Tlehhema'aá ya/Abuuse 13:48 - Biblía Axweesantá Hhohho' ar Mungú 2004

⁴⁸ Qoomár múk xoordu adoorí ngiwa axaás, tari qwalaá/, axweesantá Aako kari xirfayeemiís. Múk yaariír iri haratlintií'. An kudá' sleémeero Mungú aa tsawaár ngiwa slafíngw alhhe'eesay wásl i haniisi.

Ya/abtór hho' 1977

⁴⁸ Múk xoordu adoorí ngiwa axaás, tari qwalaá/, axweesantá Aako kari xirfayeemiís. Múk yaariír iri haratlintií'. An kudá' sleémeero awa Mungú aa tsawaár kuwa slafíngw alhhe'eesay wásl i haniisi.

Tlehhema'aá ya/Abuuse 13:48 Iomraidhean Croise

WARA'AMI 138:2

Aníng kuúng u i tumbarara'aát tiwa qoomees ar afiqoomár Do'ók, kudá' hhoohhoó', án kuúng u sluufmiís as sla'aarirók ar warqawaaká nee inkihhimuuwoge, asma kuúng umuuwók nee axweesantók iga gár afhhamít tléhh ta mura' sleémeero.

Matayo 25:46

Nee kukaáká' niri tlayá', niri dahamaá ayá' baraá sakwasleemár alhhe'eesay wasl. Ala mukdá' hota ganaá' tan dahamaá áy baraá slafíngw alhhe'eesay wásl.»

Matayo 28:16

Eeharuuseedá' mibaá nee wak iri tleér ay yaamaá Galilaya, ay dír tloomadá' Yesu aa dir'ín i hara'ayín.

Luka 7:8

Asma aníng sleeme múk i baliít i deer, slám askaárír án ni baliit i deer. Kwí bura báw, ‹Tláw!› aqo in tláy, nee kwí bura báw, ‹Qwaláng!› aqo nin hardah. Nee lawaalmooeé' bura báw, ‹Adoorí tleehheek,› aqo gan tleehh.»

Yohana 10:16

Bee/ángw hatlá' sleeme u koóm, ala i baraá daqtiheeká. Bee/aangwí gár kuwa hariím a ngun huúw baraá daqtí alé. Inooín afor'eé' ngiri iiárií qaasiyá', aluuwo tari daqtá wák nee de'eemusmo tari wak.

Yohana 11:52

Ala as xooroorí kiloseeká. Nee tam as mukdá' Mungú gu haratlintií' baraá xoorduuwo nguwa burumburi as tawa wák tleehhiti.

Tlehhema'aá ya/Abuuse 13:12

Ga/aawusmoodá' kangwdá' aa tleehharut nguwa ár, iri haratlintií'. Intsaahhatisár daanduú Aako gari sa waa/oo/amín.

Tlehhema'aá ya/Abuuse 13:42

Paulo nee Barnaba tawa ti'iít, muu giri firín as axweesanaywí nguwa malé axweesiya' bál deelór Sabaátór tsare.

Tlehhema'aá ya/Abuuse 15:2

Paulo nee Barnaba tiri ló'wa tlaampa'amisiyé' nee mukwí, tari kaangaanuús. Hhae kwasleema ngiri tsatiyé' Paulo nee Barnaba nee múk hatlá' baraá tla/angw'ine ta tsa/an ay Yerusalemu, amór ya/abuuse nee amór bariise, as daanduú yaahastí.

Tlehhema'aá ya/Abuuse 15:31

Qoomár soómaro kawa hhe'eés, mukduú alqaati iri qwalalaá/ as gurkwa/asadá'.

Tlehhema'aá ya/Abuuse 2:41

Nee mukdá' axweesantadá' gaa haratlintii', kuri baatimiís, múk baldá' aa doogin a har afi qoomoó kume tám.

Tlehhema'aá ya/Abuuse 2:47

Mungú kuri sluufmiís, nee muu sleémeero kuri sla'atimís, Nee umuúqo baalaaro Aako faarór mukós kudá' ba/aa/ám gana dogiít.

Tlehhema'aá ya/Abuuse 20:13

Atén tari geerií hi'iitaán ay dír miringamo, tari tlawaán ar baraá tlawi ay Aso. Gár taa sla'aán a Paulo un tsa/aasaán Asór wa ale. Inós tina adoorí báy, asma inós ina amoodií tláy ar yaamaá kaahaar.

Tlehhema'aá ya/Abuuse 22:10

Niri oó', ‹Adór ni laaq, Aáko?› Aako iri báy, ‹Tláw, sihhiít, dáh baraá gixsár Damasko. Nee baraadae kaangw sleémeero oo kuúng wa hariím kungu oo'.›

Tlehhema'aá ya/Abuuse 28:23

Deelo kari al'axweés ar kuwa iiárií qaasár ay. Múk ló'wa yaariír guri i daqáy dír do'dá' inós i hooti. Iimír matlaatle ay tsiindo Paulo kángw waawuti'iimár Mungú guri dir'íní alki/iít ar axweesanoó aleesleemuú koóm, gari laqaqán ar gooír Mose nee aaruuse adór Yesu tar Kristo.

Tlehhema'aá ya/Abuuse 8:8

Múk gixsadá' qwal/uú yaariír guri sláy.

Rumi 11:7

A adoomá daxta? Gadaádá' múk Israeli aa leelehhiít, gaa slayká. Ala mukdá' taa tsawaár gaa sláy. Awa hatlá' kiri mune gawdeés,

Rumi 13:1

Umuúqo heewo geeraharuusér serikaáli ngi ilaiwawa/i, asma aleesleemuú amór Mungú dahhaaká i kaahh, nee aleesleemuudá' dáw kuna hara'ayín nee Mungú.

Rumi 8:28

Atén a xuaán adór dír mukdá' Munguú sla'a, mura' sleémeero tir alee/iimiisi, as mukdá' nguwa muruú hhó' i slaslay. Mukwí an kudá' Mungú aa ateét ar sla'aarirós ar kilá'.

1 Korinto 16:15

Nee slám hháe, kuungá' kángw múk doó Stefana u xuá' inooín taa giirín haratlintaaooro baraá yaamaá Akayaro. Nee slám inooín taa haniisiyé' múk hhohhó' oo Mungú nguwa sagadiyuusiya'.

Efeso 1:11

Tam atén sleeme baraá Kristowo tina aaluuse tleéhh, adoodá' inós aa qaroó slaá', inósuudá' mura' sleémeero gu tlehhiít ar sla'aarirós.

Efeso 1:19

Slám kawa xua' hhoohhooaarír uroó aleesleemuuwós baraá ateéká' haratlintatia'a.

Efeso 1:4

Inós iimír yaamu ngiwa tleehhiiká, atén tina qaroó tsawaár ar baraá Kristo, as tawa múk taa hhoohhooeés oo xaslxaanslír koomaaká dír geeraawose asma sla'aarirós.

Efeso 1:5

inós atén tina tsawaár iimír aáng wa ale tiwa na/iiwós tleehhi ar loohír Yesu Kristo. Adoorí an adoodá' inós aa slaá' baraá muunaáwose.

2 Tesalonike 3:1

Alhhe'eesaywo, hháe, atén ti aleefiriiriinde'. Firiirimé' as axweesantá Aako iwa geerií hi'it ar gaanslaay, nee kawa ilaoohi ar ilaiwa/ame ar adoodá' kuungá' kara ilaoté'.