Tlehhema'aá ya/Abuuse 14:15 - Biblía Axweesantá Hhohho' ar Mungú 2004

¹⁵ «Múlqe, kuungá' gár adoorí kas tlehhita' a milá? Atén a múk adór kuungá'. Atén kuungá' nuna Ya/abtór hhó' ií huwaán, as kuungá' tawa warqeera' baraá muruuwí tlakwe, Munguúdá' slaáf kuwa i warqeera', kudá' doori nee yaamu nee tlawi gaa tleehh, nee muruudá' baraadií diriia sleémeero.

Ya/abtór hho' 1977

¹⁵ ta tsimahhuus, ta kaahi, “Kuungá' hhawaáte, mas adoorí tlehhitá'? Atén sleeme a múk adór kuungá'. Atén Ya/abtór hho' ngin alki/iitaán dirhúng i alé, as kuungá' tawa warqeera' nee muruuwí hhitiruút kuwa meera', nee Mungúdá' slaáf kuwa i warqeera', kudá' doori nee yaamu nee tlawi gaa tleehh, nee muruudá' baraadí dirií' sleémeero.

Tlehhema'aá ya/Abuuse 14:15 Iomraidhean Croise

IIMU/UUNGW 1:1

Iimu/uungo Mungú doori nee yaamu ngiwa tleéhh,

IIMU/UUNGW 41:16

Yosefu iri oó' dír Farao, «Aníng aleesleemu u koomaaká, ala Mungú inósuú kilá' tlataawók ngi waagweer ar adór wayduú huuw.»

1 WAAWITÁ 16:13

Muruuwí sleémeero ina tleehharuút as tlakweemadá' Ba'asha nee garmaawós Ela na tleehhiyé'. Inooín AAKOÓ MUNGÚ, Munguú múk Israeli nguna buhhtisiyé', as inooín tlakweema ngiwa tleehhiyé'. Múk Israeli nguri dahaasiyé' baraá tlakweemií alé ar slaqsi'ii'ín kudá'.

1 WAAWITÁ 16:26

Inós Yeroboamu garmoó Nebati guna aleealuús, AAKOÓ MUNGÚ, Munguú múk Israeli, guri buhhtís, nee múk Israeli guri baraá tlakweemií dahaás as munguidaá hatlá' ngiwa sluufmisiyé'.

2 WAAWITÁ 19:16

Aá AAKOÓ MUNGÚ, kuúng qaytsitáng, iia qaaseek niqayduú Senakeribu Munguú slaáf nguwa niqin axaaseek.

2 WAAWITÁ 19:4

Hamí sleeme i ya/aán AAKOÓ MUNGÚ gaa axaás axweesantá heedaádá' úr oo múk taa karmuumúy, kudá' tinda ya/aáw nee wawutmoó Ashuru, as aakoowós Munguúdá' slaáf nguwa /oosliislin. Doóqa AAKOÓ MUNGÚ, Munguúwók inós gu naanaaq as /aymi'iidá' aa axaás. Gawaá adoorihe mukók kwí aa meet aleefirimeek.› »

WARA'AMI 115:15

AAKOÓ MUNGÚ nu tsuuqi, oo doori nee yaamu gaa tleehh.

WARA'AMI 124:8

Alee/isayrén amór i dahhi a amór AAKOÓ MUNGÚ, kudá' doori nee yaamu gaa tleehh.

WARA'AMI 31:6

Kuúng mukdá' slaqsa'aá munguaá hatlá' gi haratlintatií' un ahhít. Ala aníng AAKOÓ MUNGÚ un harahhiíf.

WARA'AMI 33:6

Ar axweesantá AAKOOWO doori nina tleehharuutiyé', muruú gawaá doori sleémeero ina tleehharuút ar afkós.

TI'INAANGW 20:11

Asma AAKOÓ MUNGÚ ina gadiyuús deelo lahhoó', yaamu nee doori gina tleéhh nee tlabeemo nee umuúqo gár dawa, ala bál faanqwe iri hungu/uús. Gawaá adoorihe AAKOÓ MUNGÚ baalár Sabaáto gari tsuúq, gari hhoohhooeés.

