Tlehhema'aá ya/Abuuse 15:2 - Biblía Axweesantá Hhohho' ar Mungú 2004

² Paulo nee Barnaba tiri ló'wa tlaampa'amisiyé' nee mukwí, tari kaangaanuús. Hhae kwasleema ngiri tsatiyé' Paulo nee Barnaba nee múk hatlá' baraá tla/angw'ine ta tsa/an ay Yerusalemu, amór ya/abuuse nee amór bariise, as daanduú yaahastí.

Ya/abtór hho' 1977

² Paulo nee Barnaba tiri ló'wa tlaampa'amisiye' nee mukwí, tari kaangaanuús. Hhae kwasleema ngiri tsatiyé' gídaabá Paulo nee Barnaba nee múk hatlá' baraá tla/angw'ine ta tsa/an ay Yerusalemu, amór ya/abuuse nee amór bariisee, as daanduú yaahastí.

Tlehhema'aá ya/Abuuse 15:2 Iomraidhean Croise

TI'INAANGW 18:23

Adoorí bar aga tléhh, nee bar Mungú gaa slaá' sleeme, daqaní kuúng nee mukwí a alhotá', nee inooín nin watliyá' amór maray'ín qaa/ay'ín aa faák.»

Tlehhema'aá ya/Abuuse 10:23

Petro mukdá' guri baraádií dahaás ar qwala/, baalaadae giri deeliís. Looaytleérós Petro iri tláy dinkwa nee mukdá', nee hhaeekaari gixsár Yopár hootá' tiri alkoné' sleémeero.

Tlehhema'aá ya/Abuuse 11:12

Qeeruú hhoohhoó' oo Mungú ina báy, ‹Nee mukí ti al koonde', ma xurumiitaar.› Nee hhaeeká' lahhoó' sleeme tay alkoomaán tay dahaán baraá doó heedaádá' i alé.

Tlehhema'aá ya/Abuuse 11:30

Adoodá' taa al'axweés, kari tleéhh. Barnaba nee Saulo kiri ya/aáw, as alee/isaydá' kuwa huwi amór bariiseedár baraá yaamaá Yudéár i dirii'.

Tlehhema'aá ya/Abuuse 15:25

Gawaá adoorihe atén aga al'axweesaán ar muunuú wák, muu un tsawaaraán nee nguri ya/aawaán amorhúng dinkwa nee sla'aruuseerén Barnaba nee Paulo.

Tlehhema'aá ya/Abuuse 15:27

Gawaá adoorihe Yuda nee Sila ngin ya/aawaán. Inooín axweesanaywí ngun ooiyá' ar afer'ín ar kilá'.

Tlehhema'aá ya/Abuuse 15:4

Qoomár tawa hardáh Yerusalemu, kiri dahi'ís nee kríshaanáy nee ya/abuuse nee bariise. Nee muruudá' sleémeero Mungú aa tleéhh ar inooín, kuri alki/iít.

Tlehhema'aá ya/Abuuse 16:4

Inooín gixsadu kina alhi'iimiít, hhae kiri ádbabáy adoodá' kira hara'ayín nee ya/abuuse nee bariise, tidá' Yerusalemúr i dirii' ngiwa harmagaahhiya'.

Tlehhema'aá ya/Abuuse 21:18

Looaytleérós Paulo nee atene tari amór doó Yakobo kawaán, nee bariise sleémeero i didaádií dirí'.

1 Korinto 1:1

Anuú Paulo barwaárí ngina gooiím. Aníng tina ateét tawa Ya/abusmoó Yesu Kristo ar adoodá' Mungú aa slaá'. Aníng nee hhiyaarén Sostene barwaárí ngina gooiimaán

2 korinto 11:5

Án ngi slaá' ya/abuuserhúng tidá' ló'wa uren gár aníng iwa ba/ i káhh.

Galatia 2:5

Ala atén adoodá' inooín i slaiya' aga ya/aamaniiká tam adór niina. Atén gár taa sla'aán a looeemaá Ya/abtór hho' masók in kumiitiyá' dirhúng wa ale.

Yuda 1:3

Sla'aaruúse, aníng kángw ba/ama nguwa dirhúng i gooiim una ló'wa slaá'. Nee ba/amarí a toorén atén sleémeero. Ala aníng ana tsaáhh adór gár hariím gooiro tar kuungá' nuwa gurbuu'. Gurbu'ungw'eé' a kwí kuungá' haratlintaao sageeslaqwaak, tidá' Mungú aa saayín dír mukós sagaáwa wák wa ale.

1 SAMUELI 8:7

AAKOÓ MUNGÚ Samueli guri báy, «Afór mukwí iiárií qaaseek baraá /aymuú niqo kuúng bay'a, asma inooín kuúng ugwa si'ii'iiká, ala a aníng ina si'iyé', tawa waawutmooín.