Tlehhema'aá ya/Abuuse 13:43 - Biblía Axweesantá Hhohho' ar Mungú 2004

⁴³ Qoomár muu iwa diyaa/aát, múk Yahudi oo yaariír Paulo nee Barnaba gina eehár, dinkwa nee múk xoordaá hatlá' oo aa warqay baraá diínír múk Yahudi. Paulo nee Barnaba tari axweés nee inooín, kiri gurkwa/amís as tawa baraá gurtleemuú Mungú wa hooti.

Ya/abtór hho' 1977

⁴³ Qoomár muu iwa diyaya/aát, múk Yahudi oo yaariír Paulo nee Barnaba gina eehaár, dinkwa nee múk xoordaá hatlá' oo aa warqay baraá diínír múk Yahudi. Paulo nee Barnaba tari axweés nee inooín, kiri gurkwa/amís as tawa kumiiti baraá haratlintaaooro.

Tlehhema'aá ya/Abuuse 13:43 Iomraidhean Croise

Matayo 23:15

«Ala kuungaá intsaahhatuusér hara'ayár Mose nee múk Farisayo, awa hhaahhafuuse, a tsaxwaahúng. Asma kuungá' an harweeririindá' baraá tlawtá wa ale, nee baraá yaamaá kaahare as heé wák kuwa eeharusmoohúng tlehha'. Aluuwo kuri heé tlaákw tlehhá' sagaáwa tsár ta kuungae, tari heé hariím kuwa kwahhi baraá asltá baloó gwaa'aaká.

Tlehhema'aá ya/Abuuse 11:23

Qoomár inós iwa hardáh, tsuuqaá Mungú ngiwa ár, ina qwalaá/, giri báy, «Aako ooha hhe'eesaak baraá munerhunge.»

Tlehhema'aá ya/Abuuse 13:50

Ala múk Yahudi /ameenadá' uren, tidá' Munguú ilaiwawaa/, nee múk urén oo gixsa, kina dukún, muu kuri harakeemiís, as Paulo nee Barnaba kiwa guusi. Paulo nee Barnaba kiri tsee/áy duúx baraá yaamuuín kudae.

Tlehhema'aá ya/Abuuse 14:22

Inooín eeharuuse kari gurkwa/amís nee /uuru nguwa sleer baraá haratlintaaooro. Nee tari oó', «Atén gár tiwa hariím an dahaán baraá waawuti'iimár Mungú ar slahha'amaayér yaariir.»

Tlehhema'aá ya/Abuuse 14:3

Inooín tari amoodá' wa hoót deelór yaariire. Kángw Aako kuri axweés ar pihh'uuma. Aako aleesleemu guri dir'íní haniís oo layu nee muruú waa/oo/amo kuwa tlehhiiti, Aako axweesantadár daanduú gurtleemuuwós gari laqán adór tar ló'.

Tlehhema'aá ya/Abuuse 16:14

/Ameenirka ta bay Lidia didae i deer. Inós inqwaruú sirda/atén gun weermaamís. Inós ar baraá yaamaá Tiatira. Inós i Munguú ilaiwaawá/. Atén tiri iiárií qás, nee Aako muunaáwós guri gweér, axweesantadá' Paulo aa axweés gari ót.

Tlehhema'aá ya/Abuuse 17:17

Qoomár iwa baraá doó saalíngw i dirii'i nee múk Yahudi tiri tlaampa'aamisiyé' nee mukdá' Munguú ilaiwawaá/. Nee umuúqo deelooro tiri tlaampa'aamisiyé' nee mukdá' nee inós ti dogagita' didá' mura' kuwa weerimamisi.

Tlehhema'aá ya/Abuuse 17:34

Muu bahh'alé iri haragwaá' amór Paulo, tari haratlintií'. Baraá tla/ángw mukwihe heeko a Dionisio. Inós a heé doó kwasleema oo Areopago. Heé hatlá' a /ameenirka wák, umuuwós ta bay Damari, nee mukko hatlá' sleeme i deer.