ISAYA 45:18

AAKOÓ MUNGÚ kudá' doori gaa tleehh, inós a Mungú. Inós yaamu gina tleéhh, nee gin gawdeemiis. Gaa tleehhiiká as kiwa gaa wásl, ala gina tleéhh as kiwa hooti. Inós i kaahi, «Aníng a AAKOÓ MUNGÚ, Munguú hatlá' i kaahh.»

ISAYA 45:20

Kuungaásingá' xoorór aa met, dinkwaárií burumburiité', hardahaaré' daqaní ni tseewurá'. Mukdaáduú murslaaqatuú gufteeraá loohiís i xu'utír konká, nee tan munguú hatlá' firiirín kudá' ba/amisaro gi aleeslawaaká.

ISAYA 46:7

Inooín slaqsi'iidá' ngin sum'ii'ín ar loohisiyá', ngiri gagaariyá', ngiri qaasiyá' didá' inooín ta slai, niri didá' wa iwiwitiyá'. Didaádá' kay qaasi i baloó surukiaaká. Barnaxes hee ga i /aa/aá ay gu mu/aywatsiiká, laqaá hee gu ba/amisiiká baraá slahh'amuuwose.

YEREMIA 10:8

Inooín sleémeero ki iimibo/ nee a daktana, asma slaqsi'iidá' a xaa'aá tawo.

YEREMIA 14:22

Xáy, munguaá lama awa xoordaá hatlá' tluwaay ngu huwiía? Laqaá tlaangú duuxaro ngu aleesláy'a? Xáy, aqo kuungeekáhe AAKOÓ MUNGÚ, Munguúrén? Atén kuúng un harahhifaán, asma kuúng tí sleémeero ana tléhh.

YEREMIA 32:17

«Aá Aakoó MUNGÚ, kuúng doori nee yaamu ina tléhh ar aleesleemuú úr, nee ar /uuruuwók.

YEREMIA 51:15

Inós yaamu gina tleéhh ar /uuruuwós. Yaamu gina gawdeés ar sagalooarós, baraá xu'utirose doori giri iihhaáf.

YEREMIA 8:19

/Aa/aá muk'eé' iiárií qaasaak badu sleémeero awa yaamu, ta kaahi, «Xáy, AAKOÓ MUNGÚ i káhhi Siyoniro? Xáy, waawutmoowós i barawoseekáhe?» «Ahaá baré aníng iga buhhtisiyé' ar slaqsi'ii'ín kudaá adór Mungú, slaqsii'ín kudaá munguaá xuaawaslen.»

DANIELI 6:26

Hara'aya aga qaás as muu sleémeero baraá waawuti'iimar'eene, Munguú Danieli kuwa da'ayumiti nee kuwa ilaiwawa/i. «Asma Munguúwí an Munguú slaáf, kudá' hotatiím kureerisleém, waawuti'iimarós ka baloó hhitinká, waawuti'iimarós i alhhe'eesoó koondaaká.

AMOS 2:4

AAKOÓ MUNGÚ i kaahi, «Aníng múk Yuda muxtaaro u mawaaká, as tlakweema ngiwa tlehhaahhitiyé'. Asma inooín dabér AAKOÓ MUNGÚ eeharto ngina si'iyé', tam kaahirós sleeme ngaa oohii'iiká. Ala lamtaín tidá' i tlaqaaqatiya' gay dahás baraá qwanaay tidá' aáng taati'ii'ín naa eehariyé'.

YONA 2:8

Mukdá' munguaá hatlá' haratlintaatií', ta inkihhimuú konká diroge.

SEKARIA 12:1

Kaangwí an geehhoeemaá axweesantá AAKOÓ MUNGÚ daanduú Israeli. Tí an tidá' AAKOÓ MUNGÚ kudá' doori ga hhaaf, nee iihhafirír yaamu ga qaas nee qeeruú hee gwaa baraawós i tleehh.

Matayo 16:16

Simon Petro iri oó', «Kuúng a Kristo, Garmoó Munguúdá' slaáf.»

Yohana 5:26

Asma adoodá' Baabá ir slafíngw kon, nee Garma sleeme gwa slafíngw i haniís.

