Tlehhema'aá ya/Abuuse 15:5 - Biblía Axweesantá Hhohho' ar Mungú 2004

⁵ Ala múk Farisayo bahh'alé, kudá' aa haratlintii', tari sihhiít tari oó', «A gár hariim múk xoordaá hatlá' kuwa al/uutli nee kuwa hara'ayin, hara'ayár Mose kawa eehari.»

Ya/abtór hho' 1977

⁵ Ala múk Farisayo bahh'alé, kudá' aa haratlintii', tari sihhiít tari oó', “A gár hariím múk xoordaá hatlá' kuwa al/uutli nee kuwa hara'áyin, gídaabá hara'ayár Musa kawa eehaari.”

Tlehhema'aá ya/Abuuse 15:5 Iomraidhean Croise

Matayo 3:7

Múk yaariír oo Farisayo nee oo Sadukayo kuna i daqáy, as ngiwa baatimiisi. Ala Yohane ngiwa ár giri báy, «Kuungá' xwaylár dáyshe, heé kuungá' naa gurbuu' sakwasleemár hi'iit kawa ilagogoba'?

Tlehhema'aá ya/Abuuse 15:1

Mukko nina Yudeár wa hardáh, hhae kiri intsaahhatimís tawa kaahi, «Kuungá' bartunda al/utliniká, adoodá' hara'ayár Mose i kat, a baloó ba/aanda'aaká.»

Tlehhema'aá ya/Abuuse 15:24

Atén aga axaasaán adór, mukko amoorén daáhh kuungá' nura daawitimiís ar axweesanay'ín, nee munerhúng ngaa xurér i qaasiyé'. Ala atén inooín ngaa ya/aawaniiká.

Tlehhema'aá ya/Abuuse 21:20

Inooín kaangwí kuwa axaás, Mungú kuri xirfayeés, Paulo kuri báy, «Hhiyaarén, a ga/eéraáke múk Yahudi oo aa haratlintii' adór tar kumér yaariir. Inooín hara'ayár Mose ngi ló'wa ohiná'.

Tlehhema'aá ya/Abuuse 24:14

Aníng aga dír geeraawók wa ya/aám, Munguúduú baabi'iirén un haratlintatií' ar loohidá' ngiwa eeharahar, tidá' inooín tawa kaahi a loohír lama. Nee tidá' sleémeero nee hara'ayár Mose ti slaslaawá' an haratlintatií', nee tidá' taa gooín baraá kitaaba'aá aaruuse.

Tlehhema'aá ya/Abuuse 24:5

Asma heewí ugwa tsaahhaán adór tar heé ló'wa tlaákw. A heé tlaahhír huwahuúw baraá múk Yahudi sleémeero baraá yaamuwo. Nee hamí a geeraharusmoó mukdá' ta bay Nasarayo.

Tlehhema'aá ya/Abuuse 28:22

Ala hamí a dirók wa sla'aán axaasaro adór kuúng ta ara'aan. Asma atén gár taa axaasaán a diínisíng kuúng taa eehát, kan afo tlakweemiis umuúqo diiro.»

Tlehhema'aá ya/Abuuse 5:17

Aluuwo kaahamusmoó úr oo Mungú nee mukdá' nee inós ti alkoomá', kuduú bartá múk Sadukayo tari sihhiít, gur'e giri ohiín,

1 Korinto 7:18

Heé taa ateét nee Mungú barnaxes kwaa al/uútl, al/utloorós mingiwa luú/. Nee heé taa al/utliiká burkwa ateét nee Mungú, inós mukuwa al/uútl.

Galatia 2:11

Kefa niwa hardáh Antiokiár i alé, aníng nguri iigahhamiít dír geeraá múk wa ale, asma tlehhimi'iiwós nguwa sakwasleemuutiyé'.

Galatia 2:14

Aníng adór tlehhmi'ii'ín nee looeemaá Ya/abtór hho' tir slaslay'aaká ngiwa tsaáhh, Petro nguri iigahhaát dír geeraá muu sleémeeró wa ale, nguri báw, «Kuúng a heé Yahudi, kuúng an hót tawa adór heé xoordaá hatlá', a adór heé Yahudirooká. Ala kuúng adór múk xoordu kur harakeemis a adoomá, ar tawa hooti adór múk Yahudír aleeró.»