Tlehhema'aá ya/Abuuse 13:36 - Biblía Axweesantá Hhohho' ar Mungú 2004

³⁶ Daudi múk qartós guna sagadiyuús, adoodá' Mungú aa slaá' gari tleéhh. Aluuwo iri gwaá', kuri foól dinkwa nee baabi'iiwós. Inós hhitiru'uuma gari sláy.

Ya/abtór hho' 1977

³⁶ Daudi múk qartós guna sagadiyuús, adoodá' Mungú aa slaá' gari tleéhh. Aluuwo iri gwaá', kuri foól dinkwa nee baabi'iiwós. Inós hhitiru'uuma gari sláy.

Tlehhema'aá ya/Abuuse 13:36 Iomraidhean Croise

IIMU/UUNGW 3:19

Ar hamér gadiyér gawide muruú /aymaarók un /ák, ay dír ti ki/ baraá hhape. Asma kuúng tuna tleéhh ar hhape. Kuúng a hhape, nee baraá hhape an i kí/.»

2 SAMUELI 7:12

Deeloorók ar tawa kahhut bira xeér tari haragwá' amór baabi'iiwók kudá' naa qatliye'. Daqaní na/aywók oo kilá' un waawutmoó wa qaás, aníng waawuti'iimarós ngari gawdeés.

1 WAAWITÁ 2:10

Aluuwo Daudi iri gwaá', kuri foól baraá gixsár Daudi.

1 QOM'I 11:2

Qoomaadá' Saulo tawa waawutmo, kuúng slaqwaruusér Israeli ana geerahát baraá slaqwaraaro. Nee AAKOÓ MUNGÚ, Munguúwók kuúng uri báy, ‹Kuúng a de'eemusmoó muk'eé' oo Israeli, nee kuúng tari geeraharusmoó muk'eé' oo Israeli.›

1 QOM'I 17:11

Tam qoomár kuúng bara ureér tari gwá' adór baabi'iiwók wa alé, aníng garmaawók u waawutmoó wa qaás, nee aníng waawuti'iimarók a gawdeés.

1 QOM'I 18:14

Daudi múk Israeli sleémeero guri sa waawuti'ín, nee mukós sleeme gwaa barqantusiiká.

1 QOM'I 29:28

Inós iwa gwaá' a aakoó aa dimaay hhe'ees, a daqaarmo nee a heé ta ilaiwawa/i. Garmaawós Solomon kitaangós oo waawuti'iima guna óh.

2 QOM'I 12:16

Aluuwo Rehoboamu iri gwaá' kway foól baraá gixsár Daudi, nee garmaawós Abiya kuri waawutmoó wa qaás kitaangós wa aleeró.

2 QOM'I 21:1

Aluuwo Yehoshafati iri gwaá', kuri foól dír /aantuudaá baabi'iiwós kay foól kudaá baraá gixsár Daudi. Garmaawós Yehoramu kitaangós gway óh.

2 QOM'I 26:23

Usia iri gwaá', kuri foól iisaapoó didá' baraá /aantaá waawitá i dirii'iya', asma ta kaahi, «Inós i tiqtír tsatmituú kón.» Garmaawós Yotam iri waawuti'ín kitaangós wa aleeró.

2 QOM'I 9:31

Alhhe'eesaywo Solomon iri gwaá' kway foól baraá gixsár baabuúwós Daudi, garmaawós Rehoboamu kitaangós gway óh.

YOBU 17:14

Aníng barnaxes /aanta ana baabuúeé' báw nee naanaga an aayír'eé' laqaá hho'or'eé',

YOBU 21:26

Tam adoorihe sleémeero qatlooro a wak, sleémeero naanaga gin eér.

WARA'AMI 49:14

Inooín kaa amohhe'eés adór bee/aangw, kiwa /aytisi ay baraá gi'i. Gwa'ara tari de'eemusmooín. Tari /eet baraá /aantí ale, gari qomtír wa ar tseewa alé. Slaqooín niri tsatitiyé' baraá /aantí ale, hotangw'ín tay baraá gi'i.

WARA'AMI 49:9

iwa slafafin kureerisleém, as iwa baloó gwaaiiká.

Matayo 25:16

Kudá' taa talaántár kooán i haniís, iri tláy siiwadár kilae, gari ar halaanuús, talaántár hatlá' kooán gari sláy.

Yohana 11:39

Yesu iri oó', «Tlaa/a hingeesaak.» Marta, hho'ór heedaádá' aa gwaa', iri ó', «Aáko, aa tsutsuú', asma aa hoót baraá /aantár wa ale deelo tsiyáhh.»

Tlehhema'aá ya/Abuuse 13:22

Aluudae Mungú Saulo guri hingeés, Daudi guri qaás tawa waawutmooín. Daudiwí a kudá' Mungú aa lamabu'ún iwa kaahi, ‹Aníng Daudi ugwa ár, garmoó Yese. Inós a heé muunaáeé' gwa qwal/atis. Slám inós an kudá' sla'aarir'eé' sleémeero ga tleéhh.›

Tlehhema'aá ya/Abuuse 2:29

«Hhaee'eé', án iiárií qaasaré', /ayma'aá niina ngi dirhúng i oó' ar pihh'uuma, kángw baabuúrén kudá' úr Daudi. Inós ina gwaá', kuri foól, nee /aantarós i diirír ayaarén i dirí' tam ay laarí.

Tlehhema'aá ya/Abuuse 20:27

Asma aníng adoodá' sleémeero Mungú i slai dirhúngí alki/iituuwo ngaa mawiiká.

Tlehhema'aá ya/Abuuse 7:60

Iri tumbarara'aát iri tseé' ar afór ur, iri oó', «Aáko, tlakweemaaká' mi daanduuín i faaraar.» Adoorí ooaro ngiwa hhe'eés, iri gwaá'.

Tlehhema'aá ya/Abuuse 8:1

Nee Saulo gaasadá' gari sa qwalalaá/. Baldá' gusisíngw úr oo múk kríshaanáy iri iimu/ún baraá Yerusalemuro, sleémeero tari diyaa/aát baraá yaamaá Yudearo nee Samariaro, ala aqo har ya/abuuse kilós ina mét.

1 Korinto 15:18

Nee barnaxes a adoorí, mukdaádá' aa qaatl oo Kristo gwa haratlintii', inooín daqaní taa hhán.

1 Korinto 15:6

Aluuwo hha'aá dinkwárí diriiá' awa tsiire kooane waarahhá' giri harati'iít. Awa yaariir baraá tla/angw'ine tam hamí i slafiyá', ala bahh'alé naa qatliyé'.

1 Tesalonike 4:13

Hháe, atén a sla'aanaaká kángw mukdá' aa qaatl kuungá' kuwa xua'aaká. As kahhó' kuungá' ma gurhaamuutara' tawa adór mukduú hatlá' oo harahhifo wásl.