Tlehhema'aá ya/Abuuse 16:14 - Biblía Axweesantá Hhohho' ar Mungú 2004

¹⁴ /Ameenirka ta bay Lidia didae i deer. Inós inqwaruú sirda/atén gun weermaamís. Inós ar baraá yaamaá Tiatira. Inós i Munguú ilaiwaawá/. Atén tiri iiárií qás, nee Aako muunaáwós guri gweér, axweesantadá' Paulo aa axweés gari ót.

Ya/abtór hho' 1977

¹⁴ /Ameenirka ta bay Lidia didaádae i deer. Inós inqwaruú siira/atén gun weermaamís. Inós ar baraá yaamaá Tiatira. Inós i Mungú ilaiwa/aa/át. Atén tiri iiár i qás, nee Aako muunaáwós guri gweér, axweesantadá' Paulo aa axweés gari ót.

Tlehhema'aá ya/Abuuse 16:14 Iomraidhean Croise

WARA'AMI 110:3

Mukók ni fi'iit bál bar nee wakuuseerók taa eeré', masoombarók ni hardát gawaá tloomadá' hhoohhoo', adór har'uú matlaatle.

DAA'AANGW 5:4

Sla'aarusmooeé' dakose afkú do' nguwa kwatiít muunaáeé' iri ló'wa qwalaá/.

ISAYA 50:5

Aakoó MUNGÚ iaaeé' gaa xawís, nee aníng aga dee/anutiiká dirose laqaá inós ugwa si'iiká.

Luka 24:45

Yesu sager'ín gari gwa/atís as Gooi kawa tsaahhi.

Yohana 12:20

Mukko Yunani i deer baraá tla/ángw mukdá' aa sluufmisuú ay, bál deeloodá' ure.

Tlehhema'aá ya/Abuuse 10:2

Inós nee múk do'ose sleémeero ta Munguú ilaiwa/a/aat. Slám muu gun qaaqáy ilahhooár yaariire, nee Mungú gun firaarín daqisleém.

Tlehhema'aá ya/Abuuse 11:21

/Uuruú Aako i gawaaín i dirii', nee múk yaariír Aako guna haratlintií' guri i warqáy.

Tlehhema'aá ya/Abuuse 13:43

Qoomár muu iwa diyaa/aát, múk Yahudi oo yaariír Paulo nee Barnaba gina eehár, dinkwa nee múk xoordaá hatlá' oo aa warqay baraá diínír múk Yahudi. Paulo nee Barnaba tari axweés nee inooín, kiri gurkwa/amís as tawa baraá gurtleemuú Mungú wa hooti.

Tlehhema'aá ya/Abuuse 13:50

Ala múk Yahudi /ameenadá' uren, tidá' Munguú ilaiwawaa/, nee múk urén oo gixsa, kina dukún, muu kuri harakeemiís, as Paulo nee Barnaba kiwa guusi. Paulo nee Barnaba kiri tsee/áy duúx baraá yaamuuín kudae.

Tlehhema'aá ya/Abuuse 16:40

Paulo nee Sila tindiwa ti'iít baraá doó tseegamooro, tari dáh baraá doó Lidia. Tiri doogiyé' nee hhae. Hhae kiri gurkwa/amís. Paulo nee Sila tari tláy.

Tlehhema'aá ya/Abuuse 18:7

Paulo iri didá' wa tláy, iri dáh baraá doó heeko wák, umuuwós ta bay Tito Yusto. Heewí a heé Munguú ilaiwawaá/. Do'ós nee doó saaliingw ti hariyá'.

Tlehhema'aá ya/Abuuse 8:27

Filipo iri tláy, hamtidár kilae heeko taa karmúy oo Kushír daáhh guri ár. Inós a heé wák oo daqaari'iimár amohhe'eemiís ar waawuto'o Kandake ar yaamaá Kushi. Inós ina Yerusalémúr káy, as Mungú nguwa sluufmisuú ay.

Rumi 9:16

Gawaá adoorihe gurtleemuú Mungú a ooanaaká kun slasláy as adoodá' hee i slai, laqaá as ilakaaharuuwós, ala kun slasláy as adoodá' Mungú i slai daanduú heewo, Munguúdá' gurtleemuú hanmiís.

Filipi 2:13

Asma Mungú in baraahúng wa gadiyuus. Inós kuungá' nu alee/iis as sla'aarirós kawa tlehha' nee gadiyér hhoo' kawa tlehha'.

Geehhoeemaá 1:11

Afoorí ina beér, «Gár kuúng ta aan gooiimeek baraá kitaábií alé, nee daqaní kay ya/áp amór múk kríshaanoó baraá gixsadaá faanqw, awa Efeso, nee Smirna, nee Pergamo, nee Tiatira, nee Sarde, nee Filadelfia, nee Laodikea.»

Geehhoeemaá 3:20

Ga/aaweek, aníng a sihhimiít afkú dó' wa ale, a ateetiím. Hee barnaxes afor'eé' gaa axaás, nee afkú do' guri gweér, aníng a dáh amoorós, aníng niri al/ayiím nee inós, nee inós iri al/ayín dinkwa nee aníng.

Geehhoeemaá 3:7

«Kaangwí gooiimeek amór malaykamooduú múk kríshaanáy oo baraá Filadelfiár i dirií', «Axweesantí dír i dahh a dír kudá' Hhoohhoó', kudá' looeemaá axweés, kudá' gweermór Daudi ga koóm. Inós afkú do' bar ngwa gweér, heé tseegaro gu aleesláw i kaahh. Nee inós bar ngwa tseék, heé gweermooro gu aleesláw i kaahh.