Tlehhema'aá ya/Abuuse 17:4

Bahh'alé baraá tla/angw'ine tari ya/án, tari haragwaá' nee Paulo nee Sila. Nee múk Yunani sleeme oo yaariír baraá kudá' Munguú ilaiwawa/a'a, tari ya/án, tam /ameenár hhaawaaká ar uren sleeme iri ya/aán.

Tlehhema'aá ya/Abuuse 18:7

Paulo iri didá' wa tláy, iri dáh baraá doó heeko wák, umuuwós ta bay Tito Yusto. Heewí a heé Munguú ilaiwawaá/. Do'ós nee doó saaliingw ti hariyá'.

Tlehhema'aá ya/Abuuse 2:10

nee múk Frigiár daáhh nee Pamfilia, oo Misri nee oo Libya, múk inslaawoó bihhaá Kirene, nee dahaayér yaamaá Romár daahh,

Tlehhema'aá ya/Abuuse 28:23

Deelo kari al'axweés ar kuwa iiárií qaasár ay. Múk ló'wa yaariír guri i daqáy dír do'dá' inós i hooti. Iimír matlaatle ay tsiindo Paulo kángw waawuti'iimár Mungú guri dir'íní alki/iít ar axweesanoó aleesleemuú koóm, gari laqaqán ar gooír Mose nee aaruuse adór Yesu tar Kristo.

Tlehhema'aá ya/Abuuse 6:5

Boo/aydá' sleémeero /aymuuwí kuri ya/án. Stefano kuri tsawaár, heé haratlintaaór wa haáts nee Qeeruú hhoohhoó' oo Munguhe, nee Filipo, nee Prokoro, nee Nikanori, nee Timoni, nee Parmena, nee Nikolao, kudá' aa ba/an oo yaamaá Antiokia.

Rumi 11:6

Mungú inooín gina tsawaár as gurtleemu, ala a as tlehhma'aá inooín naa tleehhiiti'iiká. Asma geera bar gina tsawaár as tlehhmi'i, geera gurtleemuuwós a tawo.

Rumi 3:24

Mungú gina tawó gan'amuú i harafaár ar gurtleemuuwós. Gár adoorí ngisa tleéhh a gadiyeédá' Yesu Kristo aa tleéhh ar muu kuwa gweeri.

Rumi 5:2

Baraá Yesu Kristowo sleeme atén pa/aangw ugwa slawaán oo gurtleemuuwí nguwa i hardahaan. Atén hamí an baraá gurtleemuuwí wa iwiwiitaán. Slám atén a qwalaala/aán asma haraxu'utirén tidá' ta koomaan ar xirfuú Mungú kuwa slawaan.

Rumi 5:21

Gawaá adoorihe, adoodá' tlakweema nira baaliné' ar loohír gwa'ara, adoorí an adór gurtleemuú Mungú ir baalin ar loohír gan'amu, slafíngw alhhe'eesay wásl nguri huuw ar loohír Yesu Kristo, Aakoorén.

2 korinto 5:11

Gawaá adoorihe atén Mungú un ilaiwawa/aán baraá muneerene umuúqo daqto. Gaarí an gár muu atén kus afa /asliimaan amór Mungú i alé. Mungú atén ti ló'wa xuu' adór atén tay diriiaan, nee slám aníng a harahhiíf adór kuungá' sleeme baraá munerhunge atén tira tsahhé'.

2 korinto 6:1

Atén a gadiyuusaán dinkwa nee Mungú. Gawaá adoorihe atén kuungá' nu gurbu'uumaán sleeme, kuungá' tsuuqaá Mungú kudá' taa ilaoté' mi qwaareesara'.

Galatia 5:1

Kristo atén tina gweér baraá lawaali'iimaaro as atén tawa hootaan ar adór múk lawaaleerooká. Gawaá adoorihe sihhiité', ma ya/aamara' tunduwa malé tseegi baraá lawaali'iima.

