Tlehhema'aá ya/Abuuse 15:17 - Biblía Axweesantá Hhohho' ar Mungú 2004

¹⁷ Gawaá adoorihe múk hatlá' sleémeero Aako ngu leeleehhi, múk xoordu sleémeero kudá' naa ateét tawa muk'eé'. Tí Aako gana oó', kudá' muruuwí gwaa tleehh,

Ya/abtór hho' 1977

¹⁷ Gawaá adoorihe múk hatlá' sleémeero Aako ngu leeleehhi, múk xoordu sleémeero kudá' naa ateét tawa múk'eé'.

Tlehhema'aá ya/Abuuse 15:17 Iomraidhean Croise

IIMU/UUNGW 22:18

Ar baraá xwaylaroge xoordu sleémeero tsuuqa ngiri slayá', asma kuúng afor'eé' aga iiárií qás.› »

IIMU/UUNGW 48:16

nee malaykamoodá' iga ba/amis nee tlakweema sleémeero, masoombarí ngi tsuuqi! Umuueé' ku aain baraaine, nee umér baabi'iieé' Abrahamu nee Isaka. Inooín ni xoorór ur tleehhitiye' baraá yaamuwo.»

IIMU/UUNGW 49:10

Yúda, hhartá waawuti'iima i baloó qutlaaká diroge, nee xwaylarók deelo sleémeero in waawuti'iín, ay dír heé waawuti'iima loó' nay hardihi, kudá' xoordu ni ilaiwawa/iya'.

ISAYA 11:10

Baalaadae yaeemír doó Yese in adór laya tleehhít dír muko, inós xoordu ngun leeleehhiyá', didár hotaawós iri xirfút.

ISAYA 43:7

Umuúqo heewo oo taa ateét ar umuueé', kudá' naa tleéhh as xirfueé', kudá' naa buqumbuquúm nee naa tleéhh.»

ISAYA 63:19

Atén a adór múk kuúng taa baloó sawaawuti'iindiiká, a adór múk taa umuuwók ar ateetiiká.»

ISAYA 65:1

«Aníng taa amohhe'eés tiwa slaawaan nee kudá' i yaahamisa'aaká, aníng taa amohhe'eés tiwa sláy nee kudá' i leelehhita'aaká. Aníng xoorduudá' i firirima'aaká ngiri báw, ‹Aníng a diirí, aníng a diirí!›

YEREMIA 14:9

Ahaá waáy, kuúng misti ilaqaamís tawa adór heé aa sagaqwaar, adór pihhusmoó hee alee/isaro gu aleeslawaaká. Ala tam adoorihe, kuúng, AAKOÓ MUNGÚ, a dinkwa nee atén, nee atén tina ateét ar umuuwók, atén a mukók. Miti mawaar.»

YEREMIA 16:19

Aá AAKOÓ MUNGÚ, kuúng an /uuruueé', nee koo/ir'eé' ar gawit, kuúng an dír guway'eé' qoomár slahh'amuwo! Xoordaá badu sleémeero awa yaamu nin amoorók i hardihiyá' tawa kaahi, «Baabi'iirén gár taa aál i káhh, aqo har munguaá lama, muruú tawo oo slaasláwár koomaaká.

DANIELI 4:35

Yaamuloouusér daanduú yaamu a gaarooká dirose. Dír malaykedá' gawaá doorí diriia adór i slai gan tlehhiit tam dír múk baraakaá yaamuwo. Heé dakós gu ilaá/ i kaahh tumu wák, laqaá heé gu báw, ‹Gár adoosíng kas tlehhit a milá?›

DANIELI 9:19

Aá Aáko, atén ti iiárií qas, aá Aáko, atén ti gurtleer. Aá Aáko, ti iiárií qas, nee adoodá' ta sla' tleehheek, ala mindi tligaar as umuuwók, aá Munguúeé, as daanduú gixsarí nee mukwí taa umuuwók ar ateét.»

HOSEA 2:23

Aníng yaamaá Yesre'eli in diihhooatís, heedaádá' taa gurtlayká aníng u gurtláw, mukduú aáng kwe'eeneeká ngway baw, ‹Muk'eé'.› Inooín tari ooi, ‹Kuúng an Munguúrén.› »

Yoeli 2:32

Nee umuúqo heé umuú AAKOÓ MUNGÚ gwaa ateet, ku ba/amis. Asma gawaá tloomár Siyoniro nee baraá Yerusalemuwo múk ba/ám i deer. Nee baraá kuká' naa meetiye', awa AAKOÓ MUNGÚ i ateetin i dayá', adoodá' AAKOÓ MUNGÚ ngira oó'.»

AMOS 9:12

Daqaní múk Israeli panayduú múk Edomu guri baal, tam nee xoordu sleémeero kudá' taa umuueénár ateét sleeme. Anuú AAKOÓ MUNGÚ kudá' muruuwí gu tlehhiít tí aga oó'.»

MIKA 5:7

Baraá tla/ángw xoordaá yaariire panaydá' aa meet baraá múk Yakobowo tay adór har'uú amór AAKOÓ MUNGÚ daáhh, nee adór tluwoó doomu baraá gitsooro. Inooín hee ku harahhifiiká, nee muu ngu haratlinti'iaaká.

SEKARIA 2:11

«Nee de'emadae xoordaá yaariir i haragwaaiyá' dír anuú AAKOÓ MUNGÚ, inooín tari muk'eé, aníng nee inooín tari alhootaán.» Kuungá' kay tsahhá' adór aníng tira ya/aáw amorhúng nee AAKOÓ MUNGÚ Aleesleemusmo.

MALAKI 1:11

Asma iimír amoodá' looa iwa tsiraarihh, tam ay amoodá' i darat, umuueé' ku úr baraá xoorduuwo. Umuúqo mooyángw tsuú' kun da/aa/án nee ilahhooár hhohho' kan hanmiis asma umuueé' ku úr baraá tla/ángw xoorduuwo!

FAARO 24:23

Bala'amu aari gari malé oó', «Tsaxwaaín! Heé hoót a heemá qoomár bar Mungú adoorí gaa tleéhh?

FAARO 6:27

«Adoorí an adór umuueé' kur oa' dír múk Israeliwo, aníng inooín ngiri tsuúq.»

DABE 28:10

Nee xoordu sleémeero awa baraá yaamu birnga ariyé' kuún AAKOÓ MUNGÚ ugwa tsawaár tawa xooroorós, kuún uri da'ayuutiyá'.

Yakobo 2:7

Slám múk umuuhúng kwisíng hhoohhoó' oo Mungú naa haniís gu /oosliisliím a inooíneéka?