Tlehhema'aá ya/Abuuse 16:5 - Biblía Axweesantá Hhohho' ar Mungú 2004

⁵ Gawaá adoorihe kríshaanáy umuúqo diiro /uuru guri sláy baraá haratlintaaoodae, faaror'ín iri doogigiín umuúqo baalaaro.

Ya/abtór hho' 1977

⁵ Gawaá adoorihe Krishaanoó umuúqo diro kuri kwa/aás baraá haratlintaaoodae, faaror'ín iri doogigiín umuúqo deelooro.

Tlehhema'aá ya/Abuuse 16:5 Iomraidhean Croise

2 QOM'I 20:20

Looa niwa tleér matlaatlér boo/e tana tseewa tláy amór xaanxoó Tekoa. Qoomár tawa tlatlay, waawutmo Yehoshafati ina geeraaín i sihhiít giri báy, «Aá múk Yuda nee yaamuloouusér Yerusalemu, án iiárií qaasaré'! AAKOÓ MUNGÚ haratlintiaak, kuungá' daqaní a gawduurá', nee aaruuseerós haratlintiaak, daqaní kuungá' a baaliindá'.»

ISAYA 7:9

Slám ságw Efraimu a Samaria, nee ságw Samaria a garmoó Remalia. Barnaxes a haratlintatia'aaká, looeemaawo a gawdura'aaká.»

Tlehhema'aá ya/Abuuse 11:21

/Uuruú Aako i gawaaín i dirii', nee múk yaariír Aako guna haratlintií' guri i warqáy.

Tlehhema'aá ya/Abuuse 12:24

Ala axweesantá Ya/abtór Aako iri kumít nee iri tsiyayaaxát.

Tlehhema'aá ya/Abuuse 15:41

Iri waaraáhh ar baraá yaamaá Siria nee Kilikia, múk kríshaanáy guri alee/imiís /uuru nguwa slaya' baraá haratlintaaooro.

Tlehhema'aá ya/Abuuse 2:47

Mungú kuri sluufmiís, nee muu sleémeero kuri sla'atimís, Nee umuúqo baalaaro Aako faarór mukós kudá' ba/aa/ám gana dogiít.

Tlehhema'aá ya/Abuuse 4:4

Ala baraá mukdá' axweesantadá' gaa axaasi awa yaariir ngay haratlinti'iyé', nee hhawaate a har afi qoomoó kume kooán.

Tlehhema'aá ya/Abuuse 5:14

Múk Aako gwa haratlintii' iri ló'wa tlaáhh, hhawaate nee /ameenaaro.

Tlehhema'aá ya/Abuuse 6:7

Axweesantá Mungú iri tsiyayaxát, nee faarór eeharuuse iri ló'wa doogigiín baraá Yerusalemuwo. Kaahamuusér Mungú ar yaariir iri haratlintí'.

Tlehhema'aá ya/Abuuse 9:31

Múk kríshaanáy amohhooa gari sláy baraá yaamaá Yudeawo nee Galilayaro, nee yaamaá Samaria. Tari gawdúy gawaá loohír Aakoowo, Aako kuri ilaiwawaá/, Qeeruú hhoohhoó' oo Mungú gina gurkwa/amís, nee faaror'ín iri doogigiín.

Rumi 16:25

Mungú i xirfuuti. Inós ga aleesláy kuungá' nuwa gawdeesi baraá haratlintaaooro ar Ya/abtór hho', tidár daanduú Yesu Kristo, aníng ni alki/iit, nee ar lu/aaráydá' taa iimír aáng wa luú/ kuwa geehhooeés.

1 Korinto 15:58

Gawaá adoorihe, hhaee'eé' awa sla'aaruúse, kuungá' gawduwé', ma daaraaxaatara', kumiité' ló'wa alé baraá gadiyér Aakoowo umuúqo daqto. Asma kuungá' a xuá' baraá Aakoowo gadiyérhúng tidá' ta tlehhahhita' a taworooká.

Galatia 5:1

Kristo atén tina gweér baraá lawaali'iimaaro as atén tawa hootaan ar adór múk lawaaleerooká. Gawaá adoorihe sihhiité', ma ya/aamara' tunduwa malé tseegi baraá lawaali'iima.

Kolosai 2:6

Kuungá' Kristo una ilaoté' tawa Aako. Nee ala daxta hooté' baraá slafingwhunge, tawa aldinku'uumisa' nee inós.

1 Tesalonike 3:13

Inós kuungá' nu /uurií haniisi, tawa múk hhohhó' oo xaslaansli wásl geeraá Mungú Baabuúrene qoomaadá' Aakoorén Yesu niwa hardihi, dinkwa nee mukós oo hhohhó' sleémeero.

1 Tesalonike 3:2

Hhiyaarén Timoteo kuri ya/aawaán. Inós a sagadiyusmoó wák oo Mungú dinkwa nee atén baraá gadiyér Ya/abtór hho' ar Kristo kawa alki/iitaan. Inós atén nguna ya/aawaán as kuungá' nuwa gurkwa/asi nee haratlintaaorhúng ngiwa gawdeesi,

2 Tesalonike 2:16

Aakoorén Yesu Kristo inósuú kilá' nee Mungú Baabuúrén, kudá' atén ti slaa', nee slám gurkwa/asár alhhe'eesay wasl ngaa haniís ar baraá sla'aarirós, nee haraxu'utír hhooe,

Ebrania 13:9

Kuungá' intsaahhasár dimbadimbé ar hatlá' munduwa paslís baraá loohír ganaa'a. Asma gár muneerén ga gawdees a tsuuqaá Mungú, ala a hara'ayár dimbadimbeheeká ar daanduú muruú /ayma. Asma mukdá' hara'ayaarí gaa eehaar, alee/isoó taa sláy i kaahh dír hara'ayaarihe.

1 Petro 5:10

Alaá bur tunda slahh'eemiís deelór niinawe, daqaní Munguúdá' tsuuqa sleémeero gi tawó hanmiís, kudá' kuungá' naa ateet as xirfuuwós kuduú alhhe'eesay wásl kuwa sleera' ar loohír Kristo, inós kungá' nu aleesleemuú i haniis nee nu gawdees, nu /uurií haniis, nee nu sihhitis baraá haratlintaaooro.