Tlehhema'aá ya/Abuuse 13:25 - Biblía Axweesantá Hhohho' ar Mungú 2004

²⁵ Yohane qoomár alhhe'eesoó slafiingós iwa nakaá/, iri oó', ‹Aníng a kudaádá' ta harahhifa'aaká. Ga/aawaak heé ni aluueé' wa hardáh tam aníng a hariimaaká ya/ataá ya'aawós ngiwa slakwekwe'ees.›

Ya/abtór hho' 1977

²⁵ Yohana qoomár alhhe'eesoó slafiingós iwa nakaá/, iri oó', ‘Aníng a kudaádá' ta harahhifa'aaká. Ala hee ni hardah aluueén wa ale, nee aníng a hariimaaká ya/ataá ya'aawós ngiwa slakwekwe'ees.’

Tlehhema'aá ya/Abuuse 13:25 Iomraidhean Croise

Matayo 3:11

Ar ló', aníng gár kuungá' nur baatimiis a ma'aay as tawa hhu'u'uundé'. Ala kudá' aluueé' wa hardáh, inós i /uuruú kón ta aninge. Tam aníng a hariimaaká ya/ataawós ngiwa gagaar. Inós nun baatimiis ar Qeeruú hhoohhoó' oo Mungú nee ar asla.

Marko 1:7

Inós iri alki/iít, iri káh, «Heé aleesleemuú koóm oo án i baá/ ni aluueé' wa hardah. Tam aníng a hariimaaká niwa xupuu' him'ér ya/ataawós ngiwa slakwekwe'ees.

Yohana 1:29

Bál tsár Yesu iwa amór Yoháné kay, kuri ár nee Yohane. Yohane iri oó', «Ga/aawaak Deelmoó bee/i oo Mungú, kudá' tlakweemaá muu gi hingeemiís.

Yohana 1:34

Nee tí aníng aga ár, slám aga lamabu'uúm adór kwí tar Garmoó Mungú.»

Yohana 1:36

Yesu kuri ár iwa hi'iimiti. Yohane iri oó', «Ga/aawaak Deelmoó bee/i oo Mungú.»

Yohana 4:34

Yesu giri báy, «Muruú /aymar'eé' a kwí, sla'aarír kudá' aníng iga ya/aaw an tleéhh, as gadiyeérós ngiwa alhhe'ees.

Yohana 7:18

Heé sagós ar axweés, xirfuú i leelehhiiti a kós kilós. Ala heé xirfuú heé inós ngwa ya/aaw gu leelehhiít, heedá' a heé ló', nee baraawose al/ayma i káhh.

Tlehhema'aá ya/Abuuse 13:36

Daudi múk qartós guna sagadiyuús, adoodá' Mungú aa slaá' gari tleéhh. Aluuwo iri gwaá', kuri foól dinkwa nee baabi'iiwós. Inós hhitiru'uuma gari sláy.

Tlehhema'aá ya/Abuuse 19:4

Paulo iri oó', «Yohane ina baatimiís ar baatiísmoó hhu'u'uungw, muu guri ádbabáy as kudá' aluuwós wa hardáh kuwa haratlinti'i, inós an Yesu.»

Tlehhema'aá ya/Abuuse 20:24

Ala bar án kilooeene slafingw'eé' u gaárí xuaaká. Ala gár gídaabár koom a masók slafingw'eé' kudá' nee Aako un alhhe'eés, nee gadiyér'eé' tidá' naa ilaaóh dír Aako Yésú wa ale, ngiwa alhhe'ees. Nee gadiyeérí an alki/ituú Ya/abtór hho' daanduú gurtleemuú Mungú.

2 korinto 4:5

Asma atén ti kilootén alki/iitanaaká, ala a Kristo Yesu un alki/iitaán adór inós tar Aako, nee adór atén tar sagadiyuuserhúng as Yesu.

2 Timoteo 4:7

Slaqwarár hho' aga slaáqw, qwaatlo aga faák, nee haratlintaao aga xuúm.

Geehhoeemaá 11:7

Ala inooín lamabu'ungw'ín bar ngwa hhe'eesiyé', makiito'oodá' baraá bohóngw aa tsarere'eét daahh, iri sláqw nee inooín, nee inooín giri arbá/ giri tsú/.