Tlehhema'aá ya/Abuuse 15:9 - Biblía Axweesantá Hhohho' ar Mungú 2004

⁹ Mungú barqaanti gaa tleehhiiká dír tla/angwrén nee inooine. Tlakweemaaín gina gurtláy asma inooín sleeme taa haratlintií'.

Ya/abtór hho' 1977

⁹ Mungú barqaanti gaa tleehhiiká dír tla/angwrén nee inooine. Tlakweemaaín gina gurtláy asma inooín sleeme taa haratlintií'.

Tlehhema'aá ya/Abuuse 15:9 Iomraidhean Croise

WARA'AMI 51:10

Aá Mungú, muunuú hhoohhoó' i tleehháng, qeeruú /abén oo inkihhím baraaeéní qaaseek.

ESEKIELI 47:22

Yaamuuká' in qasmisá' as tawa yaamuuhúng. Hoomaadá' baraá tla/angwhúng hoot nee ar aa laqwal baraá yaamuuhúng wa ale, ki yaamuú i qasisá', qoomár bar yaamaá qasmisá'. Mukwí i harín kuwa adór múk Israeli ar qoomeesi, nee i hariná' yaamu ngiwa tsawdoórí tleehhiya' dinkwa nee múk Israeli.

Tlehhema'aá ya/Abuuse 10:15

Afo guri i hardát sagaáwa tsár wa aleeró, guri beér, «Muruú Mungú aa hheehhe'eés, kuúng mu slasla/aruú babawaar.»

Tlehhema'aá ya/Abuuse 10:28

iri oó', «Kuungá' a xuá' adór tar hariímarooká heé Yahudi iwa aldinku'uusi nee heé xoorór hatlá', tam nguwa i daqay. Ala Mungú nga dir'eénií laqán, án mawa gaa oó' daanduú heewo niwa oó' ‹ku harmeetín›, laqaá ‹ku slasla/aár›.

Tlehhema'aá ya/Abuuse 10:34

Aluuwo Petro axweesani gari iimu/ún, inooín giri báy, «Daxta aníng aga tsaáhh adór Mungú ir barqaantír konká.

Tlehhema'aá ya/Abuuse 11:12

Qeeruú hhoohhoó' oo Mungú ina báy, ‹Nee mukí ti al koonde', ma xurumiitaar.› Nee hhaeeká' lahhoó' sleeme tay alkoomaán tay dahaán baraá doó heedaádá' i alé.

Tlehhema'aá ya/Abuuse 14:1

Paulo nee Barnaba tawa Ikoníór i hardáh, tari dáh baraá doó saaliingw oo múk Yahudi, adoodá' taa tleéhh baraá Antiokiaro. Axweesantá Mungú kawa alki/iít, múk yaariír iri haratlintií', múk Yahudi nee oo Yunaniro.

Tlehhema'aá ya/Abuuse 14:27

Qoomár tawa hardáh Antiokia, múk kríshaanáy kuri dinkwárí ateét, muruudá' sleémeero Mungú aa tleéhh ar inooín, kuri dir'íní alki/iít. Kiri ádbáy adór Mungú pa/aangw ngura haniís as múk xoordaá hatlá' sleeme iwa haratlintii'i.

Rumi 3:22

Mungú gan'amuuwí gun hanmiis dír umuúqo heewo oo Yesu Kristo gwa haratlintii'. Ku hanmiis dír umuúqo heewo as haratlintaao. Asma barqaanti i káhh.

Rumi 3:9

Ala ateéká' múk Yahudi gár tsiní ar ta koomaan i deéro ta múk xoordaá hatlae? Ala i káhh. Asma aga qaroó ooaán muu sleémeero, bar múk Yahudi laqaá múk xoordaá hatlá', sleémeero ta baraá waawuti'iimár tlakweemaá i dirii'.

Rumi 9:24

Tam atén sleeme tina ateét tawa xooslár adór tí. Ala múk taa ateét a har múk Yahudi kiloseeká, a múk xoordaá hatlá' sleeme.

1 Korinto 1:2

amorhúng i alé, kuungaásingá' kríshaanáy, awa baraá yaamaá Korintór i diriia'. Kuungá' a múk Mungú gwa haratlintii'. Kuungá' tunduna hhoohhooeés ar baraá Kristo Yesu, tunduri ateét, as tawa múk hhohhó' oo Mungú, dinkwa nee mukdá' sleémeero oo Aakoorén Yesu Kristo gu ateetiím umuúqo diiro. Inós a Aakooín, nee slám a Aakoorén.

1 Korinto 7:18

Heé taa ateét nee Mungú barnaxes kwaa al/uútl, al/utloorós mingiwa luú/. Nee heé taa al/utliiká burkwa ateét nee Mungú, inós mukuwa al/uútl.

Galatia 3:28

Ala daxta gár dimbé i káhh dír heé Yahudi nee heé Yunaniro. Laqaá tam dír heé lawaalmo nee heé lawaalmowooká. Nee slám gár dimbé i káhh sleeme dír hhawaata nee /ameeniro, asma kuungá' sleémeero a adór heé wák baraá Kristo Yesuwo.

Galatia 5:6

Asma hee barnaxes i baraá Kristo Yesu, dirose al/utlo a gaarooká, laqaá tam kwa al/utliiká a gaarooká. Ala gár afhhamít a haratlintaao, tidá' ti laqaqaam ar sla'aari.

Efeso 3:6

Lu/aaráy a kwí, baraá Kristo Yesuwo múk xoordu kwaa aaluuse tleéhh dinkwa nee múk Yahudi. Inooín a diqoó slaqwtá wák. Al'axweesantá Mungú a tooín sleeme, ar loohír Ya/abtór hho'.

Kolosai 3:11

Ala baraá slafingwí /abene, barqaanti i káhh dír heé Yahudiro nee heé Yunaniro, laqaá dír heé taa al/uútl nee heé taa al/uutliiká, laqaá hoomo, laqaá heé iimiboó/, laqaá lawaalmo nee kuduú lawaalmoowooká. Ala Kristo inós a mura' sleémeero nee i baraá muu sleémeero.

1 Petro 1:22

Kuungá' taa hhoohhooesé' asma looeema kiwa ilaiwawa/é', as tawa hota' ar sla'aarír hhaahhafiingw wasl dír hhaeewo. Gawaá adoorihe kuungá' ti ló'wa sla'aaslae' ar mune sleémeero.