Tlehhema'aá ya/Abuuse 16:15 - Biblía Axweesantá Hhohho' ar Mungú 2004

¹⁵ Inós baatisaro kawa hhe'eés nee múk do'ose, tiri harhheehhe'és iri ó', «Kuungá' bar aga aandé' aníng Aako ugwa haratlintií', qwalaasé', hooté' baraá dooeé' wa ale.» Tiri harakés.

Ya/abtór hho' 1977

¹⁵ Inós baatiismoowo kawa hhe'eés nee múk do'ose, tiri harhheehhe'és iri ó', “Kuungá' bar aga aandé' gídaabá aníng Aako ugwa haratlintií', qwalaasé', hooté' baraá dooeé' wa ale.” Tiri harakés.

Tlehhema'aá ya/Abuuse 16:15 Iomraidhean Croise

IIMU/UUNGW 19:3

Loti giri harhhehhe'eemiís ak alé. Inooín niri ya/ané', niri dahiyé', baraá do'. Loti giri muruú /aymár i tleéhh, gina mikaáteedá' taa sluuftisiiká i tleéhh, inooín nay /ayiné'.

IIMU/UUNGW 33:11

Na'ás, muruuwí ni hanmiis na ooheek, asma Mungú muruuwí ngwa aníng i haniís, slám aníng muruú bu'uút u koóm.» Guri harakeés nguwa ilaoohi, guri ilaaóh.

2 WAAWITÁ 4:8

Looarka wake Elisha ina Shunémúr káy, /ameenirkar daqaarito'o do'ós i baraá ayaadá'. /Ameenidá' Elisha guri dah'ís dír muruú /ayma. Iimidá' Elisha kuwa dah'ís in do'odá' wa /ayaayín bir sawaaraahh.

Matayo 10:41

Heé aarusmo gwa ilaoh as tawa aarusmo, bu'utú adór kuduú aarusmo gu sláy. Nee heé heé hota ganaá' gwa ilaoh as tawa heé hota ganaá', bu'utú adór kuduú heé hota ganaá' gu sláy.

Matayo 3:6

Tlakweemaaín kiwa hhu'uu'ún, giri baatimiís baraá yaaér Yordanír wa ale.

Luka 14:23

Aakoodá' iri oó', ‹Tláw, ti'iít tsee/áy alé ay baraá luhuudaá uren nee baraá irwadu, muu harhhehhe'eemisang iwa baraá dó' i dahi, as dooeé' iwa hatsi.

Luka 24:29

Ala inooín kuri harhheehhe'eés ta kaahi, «Deeláng, asma looa aa dát, xweera naa xayé'.» Iri dáh as nee inooín tawa al'iwiwiiti.

Tlehhema'aá ya/Abuuse 11:14

Inós axweesanoó kuúng u ba/amís nee múk do'ók sleémeero, ngu kuúngií oo'.›

Tlehhema'aá ya/Abuuse 16:31

Kuri báy, «Aako Yesu na haratlintieek. Daqaní kuúng a ba/aán nee múk do'oge.»

Tlehhema'aá ya/Abuuse 16:33

Xuumusmoodá' Paulo nee Sila giri ar tláy siiwadár kilár xweeraawo, inkahhi'ii'ín giri hamaátl. Inós nee múk do'ós sleémeero kiri baatiís siiwadár kilae.

Tlehhema'aá ya/Abuuse 16:34

Xuumusmoodá' Paulo nee Sila giri ar waátl amór do'ós i alé, giri muruú /aymár i tleéhh. Inós nee múk do'ós sleémeero tari qwalalaá/, asma Mungú kwaa haratlintií'.

Tlehhema'aá ya/Abuuse 18:8

Krispo, heé úr oo doó saaliingw, Aako guri haratlintií' dinkwa nee múk do'ós sleémeero. Nee múk yaariír oo yaamaá Korinto axweesantá Paulo kawa iiárií qamín, tari haratlintií' kiri baatimiís.

