Tlehhema'aá ya/Abuuse 14:22 - Biblía Axweesantá Hhohho' ar Mungú 2004

²² Inooín eeharuuse kari gurkwa/amís nee /uuru nguwa sleer baraá haratlintaaooro. Nee tari oó', «Atén gár tiwa hariím an dahaán baraá waawuti'iimár Mungú ar slahha'amaayér yaariir.»

Ya/abtór hho' 1977

²² Munér eeharuuse kari gurkwa/amís nee kiri hara'ayiyín tawa kumiiti baraá haratlintaaooro. Nee tari oó', “Atén an dahaán baraá waawuti'iimár Mungú ar slahha'amaayér yaariir.”

Tlehhema'aá ya/Abuuse 14:22 Iomraidhean Croise

ISAYA 35:3

Mukdá' aa daba' tsatiit /uurií qaasaak, mukdá' aa diqiyaá ya'a' tsatiit, diqiya' kwa/asak.

Matayo 10:38

Umuúqo heewo oo msalaábarós gaa gagaariiká nee naa aluueé' wa eeharinká, inós i aníng wa harinká.

Matayo 16:24

Qoomaadár kilae Yesu eeharuuseerós gari báy, «Umuúqo heewo oo aníng i eehartá wa slaá', gar kuwa hariím a sla'aarirós gan gunqarees, nee msalaábarós gari gagaar, aníng iri eehar.

Matayo 19:24

Slám nu malé baw, ka inslaahh angamía iwa waarahh ar baraá fooxár laqwa, ta daqaarmo iwa baraá waawuti'iimár Mungií dahi.»

Marko 10:30

inós baraá yaamuukae, maraay nee hhae, nee amu, nee na/ii, nee qamu, gin sagaá wa tsiiruú wa sláy, dinkwa nee slahh'eemis. Aluuwo baraá yaamaá xaw'a slafíngw alhhe'eesay wásl gu malé sláy.

Marko 9:47

Barnaxes iltók kuúng u baraá tlakweemií gee/asliín, tu/eek ka kwáhh. A tsiní tawa dat baraá waawuti'iimár Mungú tawa heé ila wák, ta tuwa kwahhi baraá ásltí alé tawa ilaawók koon tsaraawo.

Luka 24:26

Ahaá, a gár xuawásle, Kristo slahh'amaayeerí ngiwa slay, nee iwa dahi baraá xirfuuwós i alé?»

Yohana 15:18

«Kuungá' múk aa haratlintii'iiká burna aáhh, xuaak adór aníng tira qaroó aáhh, qoomár kuungá' nuwa aahhiiká.

Yohana 15:20

/Aymuudá' naa kuungá' báw inslawaak, kudá' nuwa báw, ‹Lawaalmo ku ureeká ta aakoowose.› Bar án tina slahh'eemiís, kuungá' sleeme tundu slahh'eemiis. Bar axweesante'eé' kana óh, toohúng sleeme ka oh.

Yohana 16:33

Tí án ngina kuungá' báw, as wayda kuwa sleera' baraaeene. Baraaká' yaamuwo slahh'amu u sleerá'. Ala ma mune siaara', asma aníng yaamu iga ar baá/.»

Yohana 3:5

Yesu iri oó', «Ar ló' án a kah, hee burkwa laqwaaliiká ar ma'aay nee Qeeruú Mungú, dahmuú baraá waawuti'iimár Mungú gu aslayká.

Tlehhema'aá ya/Abuuse 11:23

Qoomár inós iwa hardáh, tsuuqaá Mungú ngiwa ár, ina qwalaá/, giri báy, «Aako ooha hhe'eesaak baraá munerhunge.»

Tlehhema'aá ya/Abuuse 11:26

Qoomár nguwa sláy nguri huúw ay Antiokia. Inooín kurkú wák kuri al faák nee eeharuuse, tidá' baraá Antiokiár i dirii', múk yaariír kuri intsaahhatimís. Yaamaá Antiokia an dír geera ar haratlintaauuse kawa báy kríshaanáy.

