Tlehhema'aá ya/Abuuse 16:36 - Biblía Axweesantá Hhohho' ar Mungú 2004

³⁶ Xuumusmooduú doó tseegamo axweesantadá' gari dír Paulo i oó', «Bariiseedár kwasleema muu ngwa ya/áp kuungá' tunduwa gweeri. Ala daxta ti'iité' tsee/a, tlawsé' ar wayda.»

Ya/abtór hho' 1977

³⁶ Xuumusmooduú doó tseegamo axweesantadá' gari oó' dír Paulo gídaabá, “Bariiseedár kwasleema muu ngwa ya/áp gídaabá kuungá' tundu gweeri. Ala daxta ti'iité' tsee/áy aleeró, tlawsé' ar wayda.”

Tlehhema'aá ya/Abuuse 16:36 Iomraidhean Croise

2 WAAWITÁ 5:19

Elisha iri oó', «Kuúng tláw, waátl ar wayda.» Na'amani iri tláy. Dír ira purutsiiká,

TI'INAANGW 4:18

Mose iri kií/ amór Yetro taatoó hareerós, guri báy, «Na'ás aníng geemawáng niwa amór hhaee'eé' kaw baraá Misri, ngiwa artá aw, áx i slafiía ay laarí.» Yetro Mose guri báy, «Tláw ar wayda.»

Marko 5:34

Yesu gari báy, «Dasir'eé', haratlintaaoorók kiíng iga hungu/ús, tláw ar wayda, adoosíng tara hungú/ koomeek.»

Yohana 14:27

«Wayda ngu kuungá' i geexáw, wayduueé' ngun haniís. Wayduudá' aníng ni hanmiis, a adór wayduuduú mukwí oo baraaká' yaamu ni hanmiisiiká. Ma amoqwaqwadiimara' baraá munerhunge, slám ma da'ayumitaara'.

Tlehhema'aá ya/Abuuse 15:33

Tari hoót amoodá' wa ale deelór niinawe. Aluuwo hhae niri ya/ané' niwa watliya' ar wayda amór mukdá' inooín ngaa ya/aaw. [

Tlehhema'aá ya/Abuuse 16:23

Nee kiwa hhe'eés muxtár yaariire, kiri kwaáhh baraá doó tseegamo. Xuumusmooduú doó tseegamór ga/áw kuri báy, «Mukwí ló'wa xuumeek.»

Tlehhema'aá ya/Abuuse 16:27

Xuumusmooduú doó tseegamo iri daarkiít, adór afér doó tseegamo ira gweerít ngiwa ár, paánga gari taataáhh, ti gaasár wa slaa'. Asma inós ngi xui mukdá' taa tsegiít aa /akumiít.

Tlehhema'aá ya/Abuuse 16:35

Qoomár looa niwa tleér, bariiseedár kwasleema mukdá' urén oo askaári kuri ya/aáw, tari oó', «Mukdá' geemawaak, i tlay amor'ín ar ta slai.»

HAR'OHUUSE 18:6

Kaahamusmoodá' giri báy, «Tlawsé' ar wayda, loohír tar ota'a AAKOÓ MUNGÚ nu de'en.»

1 SAMUELI 1:17

Aluuwo Eli gari báy, «Tláw ar wayda, nee Munguú Israeli i qáy tidá' ta sla'a, adoodá' kura firiiriín.»

1 SAMUELI 20:42

Aluuwo Yonatan Daudi guri báy, «Tláw ar wayda. Aníng nee kuúng al'axweesani aga qaroó qaasaán ar umuú AAKOÓ MUNGÚ, kari lo'ór wa /ayaán, AAKOÓ MUNGÚ a lamabu'usmo tla/angwrene ay kureerisleém, nee tam baraá xwaylár nangw'eé' nee xwaylár naangoge sleeme, ay kureeraá kureér,» Daudi iri sihhiít iri tláy, Yonatan iri kií/ baraá gixsa.

1 SAMUELI 25:35

Daudi muruudá' sleémeero Abigaili i koon guri óh, gari báy, «Kiíng waátl amór do'ók ar wayda, ga/aaweek tidá' kiíng naa aníng beér aga axaás, nee firoorók aga ilaóh.»

1 SAMUELI 29:7

Hám daxta as adoorihe kuúng kií/ amór do'. Tláw ar wayda, geeraharuusér uren ar múk Filisti ma buhhtisar.»