Tlehhema'aá ya/Abuuse 15:28 - Biblía Axweesantá Hhohho' ar Mungú 2004

²⁸ Asma Qeeruú hhoohhoó' oo Mungú nee atén axweesani aga tsataán as huwár hatlá' makawa daandeemoohúng i qaás, ala a har tidá' kuungá' wa hariim.

Ya/abtór hho' 1977

²⁸ Asma Qeeruú hhoohhoó' nee atén axweesani aga tsataán gídaabá huwár hatlá' makawa daandeemoohúng i qaás, ala a har tidá' hariím gídaabá,

Tlehhema'aá ya/Abuuse 15:28 Iomraidhean Croise

Matayo 11:30

Asma taaqwante'eé' i natsaatsá' nee huwar'eé' ka inslaahh.»

Matayo 23:4

Inooín huwaá ilo' ki tsegiit nee kiri tsa/amiis gawaá sum'aá muu. Ala inooínaá kilá' tam kwatiitár diitsaro ki slaiiká.

Yohana 16:13

Ala Qeeruuduú looeema bar inós naa hardáh, kuungá' nu gan'aas baraá looeema sleémeero, asma ar i axweesi a toseeká, ala sleémeero tidá' i axaasi gan oo', nee muruudá' aluúwaá hardaha nu xu'utis.

Tlehhema'aá ya/Abuuse 15:19

Yakobo iri kumiít iri oó', «Gár án ni slaa' a tí, ‹Mukdaáduú xoordu Mungú gwa haratlintii' muwa slahh'eemisaán.

Tlehhema'aá ya/Abuuse 15:25

Gawaá adoorihe atén aga al'axweesaán ar muunuú wák, muu un tsawaaraán nee nguri ya/aawaán amorhúng dinkwa nee sla'aruuseerén Barnaba nee Paulo.

Tlehhema'aá ya/Abuuse 15:8

Mungú munér muu ga xuu'. Nee inós Qeeruú hhoohhoó' guna dir'íní haniís adoodá' ngura dirén i haniís sleeme. Gawaá adoorihe gan laqaqán adór mukdá' ngura ya/án.

Tlehhema'aá ya/Abuuse 16:4

Inooín gixsadu kina alhi'iimiít, hhae kiri ádbabáy adoodá' kira hara'ayín nee ya/abuuse nee bariise, tidá' Yerusalemúr i dirii' ngiwa harmagaahhiya'.

Tlehhema'aá ya/Abuuse 5:32

Nee atén a lamabu'uusér muruuwí, dinkwa nee Qeeruú hhoohhoó', kudá' Mungú aa haniís dír mukdá' sleémeero inós gu iialooeemiís.»

1 Korinto 14:37

Hee barnaxes ti kilós tsatsahhán iwa kaahi, «Aníng a aarusmo», laqaá, «Aníng a heé aleesleemuú Qeeru gu koóm», inós gár kuwa hariím axweesanay'eé' kwí naa dirhúngií gooiím masók gun tsaahh adór tar hara'ayár Aako.

1 Korinto 7:25

Ala gawaá daanduú /amaatliiteero aníng hara'ayár Aako ar ni koom i káhh. Ala gaarí ni oo' a adór aníng ni ga/aw. Asma aníng a heé taa gurtleemuú i haniís nee Aako, tawa heé muruú ló' káh.

1 Korinto 7:40

Ala a gár ak hhoo' dirose bar duuxo ngaa meér. Gaarí aníng an káh, ala tam aníng sleeme án ngi slaá' Qeeruú Mungú u koóm.

1 Tesalonike 4:8

Umuúqo heewo oo intsaahhasarí gaa sii', a kaahaaká hee guna sií', ala a Mungú guna sií', kudá' Qeeruuwós oo hhoohhoó' ngu dirhúngií hanmiís.

1 Petro 1:12

Kaangwí kuri dir'ín i gwa/atís adór inooín kaangwí gár kus kaahi tar inooineeká, ala as kuungá'. Nee hám daxta kaangwí kunga oó' dirhunge nee mukdá' Ya/abtór hho' ngaa dirhúngií alki/iit ar loohír Qeeruú hhoohhoó' oo Mungú, kudá' tinda ya/aáw gawaá doorí wa ale. Muruuwí tam malayke sleeme gun ilatleerús nguwa artá wa sla'.

Geehhoeemaá 2:24

«Ala kuungaásingá' aga mete' dír Tiatira, kuungá' intsaahhatimisuuwí tlákw ugwa eehadi'iiká. Kuungá' muruudá' ugwa xui'iiká, kudá' inooín tawa kaahi a lu/aaroó muruú Neetlaangw. Án kuungá' nu baw, án huwár hatlá' ngi qaasaaká daandeemoohúng i aleeró.