Tlehhema'aá ya/Abuuse 13:29 - Biblía Axweesantá Hhohho' ar Mungú 2004

²⁹ Qoomár tidá' sleémeero taa gooín daanduuwose kawa hhe'eés boo/eesaro, kuri aweeriís gawaá msalaábár wa ale, kuri foól.

Ya/abtór hho' 1977

²⁹ Tam sleémeero boo/eesaro kawa hhe'eés, tidá' taa gooín daanduuwose, kuri aweerís gawaá msalaábár wa ale, kuri foól.

Tlehhema'aá ya/Abuuse 13:29 Iomraidhean Croise

Marko 15:42

Baldá' a deelór tiwa amohhe'eemisiya', asma looaytleérós a deelór Sabaáto. Qoomár tsiindowo,

Luka 23:50

Nee heeko wák i deer, umuuwós a Yosefu. Inós a heé hota ganaá'. Inós a heé wák oo doó kwasleema,

Luka 23:53

Slaqwtadá' gari aweeriís, gari untsuús ar inqwaarír ta kitánír tleéhh, gari qaás baraá baa'ár taa baraá tlaa/ár i foól, ar taa baloó tuuaár i qaasiiká.

Luka 24:44

Aluuwo Yesu giri báy, «Kaangwí a kudá' naa káh qoomár niwa dinkwár i dirii' nee kuungá', niwa káh tidá' sleémeero taa gooín daanduueén i alé, baraá hara'ayár Mosewo, nee baraá gooír aaruuseero, nee baraá Wara'amto, gár iwa hariin aqo in bó/ sleémeero.»

Yohana 19:28

Qoomár Yesu ngiwa tsaáhh adór umuú gaaro ira tleehharút, iri oó', «Aga waxiít.» Adoorí gana oó' as Gooi iwa bo/.

Yohana 19:30

Yesu difaáidá' qarqaar ngiwa sláy, iri oó', «Aa hhooeér.» Saga guri xupu'uús, muunaáwós iri /eét.

Tlehhema'aá ya/Abuuse 13:27

Asma múk Yerusalemu nee geeraharuuser'ín, inós kwaa tsaahhiiká adór tar Ba/amusmo. Kuri sakwasleemuút. Gawaá adoorihe axweesanaydá' aaruuse aa kát kuri boo/eés, kudá' ta soomaamuusi umuúqo deelór Sabaátoro.

Tlehhema'aá ya/Abuuse 2:23

Heewí kunguna haniís dirhúng, adór Mungú baraá xu'utirose ngira qoomeés iimír iimu/úngw wa ale. Kuungá' kuri kikié' ar dabaá múk tlákw, kuri gasé'.

Tlehhema'aá ya/Abuuse 26:22

Ala án Mungú ina alee/iís ay laarí. An gár nis sihhimiit diirí wa aleeró, múk urén nee oo ninakwe nguwa i lamabu'uum. Nee aníng /aymuú hatlá' oo ni oo' i kaahh, aqo har kudá' aaruuse nee Mosewo taa káh as iwa tleehharuuti.

Tlehhema'aá ya/Abuuse 4:28

As kawa tleehhi tidá' kuúng taa slá' nee taa tsabiín kawa tlehh ar /uuruuwók, iimír iimu/uungo iwa bo/.

Tlehhema'aá ya/Abuuse 5:30

Munguú baabi'iirén Yesu guna waaslee/atís, kudá' kuungá' taa gasé' ar loohír kikiár gawaá msalaába.

1 Korinto 15:4

nee kuri foól, nee bál tame iri waasleé/ ar adoodá' Gooi ngir kat,