Tlehhema'aá ya/Abuuse 8:12

Ala daxta mukdaádá' axweesantá Filipo gari haratlintií', daanduú Ya/abtór hho' ar Mungú nee Yesu Kristo, hhawaate nee /ameenaaro kiri baatimiís.

Tlehhema'aá ya/Abuuse 8:38

Hara'aya gari oó' ar gaári iwa sihhit. Filipo nee heedaádá' tari al'aweér baraá ma'aay. Heedaádá' kuri baatiís.

Rumi 16:23

Gayo kuungá' nu intsihhiimiis sleeme. Aníng a dahaaymoowós, nee múk kríshaanáy sleémeero in dír do'ós wa saalaalín. Erasto nu intsihhiimiis. Inós a heé peésár gixsari ga amohhe'eemaamiís. Nee hhiyaarén Kwarto sleeme kuungá' nu intsihhiimiis. [

2 korinto 12:11

Aníng niwa adoorír axweés a adór daktani. Ala kuungá' aníng ina harakesé'. A hariímarhúng geeraawo aníng iwa xirfayeemisa'. Asma aníng tam a gaarookahe, ala gár aníng iga wa /aaruur i káhh ta ya/abuuserhúng tidá' urene.

2 korinto 5:14

Asma sla'aarír Kristo atén tin harakeemís, asma atén aga tsaahhaán adór heé wák ira gwaá' as muu sleémeero, gawaá adoorihe muu sleémeero ina qaátl.

Galatia 6:10

Gawaá adoorihe atén qoomaarí tawa baraaká' yaamuú i diriiaan, hhooeema ki tlehhiitaán dír muu sleémeerowo, ak alé dír kudá' haratlintaauuse.

Efeso 1:1

Anuú Paulo, Ya/abusmoó Yesu Kristo as sla'aarír Mungú, barwaárí ngina gooiím amór múk Mungú oo baraá Efeso, kudá' Yesu Kristo ngwa haratlinti'iye'.

Filipi 1:7

A gár hariím dir'eene adoorí ngiwa inslaslaw daanduuhunge, asma kuungá' a baraá muunaáeé' dir'á'. Asma kuungá' sleémeero tsuuqaá Mungú iga sleeré' adór aníng wa ale qoomár aníng tiwa tseék, nee tam qoomár Ya/abtór hho' ngiwa aleekal/aám nee looeemaawós ngiwa laqaqaám.

Filemoni 1:17

Ala kuúng aníng bira tsáhh adór tar heewók baraá haratlintaaooro, inós ilaooheek adór anuú kilá' wa ale.

Ebrania 13:2

Ma gunqaruutara' dahaaye kawa dahi'iimisa' baraá marayhunge. Asma awa adoorí ngaa tlehhiitiye', daqtakaaro malaykér Mungú ngaa dahi'isiyé', ala inooín kaa xuiiká.

1 Petro 5:12

Án barwaárí naa amorhúng i gooiimi a Silwano ina alee/iís. Inós a hhiyoó ló'wa inkihhím. Barwaárí ngina gooiím as kuungá' nuwa gurbuu' nee nuwa lamabu'uum gídaabá gaarí a gurtleemuú ló' oo Mungú. Gawaá adoorihe sihhtano hhe'eesé' baraá gurtleemuuwihe.

2 Yohana 1:10

Hee birna amorhúng káy, inós bar intsaahhastí ngi amorhúng i huwahuwiiká, mu baraá marayhúngií dahi'isaara', nee mu taaqweesara' sleeme.

3 Yohana 1:5

Sla'aarusmooeé', kuúng tu inkihhím baraá umuú gadiyér taa tlehhi as hhae, tam as hhaeedá' dahaayeero sleeme.

3 Yohana 1:8

Gár atén tiwa hariím a múk adór kwí un ilaohiimaán, as gadiyér'ín tidár looeema kawa haratlaa/aan.

1 SAMUELI 28:23

Ala Saulo ina sií' iri oó', «A /ayimaaká.» Ala /ameenidá' nee sagadiyuusero kuri harhhehhe'eés as iwa /ayin, inós giri iiárií qaás, niri yaamuú wa sihhiít iri iwiít gawaá qatani.