Tlehhema'aá ya/Abuuse 16:25 - Biblía Axweesantá Hhohho' ar Mungú 2004

²⁵ Ala Paulo nee Sila qoomár amsiwo Mungú kuri firín, nee nguri i daaiyé' ar daa'ángw ilahhooa. Nee mukduú hatlá' taa tseegiít ta axamiis.

Ya/abtór hho' 1977

²⁵ Ala Paulo nee Sila qoomár amsiwo Mungú kuri firín, nee nguri i daaiyé' ar daa'ángw sluufaay. Nee mukduú hatlá' taa tseegiít ta axamiis.

Tlehhema'aá ya/Abuuse 16:25 Iomraidhean Croise

YOBU 35:10

Ala hee i kaahh oo káh, ‹Mungú kuduú Tleehharusmooeé' i amá? Kudá' xweeraawo aníng i bar/úr áw gaálaay?

WARA'AMI 119:55

AAKOÓ MUNGÚ, xweeraawo án kuúng un inslasláw, nee dabeerók an aldakuút.

WARA'AMI 119:62

Xweeraá dakiingo an tláw uwa xirfayeemiis, asma tidá' kuúng taa kát i ganá'.

WARA'AMI 22:2

Xáy, Munguúeé', án a /aa/amiím tlaatla/aango, ala kuúng iga mu/aywatská, nee qoomár xweeraawo a /aa/amiím ala amohhooa a slaslawaaká.

WARA'AMI 34:1

Aníng AAKOÓ MUNGÚ u diidi'iimiís qooma sleémeero, inós afkwe'eene u xirfayeemiís daqisleém.

WARA'AMI 42:8

AAKOÓ MUNGÚ tlaatla/aango sla'aarirós ar warqawaaká ngi laqán, nee xweeraawo aníng Munguú nir slaaf un firiím, nee un xirfayeés ar daa'aangw.

WARA'AMI 50:15

Án ateetáng deelór slahh'amaayeero. Án kuúng u ba/amís, aníng iri xirfayés.»

WARA'AMI 71:7

Aníng adór ni dirii' a adór gár mureewasl dír múk yaariire, ala kuúng an dír gawit ar guway'eé'.

WARA'AMI 77:2

Deelór slahh'amaayer'eene Aako una leeleéhh, dabaaeé' ina gáwtí tleés xweeraawo as nguwa fiririim. Muunaáeé' gurkwa/asa gari sií'.

WARA'AMI 77:6

Xweeraawo daa'angw'eé' un inslasláw, an baraá muunaáeénií axweés, nari kilooeé' daawimiít.

WARA'AMI 91:15

Aníng bira ateét, u iiárií qaás, aníng a dinkwa nee inós baraá slahh'amaayeero, un ba/amís ngway xirfayeés.

ISAYA 30:29

Ala kuungá' múk Yerusalemu an da'á' ar qwala/, adoodá' muu i /imaamisi xweeraá deelór ure. Qwal/uú yaariír nuri áy adór múk daá' ar firiímbi, oo tsa/aa/ám amór tloomár doó AAKOÓ MUNGÚ, amór tlaa/ár Israeli.

SEKARIA 3:8

Yoshúa, kaahamusmoó úr oo Mungú, iia qaaseek, kuúng nee kaahamuuseedár hatlá' algadiyuusá', asma mukwí a layár ganaa', asma ga/aaweek, aníng sagadiyusmooeé' kudá' ta bay, Halmi ngu huúw.

Luka 22:44

Yesu iri ló'wa kumiít firooro as adoodá' muunaáwós iwa ló'wa gurhaamuuti, tam hameerós iri adór tseere tleehhít, iri yaamií taxaán.]

