Tlehhema'aá ya/Abuuse 14:1 - Biblía Axweesantá Hhohho' ar Mungú 2004

¹ Paulo nee Barnaba tawa Ikoníór i hardáh, tari dáh baraá doó saaliingw oo múk Yahudi, adoodá' taa tleéhh baraá Antiokiaro. Axweesantá Mungú kawa alki/iít, múk yaariír iri haratlintií', múk Yahudi nee oo Yunaniro.

Ya/abtór hho' 1977

¹ Paulo nee Barnaba tawa Ikoníór i hardáh, tari dáh sleeme baraá doó saaliingw oo múk Yahudi, adoodá' taa tleéhh baraá Antiokiaro. Axweesantá Mungú kawa alki/iít, múk yaariír iri haratlintií', múk Yahudi nee múk Yunani.

Tlehhema'aá ya/Abuuse 14:1 Iomraidhean Croise

Marko 7:26

Nee /ameenidá' ar tlahhoó Yunani, ar bartá múk Sirofoinike. Inós Yesu guna harhheehhe'és neetlaameedá' ngiwa duuxi baraá dasiirose.

Yohana 12:20

Mukko Yunani i deer baraá tla/ángw mukdá' aa sluufmisuú ay, bál deeloodá' ure.

Yohana 7:35

Múk Yahudi tiri kilooín yaahamiís, «Heewí amór i kay a amá, diirí atén kuwa araanaaká a diimá? Amór i kay a amór múk Yahudi kudá' aa diyaa/áti amór xoordaá hatlá', nee giri intsaahhatimísi?

Tlehhema'aá ya/Abuuse 11:21

/Uuruú Aako i gawaaín i dirii', nee múk yaariír Aako guna haratlintií' guri i warqáy.

Tlehhema'aá ya/Abuuse 13:43

Qoomár muu iwa diyaa/aát, múk Yahudi oo yaariír Paulo nee Barnaba gina eehár, dinkwa nee múk xoordaá hatlá' oo aa warqay baraá diínír múk Yahudi. Paulo nee Barnaba tari axweés nee inooín, kiri gurkwa/amís as tawa baraá gurtleemuú Mungú wa hooti.

Tlehhema'aá ya/Abuuse 13:46

Paulo nee Barnaba tari axweés ar pihh'uuma. Tari oó', «Axweesantá Mungú geeraawo gár kawa hariím a kan dirhúngí alki/iit. Ala bar kuungá' ana sié', nee slám bar aga aandé' adór slafíngw alhhe'eesay wásl kur sla'a'aaká, gimsé', atén aga warqawaán amór múk xoordaá hatlá'.

Tlehhema'aá ya/Abuuse 13:5

Qoomár tawa Salamír i dirii'i, Ya/abtór Mungú kari alki/iít baraá maraá saalíngw múk Yahudiro. Yohane a dinkwa nee inooín, as ngiwa alee/iimisi.

Tlehhema'aá ya/Abuuse 13:51

Paulo nee Barnaba teerír ya'aaín kari kuukuú', tari tláy ay Ikonio.

Tlehhema'aá ya/Abuuse 14:19

Mukko Yahudi niri hardáh, i Antiokiár daahh nee Ikonio. Mukwí boo/aay guri harakeemiís. Aluuwo inooín Paulo kuri tlaquút ar tlaa/e, kuri duuruxún ar yaamu ay tsee/aá gixsa. Inooín geeraawo ka xui aa qaroó gwaá'.

Tlehhema'aá ya/Abuuse 14:2

Ala múk Yahudi kudaá haratlinti'iiká múk xoordu guri dukún as hhae kiwa aahhi.

Tlehhema'aá ya/Abuuse 14:21

Alaá Paulo nee Barnaba Ya/abtór hho' kawa baraá gixsadá' wa alki/iít, eeharuusér yaariir kari sláy. Tari kií/ ay Listra, nee Ikonio nee Antiokia.

Tlehhema'aá ya/Abuuse 16:1

Paulo iri hardáh dír gixsár Derbe nee Listra, nee didaádane eeharusmoó wák i deer, umuuwós ku bay Timoteo. Inós a garmoó /ameenirkar Yahudi ar Mungú gwa haratlinti'. Ala baabuúwós a heé Yunani.

Tlehhema'aá ya/Abuuse 16:2

Heewí kwa lamabu'úngw hhó' i káh nee mukdaá haratlintii' oo baraá Listra nee Ikonio.

Tlehhema'aá ya/Abuuse 17:12

Múk yaariír baraá tla/angw'ine iri haratlintií', /ameenár uren ar yaariir ar múk Yunani sleeme iri haratlintí', tam hhawaataá hhaawa'aaká.

Tlehhema'aá ya/Abuuse 17:17

Qoomár iwa baraá doó saalíngw i dirii'i nee múk Yahudi tiri tlaampa'aamisiyé' nee mukdá' Munguú ilaiwawaá/. Nee umuúqo deelooro tiri tlaampa'aamisiyé' nee mukdá' nee inós ti dogagita' didá' mura' kuwa weerimamisi.