Yohana 7:18

Heé sagós ar axweés, xirfuú i leelehhiiti a kós kilós. Ala heé xirfuú heé inós ngwa ya/aaw gu leelehhiít, heedá' a heé ló', nee baraawose al/ayma i káhh.

Tlehhema'aá ya/Abuuse 10:26

Ala Petro guri tleés iri oó', «Sihhiít, asma aníng sleeme a hee.»

Tlehhema'aá ya/Abuuse 13:32

Nee atén hamí a diirí diriiaán as Ya/abtoorí hho' ngiwa dirhúngí alki/iitaan tidá' Mungú a al'axweés dír baabi'iirén.

Tlehhema'aá ya/Abuuse 14:21

Alaá Paulo nee Barnaba Ya/abtór hho' kawa baraá gixsadá' wa alki/iít, eeharuusér yaariir kari sláy. Tari kií/ ay Listra, nee Ikonio nee Antiokia.

Tlehhema'aá ya/Abuuse 14:7

Ya/abtór hho' kari alki/iít amoodae.

Tlehhema'aá ya/Abuuse 16:30

Paulo nee Sila ngirirar ti'iít tsee/áy alé, iri oó', «Bariíse, aníng adór ni laaq a adoomá ar nir ba/am?»

Tlehhema'aá ya/Abuuse 27:10

iri oó', «Án ngi slaá' aaiirén kukaáká' diirí wa tleemu i tsaxwaá koná'. Xooslár yaariir a qwaareesaán, nee miringamo, ala tam slafingwrén oo kilá'.»

Tlehhema'aá ya/Abuuse 27:21

Deelór yaariire tawa iwiiwiít ar qwari, Paulo iri tla/angw'íní sihhiít, iri oó', «Hhawaáte, qoomár aníng niwa oó' a tlawanaaká yaamaá Kretero alók ina iiárií qasé'. Muruuwí yaariír geera alók aa hhitiruutiiká nee aa qwaariiká.

Tlehhema'aá ya/Abuuse 27:25

Gawaá adoorihe, hhawaáte, gur'e gawdesaak, asma án Mungú ugwa haratlintií' adoodá' tinda dir'eé' oó' adór ir tleehharút.

Tlehhema'aá ya/Abuuse 4:24

Adoorí kawa axaás, Mungú kuri firín ar muunuú wák, tari oó', «Aáko, kuúng a Mungú, kuúng an kudá' doori nee yaamu nee tlawto iga tlehh, nee umuúqo gár dawa.

Tlehhema'aá ya/Abuuse 7:26

Looaytleérós iri malé daqáy amór hhaeewós. Iwa hardáh naxés múk tsár oo Israeli ti muux. Giri har'ohín iri oó', ‹Xaysé' muk'eé', kuungá' a hhae, mas giliindá'?›

1 Korinto 8:4

Ala gawaá daanduú /aymár fu'unaydá' taa ilahhooár wa hanmiisi dír munguaá hatlá' gár ni oo' a tí, atén a xuaán adór munguaá hatlá' tar gaarooká baraá yaamuwo, ala Mungú a wak.

Efeso 4:17

Gawaá adoorihe án kuungá' nun baw, slám nun gurbu'uúm kángw kilá' wa ale ar baraá umuú Aako, ma kumiitara' tawa hota' adór múk xoordaá hatlá' ar alé. Asma inooín inslaway'ín a tawo,

DABE 32:21

Aníng ina da/tár ayé' ar gár munguheeká. Inooín iga mune duuxiyé' ar slaqsi'ii'ín kudá' naa dabár tleehhiyé'. Aníng inooín in da/itár aw ar muruú mukooká, nee in buhhtís ar xoorór múk daktana.

DABE 5:26

Xáy, a hee gaalá oo Munguú slaáf gwa axaás oo baraá tla/ángw asltá wa axweés, adoodá' atén kura axasaán nee tay hotaán?

1 Tesalonike 1:9

Asma muu inooín awa kilá' kangwhúng ngu alki/iitiyá', adór kuungá' atén tira ilaoté', nee adór kuungá' munguiihúng kira geexeeré', tari amór Mungú i warqeeré', as Munguúdá' slaáf oo ló' kuwa sagadiyusa',

1 Timoteo 3:15

Ala tam adoorihe aníng binda tliík hardahamuwo, kuúng masók adór umuúqo heewo kuwa hariím hotaango baraá dinkwár múk Munguhe a xú'. Dinkwaarí an múk kríshaanáy, inooín an uhmo nee iihhafiirír looeema.

