Tlehhema'aá ya/Abuuse 16:22 - Biblía Axweesantá Hhohho' ar Mungú 2004

²² Boo/aay sleémeero iri bartá wák áy, Paulo nee Sila kiri inqwar duxún nee bariisér kwasleema. Nee bariiseedár kwasleema hara'aya gari ó', kiwa muxi ar hhara.

Ya/abtór hho' 1977

²² Boo/oó muu sleémeero iri tláy, kiri hara daqáy, Paulo nee Sila kiri inqwar duxún nee bariisér kwasleema. Nee bariiseedár kwasleema hara'aya gari hanís, kiwa muxi ar hhara.

Tlehhema'aá ya/Abuuse 16:22 Iomraidhean Croise

Matayo 10:17

Ti harmagahhe' dír muko, asma kuungá' tundu huuw baraá maraá kwasleema, nee baraá maray'ín awa saaliingw, tunduri muux.

Matayo 27:26

Pilato Baraba guri gweér. Nee Yesu muxtár qaw'iwo nguwa hhe'eés, guri dabaaín i qaás as kuwa kikii'i gawaá msalaába.

Luka 12:11

«Kuungá' burtunda huúw dír geeraá maraá saaliingw, nee dír geeraá waawitá nee mukduú hara'ayár koóm, as tunduwa sakwasleemuuti, ala kuungá' ma daawimitaara' as tiwa aleekala/a nee ar ta dir'íní oa' ma leelehhitara'.

Tlehhema'aá ya/Abuuse 16:37

Paulo giri báy, «Atén tina muúx dír geeraá múk wa aleeró, ala atén taa sakwasleemuutiiká. Nee atén a múk Roma. Slám atén tina kwahhiyé' baraá doó tseegamo. Nee hám qaytsiít, ti qawtí duuxár wa slaiyá'. Adoorí i ya/aandaaká. Inooíná kilá' ni hardihiye', atén ti duuxár aye'.»

Tlehhema'aá ya/Abuuse 17:5

Múk Yahudi da/i guri ót. Múk kuri tawo wa/angwsíng wa sleemiís, kuri burumbuúr as boo/aay kuwa slay. Tlaahhi kari qaás baraá gixsár wa ale. Tari haratláy dír doó Yasoni, as Paulo nee Sila kiwa leelehhiiti nee kiwa huwi dír geeraá boo/oó muu.

Tlehhema'aá ya/Abuuse 18:12

Ala qoomár Galio tawa ga/aawusmoó yaamaá Akaya, múk Yahudi sleémeero Paulo guri i haratláy ar muunuú wák, guri huúw ay geeraá doó kwasleema.

Tlehhema'aá ya/Abuuse 5:40

Ya/abuuse kari ateét, kari muúx, kari hara'ayín matawa axweés ar umuú Yesu. Kiri geemáy, tari tláy.

2 korinto 6:5

Atén taa muúx sleeme nee tiri tsegiít, nee tiri i haratlatláy nee muu. Atén gadiyeé ana ló'wa tlehhiitaán, nee slám ana dalaa'aán, nee ana qwárkwár hootaán. Baraá muruuwí sleémeerowo atén ana qiqtliimaán.

1 Tesalonike 2:2

Kuungá' a xuá' adór atén tira slahh'eemiís nee tira niqimís baraá yaamaá Filipír wa ale qoomár niwa hardahaaniiká ayaahúng i alé. Ala Mungú tiri /uurií haniís, Ya/abtór hho' ngari kuungá' i alki/iitaán, tam dukuutsér yaariir aga slaaslawaani.

Ebrania 11:36

Nee bahh'alé iiara'aduú niqimis nguna slayé' nee muxta, tam kiri tsegiít ar qutúr, kiri dahamiís baraá doó tseegamo.

1 Petro 2:24

Kristo inósuú kilá' tlakweemaarén gina gagaár ar gawaá slaqwtós ay gawaá msalaába, as kahhó' atén tawa adór múk aa qaatl baraá tlakweemaawo, nee slám atén masók a múk slaáf baraá gan'amuuwo. Kuungá' tunduri hungu/uús as inkahhi'iidá' inós aa sláy.