Tlehhema'aá ya/Abuuse 11:29

Eeharuuse iri al'axwés iri ó', «Umuúqo heewo alee/isoó i aleeslay ngu haniisi, as kuwa huwi amór hhaeerén kudá' yaamaá Yudeár i diriiá'.»

Tlehhema'aá ya/Abuuse 13:43

Qoomár muu iwa diyaa/aát, múk Yahudi oo yaariír Paulo nee Barnaba gina eehár, dinkwa nee múk xoordaá hatlá' oo aa warqay baraá diínír múk Yahudi. Paulo nee Barnaba tari axweés nee inooín, kiri gurkwa/amís as tawa baraá gurtleemuú Mungú wa hooti.

Tlehhema'aá ya/Abuuse 14:20

Ala eeharuuse Paulo nguwa harwét bihhe sleémeero, iri sihhiít, iri dáh baraá gixsa. Nee bál tsár iri tláy baraadá' wa ale dinkwa nee Barnaba ay Derbe.

Tlehhema'aá ya/Abuuse 14:28

Tari didá' wa hoót nee eeharuuse deelór yaariire.

Tlehhema'aá ya/Abuuse 15:32

Yuda nee Sila inooín a aaruuse. Gawaá adoorihe niri alqadidiné' dír hhae ar axweesanoó yaariír, hhae ngiri gurkwa/amiisiyé', nee /uuru nguwa slaya' baraá haratlintaaooro.

Tlehhema'aá ya/Abuuse 15:41

Iri waaraáhh ar baraá yaamaá Siria nee Kilikia, múk kríshaanáy guri alee/imiís /uuru nguwa slaya' baraá haratlintaaooro.

Tlehhema'aá ya/Abuuse 18:23

Iwa amoodá' wa hoót deelór niinawe, iri malé tláy, iri waaraáhh ar tla/ángw yaamaá Galatia nee Frigia, inós eeharuuse sleémeero gari alee/iimiís /uuru nguwa sleer baraá haratlintaaooro umuúqo gixsaro.

Tlehhema'aá ya/Abuuse 6:7

Axweesantá Mungú iri tsiyayaxát, nee faarór eeharuuse iri ló'wa doogigiín baraá Yerusalemuwo. Kaahamuusér Mungú ar yaariir iri haratlintí'.

Tlehhema'aá ya/Abuuse 9:16

Aníng adór slahha'amaayér yaariir ir inós wa hariín sleemuuwo as aníng a dirósí laqaám.»

Rumi 8:17

Nee atén barnaxes a na/ii, atén a aaluuse. Atén a aaluusér Mungú, nee a aaluuse dinkwa nee Kristo. Barnaxes a ló' adór tara slahhaahha'aán dinkwa nee inós. Daqaní atén xirif u slawaán sleeme dinkwa nee inós.

1 Korinto 1:8

Inós sleeme kuungá' nu /uurií haniis ay alhhe'eesaay, as kahhó' kuungá' tawa múk dakuús wásl baraá umuúqo gaaro bál deelór Aakoorén Yesu Kristowo.

Filipi 1:29

Kuungá' qeemu ugwa sleeré' oo Kristo kuwa haratlintié'. Ala a har qeemuuwí kiloseeká, ala tunduna slahh'eemiís sleeme as inós.

Kolosai 1:23

Ala kuungá' gár tunduwa hariím masók an kumitá' baraá haratlintaaooro, tawa sihhita' ar gawdeema gawaá iihhafiirír gawít i alé, nee tawa qutla'aaká baraá haraxu'utír taa sleeré' qoomár Ya/abtór hho' kawa axasé'. Ya/abtoorí hho' kaa alki/iít baraá yaamu sleémeero, nee anuú Paulo tina sagadiyusmoowós wa qaás.

