungú kawa alki/iiti baraá yaamaá Asiaro.

Tlehhema'aá ya/Abuuse 16:6 Iomraidhean Croise

ISAYA 30:21

Baraá loohiro bar papaaslá' bartá doó basáy laqaá ar doó /iyáy, afo aqo axasá' amór aluuhúng ar kah, «Loohi a tí, loohirí nar oohaak.»

Luka 1:2

adór kungura atén i alki/iít nee mukduú aáng gwa ar ar ilaaín iimír geeraá wa ale, nee oo axweesantadá' gaa alki/iit.

Tlehhema'aá ya/Abuuse 10:19

Petro qoomaadae i iigu'utudá' aldakuut. Qeeruú hhoohhoó' oo Mungú guri báy, «Mukko tám i kuúng leelehhiit.

Tlehhema'aá ya/Abuuse 11:12

Qeeruú hhoohhoó' oo Mungú ina báy, ‹Nee mukí ti al koonde', ma xurumiitaar.› Nee hhaeeká' lahhoó' sleeme tay alkoomaán tay dahaán baraá doó heedaádá' i alé.

Tlehhema'aá ya/Abuuse 16:7

Qoomár yaamaá Misia kiwa i qón, daqeemuú Bitinia kuri iiár, ala Qeeruú Yesu aa ya/aniká.

Tlehhema'aá ya/Abuuse 18:23

Iwa amoodá' wa hoót deelór niinawe, iri malé tláy, iri waaraáhh ar tla/ángw yaamaá Galatia nee Frigia, inós eeharuuse sleémeero gari alee/iimiís /uuru nguwa sleer baraá haratlintaaooro umuúqo gixsaro.

Tlehhema'aá ya/Abuuse 19:10

Tari kumiít ar adoorí ay kureeri tsár, tam múk Yahudi sleémeero nee oo Yunaniro kudá' Asiár i dirií', Ya/abtór Aako gari axaás.

Tlehhema'aá ya/Abuuse 20:16

Paulo gaa slaiiká iwa waaraahhi ar Efeso. Asma deelór yaariir mingiwa qwaareés yaamaá Asiárí wa aleeró. Asma inós i gaanslín. Gár aa slaá' masók in hardah Yerusalemu dír deeloodár Pentekoste ira xeeriiká.

Tlehhema'aá ya/Abuuse 20:28

Kuungá' kilá' munerhúng harmagahhaak, nee kríshaanáydá' sleémeero, kudá' Qeeruú hhoohhoó' oo Mungú kuungá' nuwa qaás tawa xuumuuser'ín. As múk Aako kuwa de'eenda', kudá' inós aa tlaáxw ar tseereerós ar kilá'.

Tlehhema'aá ya/Abuuse 20:4

Inós tina koné' nee Sopatro, garmoó Piro. Inós a heé yaamaá Berea, nee Aristarko nee Sekundo, inooín a múk gixsár Tesalonike, nee Gayo, heé gixsár Derbe, nee Timoteo nee múk tsár oo Asiár daáhh. Inooín a Tikiko nee Trofimo.

Tlehhema'aá ya/Abuuse 21:27

Deeloodá' faanqw iwa naká/ faakmawo, mukko Yahudi oo Asiár daáhh Paulo kuri baraá Doó Mungú wa ár. Mukwí tlaahhi gari qaás dír muu sleémeero, Paulo kuri óh.

Tlehhema'aá ya/Abuuse 6:9

Mukko i deer, oo ta bay múk doó saaliingw oo tinda gweér baraá lawaali'iimaro nee oo múk Kirene, nee oo múk Aleksandria nee oo mukdá' oo Kilikia nee Asia. Mukuú doó saaliingwí bahh'alé iri daqáy amór Stefano, as tiwa tlaampaa'amisiya' nee inós.

Tlehhema'aá ya/Abuuse 8:29

Qeeruú hhoohhoó' oo Mungú Filipo guri báy, «Tseewúw dír bihhaá gaárirí, ti alkoonde'.»

