Tlehhema'aá ya/Abuuse 13:5 - Biblía Axweesantá Hhohho' ar Mungú 2004

⁵ Qoomár tawa Salamír i dirii'i, Ya/abtór Mungú kari alki/iít baraá maraá saalíngw múk Yahudiro. Yohane a dinkwa nee inooín, as ngiwa alee/iimisi.

Ya/abtór hho' 1977

⁵ Nee qoomár tawa Salamír i dirii'i, Ya/abtór Mungú kari alki/iít baraá maraá saalíngw múk Yahudiro. Yohana a dinkwa nee inooín, an heé gi alee/iimiís.

Tlehhema'aá ya/Abuuse 13:5 Iomraidhean Croise

1 WAAWITÁ 19:21

Naagáy Elisha iri kií/ amór Eliya wa ale, aweerós gari tsuú/, fu'unaay giri humín ar taaqwanayduú awe. Inós fu'unaydá' giri múkwí haniís, nee inooín ngiri /ayiyé'. Naagáy inós iri tláy, Eliya guri eehár, guri sagadiyuús.

1 WAAWITÁ 19:3

Eliya iri da'ayuút, iri goów as slafiingós nguwa /iisi. Sagadiyusmoowós nee inose tari tláy ay Be'er-sheba baraá yaamaá Yuda, sagadiyusmoowós guri didaádá' i geexáy.

2 WAAWITÁ 3:11

Waawutmo Yehoshafati giri yaahaás, «Xáy aarusmoó AAKOÓ MUNGÚ diirihe i káhhi oo ta yaahasaan daanduú AAKOÓ MUNGUHE?» Sagadiyusmoó wák oo waawutmo Yoram oo Israeli iri oó', «Elisha garmoó Shafati i diirí, inós aáng a sagadiyusmoó Eliya.»

TI'INAANGW 24:13

Mose nee alee/isusmoowós Yoshua tari tláy. Mose iri tsa/án gawaá tlooma amór Mungú.

Matayo 20:26

Ala dirhunge a adoosingeeká. Ala umuúqo heewo oo uroó slaá' dirhunge, masók a sagadiyusmoohúng.

Tlehhema'aá ya/Abuuse 12:12

Nee qoomaadá' kaangwí nguwa aldakuuti baraá muunaáwós i ale, iri hardáh dír doó Maria, aayór Yohane, kudá' umuuwós oo tsár ta bay Marko, nee múk yaariír ta baraá do'dií dirii' ta firiirín.

Tlehhema'aá ya/Abuuse 12:25

Barnaba nee Saulo gadiyér'ín ngiwa hhe'eesiyé', niri Yerusalemúr wa ki/iyé', ti al koná' nee Yohanedá' ta bay Marko.

Tlehhema'aá ya/Abuuse 13:14

Ala inooín tana Pergér wa tláy, tari waaraáhh ar yaamaá kaahaar, tari hardáh ay Antiokia, gixsár yaamaá Pisidia. Bál deelór Sabaátoro tari dáh baraá doó saaliingw, tari iwiít.

Tlehhema'aá ya/Abuuse 13:46

Paulo nee Barnaba tari axweés ar pihh'uuma. Tari oó', «Axweesantá Mungú geeraawo gár kawa hariím a kan dirhúngí alki/iit. Ala bar kuungá' ana sié', nee slám bar aga aandé' adór slafíngw alhhe'eesay wásl kur sla'a'aaká, gimsé', atén aga warqawaán amór múk xoordaá hatlá'.

Tlehhema'aá ya/Abuuse 14:1

Paulo nee Barnaba tawa Ikoníór i hardáh, tari dáh baraá doó saaliingw oo múk Yahudi, adoodá' taa tleéhh baraá Antiokiaro. Axweesantá Mungú kawa alki/iít, múk yaariír iri haratlintií', múk Yahudi nee oo Yunaniro.

Tlehhema'aá ya/Abuuse 15:37

Barnaba gana slaá' tiwa kona' nee Yohane, kudá' ta babay Marko.

Tlehhema'aá ya/Abuuse 17:17

Qoomár iwa baraá doó saalíngw i dirii'i nee múk Yahudi tiri tlaampa'aamisiyé' nee mukdá' Munguú ilaiwawaá/. Nee umuúqo deelooro tiri tlaampa'aamisiyé' nee mukdá' nee inós ti dogagita' didá' mura' kuwa weerimamisi.

Tlehhema'aá ya/Abuuse 18:4

Umuúqo deelór Sabaátoro Paulo ina dáh baraá doó saaliingw, múk Yahudi nee oo Yunaniro guri intsaahhatimís as ngiwa ar ba/i.

Tlehhema'aá ya/Abuuse 19:22

Múk tsár baraá mukdá' inós gu alee/iimamisa guri ya/aáw ay Makedonia. Mukwí a Timoteo nee Erasto. Ala inósuú kilá' iri Asiár wa hoót deelór hhaawaakahe.

Tlehhema'aá ya/Abuuse 19:29

Tlaahhidá' iri kumít baraá gixsa sleémeero. Boo/oó muu Gayo nee Aristarko kiri ohín. Inooín a múk Makedoniár daáhh, tina al koné' nee Paulo. Mukwí kurir tláy ay dír neeto.

Tlehhema'aá ya/Abuuse 19:8

Paulo ina daráh baraá doó saaliingw, har afi qoomár slahheeri tame kángw waawuti'iimár Mungú guri baraadá' wa alki/iít ar pihh'uuma. Paulo nee muu tina tlaampa'aamisiyé', nee muu guri harakeemiís.

Tlehhema'aá ya/Abuuse 9:20

Kángw Yesu guri alki/iít baraá maraá saaliingo iwa kaahi, «Inós a Garmoó Mungú.»

Kolosai 4:10

Aristarko, kudá' taa tseék dinkwa nee aníng, kuungá' nu intsihhiimiis, nee Marko sleeme, hhiyoó Barnaba. Kuungá' kángw Marko ugwa qaroó sleeré' gídaabá birna hardáh ku ilaotá'.

2 Timoteo 4:11

Luka kilós in diirí, an heé aa dir'eéní meet. Marko leelehhang, nee kuúng ni alhardatá', asma inós a alee/isusmoó hhoó' dir'eene.