Tlehhema'aá ya/Abuuse 15:36 - Biblía Axweesantá Hhohho' ar Mungú 2004

³⁶ Deelór niina iwa waaráhh, Paulo iri oó' dír Barnaba, «Qwaláng, daxta a ki/aán amór gixsaduudá' sleémeero awa axweesantá Aako kawa alki/iitaán. Xáda xáy, hhaeedá' adór i dirii'iya' a adoomá.»

Ya/abtór hho' 1977

³⁶ Deelór niiná iwa waaráhh, Paulo iri oó' dír Barnaba, “Qwaláng, daxta a ki/aán amór gixsaduudá' sleémeero awa axweesantá Aako kawa alki/iitaán. Xáda xáy, hhaeedá' adór i dirii'iya' a adoomá.”

Tlehhema'aá ya/Abuuse 15:36 Iomraidhean Croise

ESTA 2:11

Umuúqo baalaaro Mordekai in daqaaqáy dír afeenír doó /ameena as saayuú Esta nguwa slay, nee áx gár ga slaw.

TI'INAANGW 4:18

Mose iri kií/ amór Yetro taatoó hareerós, guri báy, «Na'ás aníng geemawáng niwa amór hhaee'eé' kaw baraá Misri, ngiwa artá aw, áx i slafiía ay laarí.» Yetro Mose guri báy, «Tláw ar wayda.»

YEREMIA 23:2

Gawaá adoorihe, anuú AAKOÓ MUNGÚ, Munguú múk Israeli a kah, daanduú de'eemusedá' muk'eé' de'ema. «Kuungá' bee/angw'eé' ugwa tlatlahhasé' nee kuri gusisiindé', ala ugwa amohhe'eemisi'iiká. Ga/aawaak, aníng kuungá' nun muúx asma tlehhmi'iihúng kudá' tlakw.

Matayo 25:36

Qoomár án tawa /aankwets, ina tsiitisé'. Qoomár niwa tiiq, ina neetleesi eeré'. Nee qoomár tiwa tseék, ina artá eeré'.›

Matayo 25:43

Qoomár tawa dahaaymo, iga dahi'isi'iiká. Nee qoomár tawa /aankwets, iga tsiitisi'iiká. Qoomár niwa tiiq, iga neetleesi eeri'iiká, nee qoomár niwa baraá doó tseegamo, iga artá eeri'iiká.›

Tlehhema'aá ya/Abuuse 13:12

Ga/aawusmoodá' kangwdá' aa tleehharut nguwa ár, iri haratlintií'. Intsaahhatisár daanduú Aako gari sa waa/oo/amín.

Tlehhema'aá ya/Abuuse 13:4

Barnaba nee Saulo kiri ya/aáw nee Qeeruú hhoohhoó' oo Mungú, tari /eét ay Seleukia. Nee tari didá' wa tláy baraá tláwtár alé ay Kipro.

Tlehhema'aá ya/Abuuse 13:51

Paulo nee Barnaba teerír ya'aaín kari kuukuú', tari tláy ay Ikonio.

Tlehhema'aá ya/Abuuse 14:1

Paulo nee Barnaba tawa Ikoníór i hardáh, tari dáh baraá doó saaliingw oo múk Yahudi, adoodá' taa tleéhh baraá Antiokiaro. Axweesantá Mungú kawa alki/iít, múk yaariír iri haratlintií', múk Yahudi nee oo Yunaniro.

Tlehhema'aá ya/Abuuse 14:21

Alaá Paulo nee Barnaba Ya/abtór hho' kawa baraá gixsadá' wa alki/iít, eeharuusér yaariir kari sláy. Tari kií/ ay Listra, nee Ikonio nee Antiokia.

Tlehhema'aá ya/Abuuse 14:6

Ya/abuuse kaangwí guri axás, tari goów ay Listra nee Derbe, gixsadaá yaamaá Likaonia, nee yaamuudaá iisaapaydá'.

Tlehhema'aá ya/Abuuse 7:23

«Kureeri mibeeri tsiyáhh ngiwa áy, kwasleema gari tsaát baraá muunaáwose hhaeewós kudaá Israeli ngiwa qaytsuú ay.

Rumi 1:11

Asma án kuungá' nu ló'wa artá wa slaá', as tsuuqaá Qeeru ngiwa haniis as kuungá' /uuru kuwa sleera' baraá haratlintaaooro.

2 korinto 11:28

Tí sleémeero bar mawaana, huwár hatlá' ar ni koom i deer umuúqo daqto as daanduú kríshaanáy sleémeero.

Filipi 1:27

Daxta gár afhhamít a kuungá' masók an hotá' ar adoodá' Ya/abtór Kristo kawa hariím. Án barnaxes naa hardáh amorhúng, laqaá barnaxes naa hardihiiká, gár án ni slaa' masók an axaás adór kuungá' tara sihhitano hhe'esé' baraá haratlintaaoro ar wakleeli'iimár baraá Qeeru, nee haratlintaaór Ya/abtór hho' kawa aleeslaqwa' ar muunuú wák.

1 Tesalonike 3:6

Ala Timoteo niwa amorhúng wa wayaá', kángw hhó' oo haratlintaaorhúng nguri huúw, nee oo sla'aarirhúng. Atén tina ádbáy adór kuungá' atén tir ló'wa inslasleerá' umuúqo daqto, nee ti artá wa sla'á' adoorír atén kuungá' nur artá wa sla'aan.

2 Timoteo 1:4

Hhirhheeriwók bira insláw, aníng gár ni ló'wa slaa' a kuúng un ár, as kahhó' muunaáeé' iwa hatsi qwal/uwo.