Tlehhema'aá ya/Abuuse 13:4 - Biblía Axweesantá Hhohho' ar Mungú 2004

⁴ Barnaba nee Saulo kiri ya/aáw nee Qeeruú hhoohhoó' oo Mungú, tari /eét ay Seleukia. Nee tari didá' wa tláy baraá tláwtár alé ay Kipro.

Ya/abtór hho' 1977

⁴ Barnaba nee Sauli kiri ya/aáw nee Qeeruú hhoohhoó', tari /eét ay Seleukia. Nee tari didá' wa tláy baraá tlawtár alé ay Kipro.

Tlehhema'aá ya/Abuuse 13:4 Iomraidhean Croise

Tlehhema'aá ya/Abuuse 11:19

Mukdá' aa diyaa/aat asma slahha'amaayér ur ar naa slayé', qoomár Stefano kuwa gaás, tana tláy ay Foinike nee Kipro nee Antiokia. Heé axweesantá Mungú gaa alki/iit i kaahh dír múk hatlae, aqo har dír múk Yahudi kilós.

Tlehhema'aá ya/Abuuse 13:2

Looarka wake múk kríshaanáy qoomár iwa Munguú sluufmiis nee tawa gwaawiwin, Qeeruú hhoohhoó' oo Mungú giri báy, «Barnaba nee Saulo amor'eé' paraatlare' as gadiyeédá' ngiwa ateét.»

Tlehhema'aá ya/Abuuse 13:3

Alaá tawa gwaawín, nee tawa firín, dabaaín kiri gawaaíní qaás, tari ya/án tawa tlay.

Tlehhema'aá ya/Abuuse 15:36

Deelór niina iwa waaráhh, Paulo iri oó' dír Barnaba, «Qwaláng, daxta a ki/aán amór gixsaduudá' sleémeero awa axweesantá Aako kawa alki/iitaán. Xáda xáy, hhaeedá' adór i dirii'iya' a adoomá.»

Tlehhema'aá ya/Abuuse 20:23

Ala Qeeruú hhoohhoó' oo Mungú aníng i ádbabáy umuúqo gixsaro adór tseegamo nee slahh'amaaye aníng ir daamaraná'.

Tlehhema'aá ya/Abuuse 27:4

Tari didá' wa tlawaán, tari waarahhaán ar baraá tlawi bihhaá doó /iyáy awa Kipro, as fur'a kawa ilaguwaan, asma fur'a ka ló' wa ur baraá tlawto.

Tlehhema'aá ya/Abuuse 4:36

Nee Yosefu kudá' ya/abuuse aa beér Barnaba (gídaabárós a heé gurkwa/asa ga xuú'), inós a heé tlahhoó Laáwi, nee yaamaá i dahhi a yaamaá Kipro.