Rumi 16:5

Múk kríshaanáy kudá' baraá dooín wa saalaaliím intsihhiisaak sleeme. Epaineto, sla'aarusmooeé', intsihhiisaak. Inós baraá yaamaá Asiaro a heé Kristo gwa geerí ya/an.

1 Korinto 12:11

Heé muruuwí sleémeero gu tleéhh a Qeeruú Mungú kudá' wák kilós. Qeeru aleesleemu gun hanmiis dír umuúqo heewo ar adoodá' i slai.

1 Korinto 16:1

Daanduú ohme as múk hhohhó' oo Mungú, kuungá' gár tunduwa hariím adoodá' án naa hara'ayiím dír múk kríshaanáy oo yaamaá Galatia an tlehhá'.

1 Korinto 16:19

Múk kríshaanáy oo baraá yaamaá Asiár i dirií' kuungá' nu intsihhiimiis. Kuungá' tundu ló'wa intsihhiimiis ar baraá Aako nee Akila nee Priska dinkwa nee kríshaanáydá' ti baraá dooíní dogaagiít.

2 korinto 1:8

Hháe, atén adoorí an kaahaán, asma atén a sla'aán kuungá' slahh'amaayeedá' atén taa slawaán baraá yaamaá Asiaro kawa xua'. Asma atén slahh'amaayeedá' taa slawaán ka ló'wa ur, tam atén ana harslaaqataán gagaararo. Tam harahhifór tawa slafaan iri fák.

Galatia 1:2

Aníng nee hhae sleémeero kudá' diirí diriiá' barwaárí ngina gooiimaán amór múk kríshaanáy sleémeero oo baraá yaamaá Galatia.

Galatia 3:1

Kuungaá múk Galatia a daktanár kilá'. Heé kuungá' naa da/arin a heemá? Adór Yesu Kristo kura kikií' kuungá' aga axasé' ar adór geehhoo'.

2 Timoteo 1:15

Kuúng a xú' adór mukduú baraá yaamaá Asia sleémeero aníng ira geexáy, tam Figelo nee Hermogene sleeme.

2 Timoteo 4:10

Asma Dema muruú yaamu guna slaá', aníng iri geexáy, iri tláy ay Tesalonike. Kreske aa yaamaá Galatiár i tláy. Tito sleeme aa yaamaá Dalmatiár i tláy.

Ebrania 11:8

Abrahamu sleeme a heé haratlintaaór koóm. Inós kuwa ateét, ateetamór Mungú gari iiárií qaás, iri tláy dír yaamuuwós wa ale, iri hardáh ay dír yaamuudá' Mungú aa al'axweés dirós i alé ngiwa aali. Slám iri tláy yaamuuwós wa ale, ala amór i kay ga xuiiká.

1 Petro 1:1

Anuú Petro, ya/abusmoó Yesu Kristo, barwaárí ngina gooiím amór múk taa tsawaár oo Mungú, oo aa diyaayaa/aat, oo baraá yaamaá dahaayi'iimár wa hoót, baraá yaamaá Ponto nee Galatia nee Kapadokia nee Asia nee Bitinia.

Geehhoeemaá 1:11

Afoorí ina beér, «Gár kuúng ta aan gooiimeek baraá kitaábií alé, nee daqaní kay ya/áp amór múk kríshaanoó baraá gixsadaá faanqw, awa Efeso, nee Smirna, nee Pergamo, nee Tiatira, nee Sarde, nee Filadelfia, nee Laodikea.»

Geehhoeemaá 1:4

Anuú Yohane muruuwí una gooiím amór múk kríshaanáy oo baraá gixsadaá faanqw awa baraá yaamaá Asia. Tsuuqa nee wayda kudá' amór Mungú dahhá' masók i dinkwa nee kuungá'. Inós an kudá' dáw, nee kudá' qaroó daadáw, nee kudá' hardáh. Nee slám tsuuqaaká' nee wayda amór i dahhiya' a amór qeeremoodá' faanqw, kudá' dír geeraá kitaangós oo aleesleemuú i diriiá'.