1 Tesalonike 3:13

Inós kuungá' nu /uurií haniisi, tawa múk hhohhó' oo xaslaansli wásl geeraá Mungú Baabuúrene qoomaadá' Aakoorén Yesu niwa hardihi, dinkwa nee mukós oo hhohhó' sleémeero.

2 Timoteo 1:8

Aakoorén lamabu'uungo mu sa murumiitaar, tam anuúwí taa tseék as inós mi sa murumiitaar sleeme. Ala burtu slahh'eemiis asma Ya/abtór hho', kuúng qiítl adoorír aníng wa ale, ar /uuruú Mungú.

2 Timoteo 3:12

Mukdá' sleémeero oo hotángw ilaiwa/ame gu slaá' nguwa ar hootiya' baraá Kristo Yesuwo aqo kin gusisín.

1 Petro 2:21

Gaarí an gár kuungá' tundusa ateét. Asma Kristo kuna slahh'eemiís as kuungá', inós iri slaqsaay tleehhiít as kuungá' digiruuwós kuwa eehada'.

1 Petro 5:10

Alaá bur tunda slahh'eemiís deelór niinawe, daqaní Munguúdá' tsuuqa sleémeero gi tawó hanmiís, kudá' kuungá' naa ateet as xirfuuwós kuduú alhhe'eesay wásl kuwa sleera' ar loohír Kristo, inós kungá' nu aleesleemuú i haniis nee nu gawdees, nu /uurií haniis, nee nu sihhitis baraá haratlintaaooro.

1 Petro 5:9

Ala kuungá' inós siaak, tawa ló'wa sihhita' baraá haratlintaaooro. Asma kuungá' a xuá' slahh'amuú adór kwí kuungá' ta slasleera', hhaeehúng sleeme ngu slaslayá' umuúqo dír i dirii'iia baraakaá yaamuwo.

2 Petro 1:11

Daqaní kuungá' a datá' baraá waawuti'iimár alhhe'eesay wasl, ar Aakoorén nee Ba/amusmoorén Yesu Kristo tidá' taa amohhe'eés as kuungá'.

Yuda 1:3

Sla'aaruúse, aníng kángw ba/ama nguwa dirhúng i gooiim una ló'wa slaá'. Nee ba/amarí a toorén atén sleémeero. Ala aníng ana tsaáhh adór gár hariím gooiro tar kuungá' nuwa gurbuu'. Gurbu'ungw'eé' a kwí kuungá' haratlintaao sageeslaqwaak, tidá' Mungú aa saayín dír mukós sagaáwa wák wa ale.

Geehhoeemaá 1:9

Aníng a Yohane, hhiyaahúng, kudá' aa al dinku'uus nee kuungá' baraá slahh'amaayeero, nee baraá Waawuti'iima, nee baraá qiqtliingw baraá Yesuwo. Qoomarkaaro aníng ana hardáh baraá yaamaá kaahaar awa tla/ángw tlawi, awa ta bay Patmo, as a axweesantá Mungú ngiwa alki/iit nee Yesu nguwa lamabu'uum.

Geehhoeemaá 2:10

Slahh'amaayeedá' kuúng ta sleer ma da'ayuutaar. Ga/aaweek, Neetlaangw kuungá' bahh'alé nu tsegiit baraá doó tseegamo, as tunduwa iiari. Nee kuungá' slahh'amu u sleerá' deelo mibaangw. Kuúng masók tu inkihhím tam ay gwa'ara, daqaní aníng slamángw slafiingw ngu haniís.

Geehhoeemaá 7:14

Aníng nguri báw, «Aáko, kuúng i xú'.» Iri báy, «Mukwí amór i dahhi a baraá slahh'amaayeedá' ur. Nee inooín inqwaruuín kuna hhuúnts nee kuri /awakeemiís ar tseerér Deelmoó bee/i.