Tlehhema'aá ya/Abuuse 15:23 - Biblía Axweesantá Hhohho' ar Mungú 2004

²³ Barwá kari gooín kari ya/aáw ar mukdá'. Barwaádá' gár i kat a tí, «Intsihhiisarí amór i dahh a amór ya/abuuse nee bariise. Kana gooín amór hhaeerén kudá' awa xoordaá hatlá', awa baraá Antiokiár i diriiá', nee Siria nee Kilikia.

Ya/abtór hho' 1977

²³ Barwá kari gooín kari ya/aáw ar mukdá'. Barwaádá' gár i kat a tí: “Intsihhiisarí amór i dahh a amór ya/abuuse nee hhaeedá' bariisee. Kana gooín amór hhaeerén kudá' awa xoordaá hatlá', awa baraá Antiokiár i diriiá', nee Shamu nee Kilikia.

Tlehhema'aá ya/Abuuse 15:23 Iomraidhean Croise

Matayo 4:24

Kaangós iri tsiyaayaaxaát baraá yaamaá Shamu sleémeero. Múk tiqtír dimbadimbé kunguri huúw dirós i alé, nee kudá' slahh'amuú koomá', nee múk neetlaame aa eér, nee múk /araraám, nee múk tiqtír sol'omit, sleémeero giri hungu/umiís.

Tlehhema'aá ya/Abuuse 11:18

Axweesantí kawa axaás tari xasliít, Mungú kuri xirfeés, tari oó', «Laatí Mungú tam múk xoordaá hatlá' sleeme gwa pa/ángw i haniís oo hhu'u'uungw, as slafiingw nguwa slaya'.»

Tlehhema'aá ya/Abuuse 11:20

Ala baraaine bahh'alé a múk Kipro nee Kirene. Mukwí iwa hardáh Antiokia, kángw hhó' oo oo Aako Yesu kuri alki/iít dír múk Yunani sleeme.

Tlehhema'aá ya/Abuuse 14:27

Qoomár tawa hardáh Antiokia, múk kríshaanáy kuri dinkwárí ateét, muruudá' sleémeero Mungú aa tleéhh ar inooín, kuri dir'íní alki/iít. Kiri ádbáy adór Mungú pa/aangw ngura haniís as múk xoordaá hatlá' sleeme iwa haratlintii'i.

Tlehhema'aá ya/Abuuse 15:1

Mukko nina Yudeár wa hardáh, hhae kiri intsaahhatimís tawa kaahi, «Kuungá' bartunda al/utliniká, adoodá' hara'ayár Mose i kat, a baloó ba/aanda'aaká.»

Tlehhema'aá ya/Abuuse 15:2

Paulo nee Barnaba tiri ló'wa tlaampa'amisiyé' nee mukwí, tari kaangaanuús. Hhae kwasleema ngiri tsatiyé' Paulo nee Barnaba nee múk hatlá' baraá tla/angw'ine ta tsa/an ay Yerusalemu, amór ya/abuuse nee amór bariise, as daanduú yaahastí.

Tlehhema'aá ya/Abuuse 15:22

Aluuwo ya/abuuse nee bariise nee kríshaanáy sleémeero oo didií dirií', axweesani kari tsaát tawa kaahi, «Muu un tsawaaraán baraá tla/angwrén wa ale, kuri ya/aawaán nee Paulo nee Barnaba ay Antiokia.» Nee múk taa tsawaár a kwí: Yuda, kudá' ta bay Barsaba, nee Sila. Mukwí an geeraharuuse baraá hhaeewo.

Tlehhema'aá ya/Abuuse 15:4

Qoomár tawa hardáh Yerusalemu, kiri dahi'ís nee kríshaanáy nee ya/abuuse nee bariise. Nee muruudá' sleémeero Mungú aa tleéhh ar inooín, kuri alki/iít.

Tlehhema'aá ya/Abuuse 15:41

Iri waaraáhh ar baraá yaamaá Siria nee Kilikia, múk kríshaanáy guri alee/imiís /uuru nguwa slaya' baraá haratlintaaooro.

Tlehhema'aá ya/Abuuse 18:18

Paulo iri amoodá' wa hoót deelór yaariire. Aluuwo deelo gari oó' dír hhae, iri tláy ar baraá tlawi ay yaamaá Siria. Priskila nee Akila tay alkoné' nee inós. Ala iwa baraá yaamaá Kenkréarí dirii'i se'eengós guri deéqw, asma al'axweesantá lo'o gaa /aáy.

Tlehhema'aá ya/Abuuse 21:25

Ala gawaá daanduú múk xoorduuwo, kudá' aa haratlintii', atén ana gooimaán, tidá' taa al'axweesaán tawa ooaán, ‹Ti harmagahhe' nee muruudá' sleémeero taa ilahhooár wa tsuú/ dír munguaá hatlá', nee tseere nee fu'unaá gár taa af'óh, nee tsaatu'uuma.› »

Tlehhema'aá ya/Abuuse 21:3

Nee Kipro kawa araán, kari bihhaá dákw doó basáy geexawaán, tay hi'iitaán ay Siria, tari aweeraán Tiro. Asma didá' a dír miringamoorén huwaawós ngay aweerisi.

Tlehhema'aá ya/Abuuse 23:26

«Anuú Klaudio Lisia barwaárí ngi amoorók i gooiím, kuúng Ga/aawusmoó xiríf, Felísi, Laawaay.

Tlehhema'aá ya/Abuuse 6:9

Mukko i deer, oo ta bay múk doó saaliingw oo tinda gweér baraá lawaali'iimaro nee oo múk Kirene, nee oo múk Aleksandria nee oo mukdá' oo Kilikia nee Asia. Mukuú doó saaliingwí bahh'alé iri daqáy amór Stefano, as tiwa tlaampaa'amisiya' nee inós.

Galatia 1:21

Aluuwo ana tláw ay yaamaá Siria nee Kilikia.

Yakobo 1:1

Anuú Yakobo, lawaalmoó Mungú nee oo Aako Yesu Kristo barwaárí ngina gooiím amór tlahh'aá mibaá nee tsár awa naa diyaa/atiye' baraá yaamaá dimbadimbé. Laawayhúng.

2 Yohana 1:10

Hee birna amorhúng káy, inós bar intsaahhastí ngi amorhúng i huwahuwiiká, mu baraá marayhúngií dahi'isaara', nee mu taaqweesara' sleeme.

2 Yohana 1:13

Na/aá hho'oorók tidá' taa tsawaár i intsihhiimisiyá'.

2 Yohana 1:3

Mungú Baabá nee Garmaawós Yesu Kristo atén ti tsuuqi, nee ti gurtlay, nee ti waydií haniisi ar baraá looeema nee sla'aari.

3 Yohana 1:14

Asma baraá deeloorí tseewe aníng ni hardahamuú slaá' amoorók i alé, daqaní a afér ar axweesaán.