Tlehhema'aá ya/Abuuse 13:46 - Biblía Axweesantá Hhohho' ar Mungú 2004

⁴⁶ Paulo nee Barnaba tari axweés ar pihh'uuma. Tari oó', «Axweesantá Mungú geeraawo gár kawa hariím a kan dirhúngí alki/iit. Ala bar kuungá' ana sié', nee slám bar aga aandé' adór slafíngw alhhe'eesay wásl kur sla'a'aaká, gimsé', atén aga warqawaán amór múk xoordaá hatlá'.

Ya/abtór hho' 1977

⁴⁶ Paulo nee Barnaba tari axweés ar pihhu'uuma. Tari oó', “Axweesantá Mungú geeraawo gár kawa hariím a kan alki/iit dirhúng wa ale. Ala bar kuungá' ana sié', nee slám bar aga aandé' gídaabá slafíngw alhhe'eesay wásl u sla'a'aaká, gimsé', qaytsité', atén aga warqawaán amór múk xoordaá hatlá'.

Tlehhema'aá ya/Abuuse 13:46 Iomraidhean Croise

AXWEESANOÓ SAGALOOA 28:1

Múk tlákw tan tawo goow tam heé gi gusisiím i kahhi, Ala múk hota ganaá' ta diiqiiká adór direeri.

ISAYA 55:5

Ga/aawaak, xoordaá kuungá' ta xua'aaká in atetá', nee xoordaá kuungá' nu xua'aaká ni tii'íngwár hardihiyá' amorhúng. As anuú AAKOÓ MUNGÚ, Munguúhúng, kudá' hhoohhoó' oo Israeli, an kudá' kuungá' naa iia tleerees.»

ESEKIELI 2:5

Barnaxes naa ialooeesiyé' laqaá naa sage gawdesiyé', asma inooín a múk dee/anuuse, dooqa ngi tsahhiyá' adór aarusmo ir tla/angw'ín i dirii'i.

Matayo 10:6

Ala tlawsé' amór múk Israeli, kudá' aa adór bee/ángw wa qwaar.

Matayo 21:41

Tari oó', «Mukdá' tlákw gu ló'wa hhaamiis. Nee qaymór sabiíbu gari doosluusér hatlá' i saayín, tidá' bu'uungós gu haniis ar qoomár hariim.»

Matayo 21:43

«Gawaá adoorihe án kuungá' nu baw, ‹Waawuti'iimár Mungú ka hingees dirhunge, nee kari haniis dír xoorór tlehhema'aá waawuti'iimadá' wa hariim gi tlehhiit.› [

Matayo 25:46

Nee kukaáká' niri tlayá', niri dahamaá ayá' baraá sakwasleemár alhhe'eesay wasl. Ala mukdá' hota ganaá' tan dahamaá áy baraá slafíngw alhhe'eesay wásl.»

Luka 24:47

Nee sleeme kaa gooín tawa kaahi, ‹Kaangwí ku alki/iit ar umuueé' dír xoordu sleémeero tawa kaahi, hhu'u'uumé' as gurtleemuú tlakweema kuwa sleera'.› Kaangwí dír kuwa iimu/un an Yerusalemu.

Yohana 1:11

Inós nina ayaawós i hardáh, ala kwa ilaoohiiká nee mukósuú kilá'.

Yohana 4:22

Kuungá' oo ta sluufmisa' u xua'aaká. Ala atén Mungú ta sluufmisaan u xuaán. Asma ba/ama amór ni dahh a amór múk Yahudi.

Tlehhema'aá ya/Abuuse 13:14

Ala inooín tana Pergér wa tláy, tari waaraáhh ar yaamaá kaahaar, tari hardáh ay Antiokia, gixsár yaamaá Pisidia. Bál deelór Sabaátoro tari dáh baraá doó saaliingw, tari iwiít.

Tlehhema'aá ya/Abuuse 13:26

«Hhaee'eé', kuungaá xwaylár Abrahamu, nee kuungaásingaá Munguú ilaiwawa/á', Ya/abtoorír ba/ama kingina ya/aáw dír atén sleémeero.