Tlehhema'aá ya/Abuuse 15:22

Aluuwo ya/abuuse nee bariise nee kríshaanáy sleémeero oo didií dirií', axweesani kari tsaát tawa kaahi, «Muu un tsawaaraán baraá tla/angwrén wa ale, kuri ya/aawaán nee Paulo nee Barnaba ay Antiokia.» Nee múk taa tsawaár a kwí: Yuda, kudá' ta bay Barsaba, nee Sila. Mukwí an geeraharuuse baraá hhaeewo.

Tlehhema'aá ya/Abuuse 16:19

Ala daqaareerós adór haraxu'utír daqaari'iimar'ín ira qwát ngiwa aán, Paulo nee Sila kiri uhín, kiri duuruxún ay dír boo/oó muu baraá gixsa, dír doó kwasleema.

Tlehhema'aá ya/Abuuse 16:33

Xuumusmoodá' Paulo nee Sila giri ar tláy siiwadár kilár xweeraawo, inkahhi'ii'ín giri hamaátl. Inós nee múk do'ós sleémeero kiri baatiís siiwadár kilae.

Tlehhema'aá ya/Abuuse 5:41

Ya/abuuseedá' iri ti'ít baraá do'duú kwasleemaro, ta qwalalaa/ asma kiwa harafaár tawa múk hariím mureekeemisuwo as daanduú Yesu.

Rumi 12:12

Kuungá' qwalaala/é' baraá haraxu'utír wa aleeró, qiitlé' baraá slahh'amaayerhunge, kumiité' baraá firooro.

Rumi 5:3

Ala a har adoorí kiloseeká, ala an qwalaala/aán tam baraá slahh'amaayeero sleeme. Asma a xuaán slahh'amaaye gár ni huwahup a qiqtliingw.

2 korinto 6:10

Atén ti gurhaamír i qamín, ala laatí atén a múk qwalalaá/ umuú deélooro. Atén a narkuute, ala laatí atén múk yaariír ugwa daqaari'iitisaán. Atén a múk gaa wásl, ala laatí atén mura' sleémeero u koomaán.

Efeso 5:19

Nee axweesé' kiloohúng alé ar wara'ami nee daa'ángw bara/, nee daa'ángw baraá Qeeru. Daaé' nee ta bar/á' baraá munerhunge as Aako.

Filipi 2:17

Ala haratlintaaorhúng a ilahhooár án ni hanmiis dír geeraá Mungú i alé. Bar adór garka tseerer'eé' iwa ku'uta gawaá daanduú ilahhooarí, aníng a qwalaá/ sleeme. Slám qwal/uueé' kwí ngway qasiís dirhúng i alé.

Kolosai 1:24

Hám daxta a qwalalaá/ asma tiwa slahh'eemisi as kuungá'. Án baraá slaqwte'eene birti slahh'eemiis, a slahh'eemisuú Kristo un boo/eemiís, kudá' aa meet baraá slahh'eemisuuwós as slaqwtós. Slaqwtós an múk kríshaanáy.

Ebrania 5:7

Qoomár Yesu iwa baraakaá yaamuú wa hoót, Mungú guna i /aa/amín ar afór ur, nee ar hhirhheeri, guri firiirín nee nguwa ateetin. Asma Mungú inós gu aleesláy nguwa ba/amisi baraá gwa'araaro. Inós kuri iiárií qaás nee Mungú asma adoodá' tiwa niinaweés, nee adoodá' Mungú nguwa ilaiwawaá/.

Yakobo 1:2

Hhaee'eé', kuungá' iiara'aduú dimbadimbé bura sleeré', harafaaraak tawa qwal/uú úr dirhunge.

Yakobo 5:13

Hee baraahunge slahh'amu bunga sláy, inós Mungú ngu firin. Hee bir qwalalaa/, Mungú ngu diidi'iimisi.

1 Petro 4:14

Kuungá' bar tundun /ooslislín as Kristo, kuungá' daqaní a múk amoohhoó'. Asma Qeeruú Xirif kuduú Mungú, i gawaahúng i dirii'.