Tlehhema'aá ya/Abuuse 17:4

Bahh'alé baraá tla/angw'ine tari ya/án, tari haragwaá' nee Paulo nee Sila. Nee múk Yunani sleeme oo yaariír baraá kudá' Munguú ilaiwawa/a'a, tari ya/án, tam /ameenár hhaawaaká ar uren sleeme iri ya/aán.

Tlehhema'aá ya/Abuuse 18:4

Umuúqo deelór Sabaátoro Paulo ina dáh baraá doó saaliingw, múk Yahudi nee oo Yunaniro guri intsaahhatimís as ngiwa ar ba/i.

Tlehhema'aá ya/Abuuse 18:8

Krispo, heé úr oo doó saaliingw, Aako guri haratlintií' dinkwa nee múk do'ós sleémeero. Nee múk yaariír oo yaamaá Korinto axweesantá Paulo kawa iiárií qamín, tari haratlintií' kiri baatimiís.

Tlehhema'aá ya/Abuuse 19:10

Tari kumiít ar adoorí ay kureeri tsár, tam múk Yahudi sleémeero nee oo Yunaniro kudá' Asiár i dirií', Ya/abtór Aako gari axaás.

Tlehhema'aá ya/Abuuse 19:17

Múk Yahudi sleémeero nee oo Yunani, kudá' baraá gixsár Efesór i diriiá' kaangwí kuri xuú'. Muu sleémeero iri ló'wa da'ayuút, nee umuú Aako Yesu iri ak xirfuút.

Tlehhema'aá ya/Abuuse 19:8

Paulo ina daráh baraá doó saaliingw, har afi qoomár slahheeri tame kángw waawuti'iimár Mungú guri baraadá' wa alki/iít ar pihh'uuma. Paulo nee muu tina tlaampa'aamisiyé', nee muu guri harakeemiís.

Tlehhema'aá ya/Abuuse 2:47

Mungú kuri sluufmiís, nee muu sleémeero kuri sla'atimís, Nee umuúqo baalaaro Aako faarór mukós kudá' ba/aa/ám gana dogiít.

Tlehhema'aá ya/Abuuse 20:21

Án múk Yahudi nee Yunaniro una ló'wa gurbuú' tlakweemaaín kiwa hhu'u'n dír Mungú i hhu'u'un, nee Aakoorén Yesu Kristo kuwa haratlintii'i.

Tlehhema'aá ya/Abuuse 21:28

Tari tseeamín, ta kaahi, «Gimsé', múk Israeli, ti alee/ise'! Heewí an heedá' muu sleémeero gu intsaahhatimaamís umuúqo diiro as tlahhayrén kuwa waaqaai, nee hara'ayár Mosewo, nee do'wí hhoohhoó' sleeme. Nee slám a tí kiloseeká, inós hamí múk Yunani ngwa dahaás baraá Doó Mungú, diirí hhoohhoo' gay meetagaás.»

Tlehhema'aá ya/Abuuse 9:20

Kángw Yesu guri alki/iít baraá maraá saaliingo iwa kaahi, «Inós a Garmoó Mungú.»

Rumi 1:16

Aníng Ya/abtór hho' a murér wa ara'araaká. Asma Ya/abtór hho' an /uuruú Mungú kudá' ba/amár huwahuúw dír umuúqo heé aa haratlintii'i, har geeraawo a dír heé Yahudi, nee tam dír heé Yunani sleeme.

Rumi 10:12

Asma baraá kaangwihe gár dimbé i káhh dír heé Yahudi nee dír heé Yunaniro. Asma sleémeero Aakooín a wak. Nee hhooeemaawós i bu'uutiyá' dír umuúqo heé inós gu ateetima.

Galatia 2:3

Ala Tito kudá' nee aníng dinkwa, inós tam heé Yunaniro, kwa harakeesiiká al/utlooro.

Galatia 3:28

Ala daxta gár dimbé i káhh dír heé Yahudi nee heé Yunaniro. Laqaá tam dír heé lawaalmo nee heé lawaalmowooká. Nee slám gár dimbé i káhh sleeme dír hhawaata nee /ameeniro, asma kuungá' sleémeero a adór heé wák baraá Kristo Yesuwo.

Kolosai 3:11

Ala baraá slafingwí /abene, barqaanti i káhh dír heé Yahudiro nee heé Yunaniro, laqaá dír heé taa al/uútl nee heé taa al/uutliiká, laqaá hoomo, laqaá heé iimiboó/, laqaá lawaalmo nee kuduú lawaalmoowooká. Ala Kristo inós a mura' sleémeero nee i baraá muu sleémeero.

2 Timoteo 3:11

Nee slám án kuúng ina eehát baraá gusisingw'eene nee baraá slahh'amaayer'eene, adór muruudá' naa sláw baraá yaamaá Antiokiár wa ale, nee baraá Ikonio, nee baraá Listra. Gusisíngw yaariír una sláw. Ala Aako aníng ina ba/amís baraá muruuwí sleémeerowo.