Ebrania 3:12

Hhaee'eé', ti harmagahhe'. Tam heé wák baraá tla/angwhunge miwa deeruút oo muuná tlaákw nee oo haratlintaao wásl, tam iri qwaar as Munguúdá' slaáf nguwa geexáy.

Yakobo 5:17

Eliya a heé adór atén. Inós ina ló'wa firiirín as tluwaay miwa tluúw. Nee tluwaay iri yaamií taxaatiiká har qoomár kureeri tám nee slahheeraá lahhooe.

YOSHUA 3:10

Yoshua iri oó', «Daxta a tsahhá' adór Munguú slaáf ir baraá tla/angwhúng i dirií', nee mukwí gu baloó mayká hingeesaro dír geerahunge: Múk Kana'ani, nee múk Hiti, nee múk Hifi, nee múk Perisi, nee múk Girgashi, nee múk Amori, nee múk Yebusi.

Geehhoeemaá 14:7

Iri tseé' ar afór ur iri oó', «Mungú ilaiwawa/aak, nee xirfayeemisaak. Asma siiwa naa hardát ar inós sakwasleema ngiwa tleehhi. Gawaá adoorihe, inós i tumbarara'amiitaak, asma inós an tleehharusmoó doori nee yaamu nee tlawi nee kutloó ma'aay.»

Geehhoeemaá 19:10

Aníng niri tumbarara'aát dír ya'aawós i alé as inós nguwa sluufmiis. Ala inós aníng iri báy, «Adoosíng ma tlehhiitaar. Asma aníng sleeme a sagadiyusmo dinkwa nee kuúng nee hhaeewoge, kudá' sleémeero awa lamabu'úngw Yesu ngu koomá'. Ala kuúng Mungú na sluufmiiseek.» Asma lamabu'úngw Yesu an qeeruú aaru'uuma.

Geehhoeemaá 19:19

Aluuwo makiito'oodá' ana ár, nee waawituú baraá yaamu nee askaárir'ín. Inooín tana burumburiít as tawa slaqwi nee kudá' gawaá daanduú faraásír i dirií' nee askaárirose.

Geehhoeemaá 22:9

Ala inós aníng iri báy, «Adoosíng ma tlehhiitaar. Asma aníng sleeme a sagadiyusmo dinkwa nee kuúng nee hhaeewók kudá' aaruuseero, dinkwa nee kudá' sleémeero awa axweesanoó kitaábuuwí ngwa oohiye'. Ala kuúng Mungú na sluufmiseek.»

Geehhoeemaá 4:11

«Kuúng Aakoorén nee Munguúrén, kuúng a hariín xirif kuwa ilaot, nee ilaiwa/ame nee aleesleemu. Asma kuúng mura' sleémeero una tléhh. Nee mura' sleémeero ina deeruút nee kuna tleéhh as sla'aarirók.»

1 SAMUELI 12:21

Ma bihhií warqawaara', asma muruú gaa wásl oo slaasláwár koomaaká kuwa sagadiyusa' oo alee/isoó huwaaká sleeme i ba/amisiká, asma gár iwa harin i káhh.

1 SAMUELI 17:26

Daudi mukdá' dír bihhiwósií tseéw guri yaahaás, «Xáy, heé heewuú múk Filisti ngwa gaas, nee oo múk Israeli ngwa tuu/ baraá murekesoó adór kwihe, heewí gár kwi tleehhi? Heewuú Filisti inós a heemá, bar sleeme an heé ta al/utliiká, iwa qiitli slawtá múk hhohhó' oo Mungú kudá' slaáf ngiwa adoorír niqin.»

1 SAMUELI 17:36

Anuú sagadiyusmoowók aga intsahhaám direeraá yaariir nee makaydá' ta bay duúbu tsu/utaaro. Hamí tam heeqaáquú Filisti oo taa al/utliiká, aníng aqo un adoorí laáq. Ga/aaweek inós slawtá múk Munguúdá' slaáf gan /oosliislín.»