Galatia 5:4

Kuungá' bar gan'amuú leelehhitá' ar hara'aya kawa eeharahada', kuungá' taa qaroó partlé' dír Kristowo, nee aga quutlé' dír gurtleemuú Munguhe.

Efeso 2:8

Gár tundusa ba/amís a gurtleemuú Mungú ar loohír haratlintaao. A gadiyérhungeeká, ala a gár Mungú naa tawó haniís.

Filipi 3:16

Ala atén sleémeero gár tiwa hariím masók an kumiitaán ar digir wakeetingwdá' tara iimu/uumaán.

Filipi 4:1

Gawaá adoorihe, hhaee'eé' awa sla'aaruúse, án kuungá' nun ló'wa inslasláw. Kuungá' a qwal/uueé' nee slamángw arba/ati, daxta sihhtano hhe'eesé' baraá Aakoowo.

Kolosai 1:23

Ala kuungá' gár tunduwa hariím masók an kumitá' baraá haratlintaaooro, tawa sihhita' ar gawdeema gawaá iihhafiirír gawít i alé, nee tawa qutla'aaká baraá haraxu'utír taa sleeré' qoomár Ya/abtór hho' kawa axasé'. Ya/abtoorí hho' kaa alki/iít baraá yaamu sleémeero, nee anuú Paulo tina sagadiyusmoowós wa qaás.

Kolosai 1:28

Inós an kwí ni alki/iitaan, muu sleémeero un gurbu'uumaán. Umuúqo heewo un intsaahhatimiisaán ar sagalooa sleémeero tidá' Mungú ni amoorén i hanmiisi. Asma gár ta sla'aan a umuú heewo un amohhe'eemisaán iwa sihhiiti dír geeraá Mungú tawa heé aa kwaa/ baraá Kristoowo.

Tito 2:11

Asma gurtleemuú Mungú kwa geehhooatís as muu sleémeero kuwa ba/amisi.

Ebrania 12:15

Ga/aawaak, hee tsuuqaá Mungú mingiwa sií'. Nee magoót miwa deerút baraá tla/angwhunge, nee nuri hhitiín. Asma magór adoorí ga aleesleér múk yaariír nguwa qárkwií qas.

Ebrania 13:9

Kuungá' intsaahhasár dimbadimbé ar hatlá' munduwa paslís baraá loohír ganaa'a. Asma gár muneerén ga gawdees a tsuuqaá Mungú, ala a hara'ayár dimbadimbeheeká ar daanduú muruú /ayma. Asma mukdá' hara'ayaarí gaa eehaar, alee/isoó taa sláy i kaahh dír hara'ayaarihe.

1 Petro 5:12

Án barwaárí naa amorhúng i gooiimi a Silwano ina alee/iís. Inós a hhiyoó ló'wa inkihhím. Barwaárí ngina gooiím as kuungá' nuwa gurbuu' nee nuwa lamabu'uum gídaabá gaarí a gurtleemuú ló' oo Mungú. Gawaá adoorihe sihhtano hhe'eesé' baraá gurtleemuuwihe.

2 Petro 3:14

Gawaá adoorihe sla'aaruuser'eé', dír kuungá' tar muruuwí daamaraanda', ilakaaharu tleehhaak tawa wayduú koonda', nee tawa sihhita' dír geeraawós i alé tunduwa hhohhó' nee tawa múk xaslxaansli wásl.

1 Yohana 2:28

Kuungá' laqwalór ninakw, baraawós wa hootaak, as qoomár Kristo birna hardáh, burkwa geehhooeés, atén mitiwa mureekeés dír geeraawós wa ale.

2 Yohana 1:9

Heé baraá intsaahhasár Kristó wa hootaaká, ala iri harwaaraáhh, heé adoorí Mungú baraawose i kaahh. Ala heé baraá intsaahhatisár Kristó wa hotaatiím, kwí Baabá gu kón nee Garmaawo.