Tlehhema'aá ya/Abuuse 13:5

Qoomár tawa Salamír i dirii'i, Ya/abtór Mungú kari alki/iít baraá maraá saalíngw múk Yahudiro. Yohane a dinkwa nee inooín, as ngiwa alee/iimisi.

Tlehhema'aá ya/Abuuse 19:9

Muu bahh'alé ku sage gawdén, tari sií' haratlintaaooro, loohír Aako kari /ooslislín geeraá boo/oó múk wa ale. Paulo inooín giri geexáy, eeharuuse gari paraátl. Gari ar tláy. Nee umuúqo deelooro iri intsaahhatimís baraá doó shuúlér heeko ta babay Tirano.

Tlehhema'aá ya/Abuuse 22:21

Aluuwo aníng iri báy, ‹Tláw, aníng kuúng u amór saáwí ya/aáw, amór múk xoordaá hatlá'.› »

Tlehhema'aá ya/Abuuse 26:20

Án kángw Mungú una alki/iít har geeraawo dír múk Damasko. Aluuwo baraá Yerusalemu tin wa alki/iít, nee baraá yaamu sleémeero awa Yudea, nee dír múk xoordu sleeme, as tawa hhu'u'un nee Mungú kuwa i warqay, nee tlehhma'aá nee hhu'u'ungw'ín ti slawá' kiwa tleehhi.

Tlehhema'aá ya/Abuuse 28:28

«Ala kuungá' xuaak adór ba/amár Mungú kara huúw amór xoordaá hatlá', nee inooín ka iiárií qaas.» [

Tlehhema'aá ya/Abuuse 3:26

Qoomár Mungú sagadiyusmoowós kwí nguwa hhe'eés waasle/atisaro, nguri amorhúngí geerií ya/aáw, as umuúqo heewo tlakweema ngiwa may as tsuuqaawós.»

Tlehhema'aá ya/Abuuse 4:13

Mukdaádá' urén oo doó kwasleema pihh'uumár Petro nee Yohane kawa ár, nee kawa tsaáhh tawa múk aa soomuusiiká, tari waa/oó/. Kari tsaáhh adór mukwí nee Yesu tar dinkwa.

Tlehhema'aá ya/Abuuse 7:51

«Kuungá' tundu sage gawdén. Slám munerhúng nee iaahúng a adór kuqaá múk Mungú xua'aaká. Umuúqo daqto kuungá' Qeeruú hhoohhoó' oo Mungú un siaiindá' adoodár baabi'iihúng sleeme naa tleehhiyé'.

Tlehhema'aá ya/Abuuse 9:20

Kángw Yesu guri alki/iít baraá maraá saaliingo iwa kaahi, «Inós a Garmoó Mungú.»

Rumi 1:16

Aníng Ya/abtór hho' a murér wa ara'araaká. Asma Ya/abtór hho' an /uuruú Mungú kudá' ba/amár huwahuúw dír umuúqo heé aa haratlintii'i, har geeraawo a dír heé Yahudi, nee tam dír heé Yunani sleeme.

Rumi 2:10

Ala mukdá' sleémeero hhooeemaá tlehhahhiít, Mungú inooín gin xirfuú i haniis, nee ilaiwa/ame nee wayda. Múk giiriím oo Yahudi, ala tam múk Yunani sleeme.

DABE 32:21

Aníng ina da/tár ayé' ar gár munguheeká. Inooín iga mune duuxiyé' ar slaqsi'ii'ín kudá' naa dabár tleehhiyé'. Aníng inooín in da/itár aw ar muruú mukooká, nee in buhhtís ar xoorór múk daktana.

Filipi 1:14

Nee tseegamor'eé' hha'aá yaariir awa kríshaanáy gaa haratlintaao gawdés baraá Aakoowo, tari uraaráy baraá pihh'uumaaro as Ya/abtór hho' kawa alki/iiti ar dae wasle.

Ebrania 11:34

aslaá xaraaslá' kiri tsuú/, nee slám inooín tana ba/án paangadaá xaraasla'a as mikiwa tsuú/. Inooín a múk slaqootlakwén, aluuwo /uuru nguri slayé' as haratlintaao. Tari slaqwaruusér xaraasl tleehhiít, slaqwaruusér hooma kari gusiisín.