Tlehhema'aá ya/Abuuse 16:34 - Biblía Axweesantá Hhohho' ar Mungú 2004

³⁴ Xuumusmoodá' Paulo nee Sila giri ar waátl amór do'ós i alé, giri muruú /aymár i tleéhh. Inós nee múk do'ós sleémeero tari qwalalaá/, asma Mungú kwaa haratlintií'.

Ya/abtór hho' 1977

³⁴ Xuumusmoodá' Paulo nee Sila ngiri ar waátl amór do'ós i alé, giri muruú /aymár i tleéhh. Iri qwalalaá/ kángw kilá' wa aleeró, inós nee múk do'ós sleémeerowo, asma Mungú kwaa haratlintií'.

Tlehhema'aá ya/Abuuse 16:34 Iomraidhean Croise

ISAYA 55:12

Asma kuungá' tari ti'itá' ar qwala/, tari tleerá' ar wayda. Tlom'i geerahunge niri daaiyá', xaai sleémeero awa baraá sla/a tsa/ii'ín ngiri slahhiyá'.

ISAYA 61:10

Aníng an ló'wa qwalalaá/ baraá AAKOÓ MUNGÚ wá ale. Muunaáeé' i baraa/ as Munguúeé', asma inós aníng iga uuntsuús ar tlabaá ba/ama, iga hotaá ganaa'ár tsiitiís adór hiyaay. Adoodá' garmoó duxuxuúm tir parootumamisi ar slamángw /ayo, nee adór dasír ta duxuuti tir parootumaamis, ar kwaslaá tlaxo gawden.

Luka 15:32

Ala tawa qwalaala/aan nee tawa bara/aan i hariín, asma hhiyaawók kwí geeraawo aa gwaá', hám naa waasleé/, geeraawo aa qwaár, daxta ugwa slawaán.› »

Luka 19:6

Sakayo iri aweér ar gaanslaay, Yesu guri dahi'ís ar qwala/.

Luka 5:29

Laáwi muruú /aymár yaariír guri tleéhh dír do'ose as Yesu. Boo/oó úr oo ohomuusér koódi nee múk hatlá' oo nee inooín taa al/ayin i deer.

Tlehhema'aá ya/Abuuse 11:14

Inós axweesanoó kuúng u ba/amís nee múk do'ók sleémeero, ngu kuúngií oo'.›

Tlehhema'aá ya/Abuuse 16:15

Inós baatisaro kawa hhe'eés nee múk do'ose, tiri harhheehhe'és iri ó', «Kuungá' bar aga aandé' aníng Aako ugwa haratlintií', qwalaasé', hooté' baraá dooeé' wa ale.» Tiri harakés.

Tlehhema'aá ya/Abuuse 16:35

Qoomár looa niwa tleér, bariiseedár kwasleema mukdá' urén oo askaári kuri ya/aáw, tari oó', «Mukdá' geemawaak, i tlay amor'ín ar ta slai.»

Tlehhema'aá ya/Abuuse 2:46

Umuúqo deelooro tari baraá Doó Mungú i dogiitiyé' ar muunuú wák. Muruú /aymár Aako kuna /aáy dír umuúqo dó' wa ale, muruú /aymar'ín kuri /aáy ar qwala/, nee ar muunuú /awaák.

Tlehhema'aá ya/Abuuse 8:39

Qoomár tindiwa tsa/a/an baraá yaaér wa ale, Qeeruú Aako Filipo guri ar tláy. Filipo kwaa sangw malé ariiká nee heedaádá'. Heedaádá' iri kumiít aaiiwose, i hara qwalalaa/.

Rumi 15:13

Mungú, kudá' haraxu'uti sleémeero i diri', inós kuungá' nu hatsiisi qwala/ sleémeero nee waydawo ar loohír haratlintaao, as haraxu'utirhúng iwa ló'wa doogiin ar baraá /uuruú Qeeruú hhoohhoó' oo Mungú.

Rumi 5:11

Ala a har adoorí kiloseká, ala atén Mungú un sa qwalaala/aán sleeme baraá Aakoorén Yesu Kristowo, kudá' atén taa dír Mungú haraki/is.

Rumi 5:2

Baraá Yesu Kristowo sleeme atén pa/aangw ugwa slawaán oo gurtleemuuwí nguwa i hardahaan. Atén hamí an baraá gurtleemuuwí wa iwiwiitaán. Slám atén a qwalaala/aán asma haraxu'utirén tidá' ta koomaan ar xirfuú Mungú kuwa slawaan.

Galatia 5:22

Ala gár Qeeru i laqwaali baraá slafíngw heewo a sla'aari, nee qwala/, nee wayda, nee qitla, nee hhooeema, nee gurhhooa, nee inkihhimu,

Filipi 4:17

Kuungá' ma kaahara' gídaabá aníng gár ni leelehhiit a qeemuudá' amorhúng daáhh. Ala gár ni leelehhiit a bu'utuudá' kuungá' ta sleera' asma tlehhemi'iidá' naa aníng i tlehhé'.

Filipi 4:4

Qwalaala/é' daqisleém baraá Aakoó wa ale, slám nun malé baw, qwalaala/é'.

Filemoni 1:7

Asma qwal/uú yaariír ugwa sláw nee gurkwa/asa, as sla'aarirók, asma munér múk hhohhó' kaa qwal/atís nee kuúng, hhiyaaeé'.

1 Yohana 3:18

Laqwalór ninakw, sla'aarirén miwa axweesantá tawo tleehhít, ala masók sla'aarirén an sla'aarír tlehhema'aá koom, nee ar looeema.