Tlehhema'aá ya/Abuuse 13:20 - Biblía Axweesantá Hhohho' ar Mungú 2004

²⁰ «Aluudae giri har'ohuuseérí sláy ay qoomár aarusmo Samueli.

Ya/abtór hho' 1977

²⁰ “Aluudae har'ohuuse gari amor'ín i haniís ay qoomár aarusmo Samweli.

Tlehhema'aá ya/Abuuse 13:20 Iomraidhean Croise

2 SAMUELI 7:11

Iimír bál mukduú har'ohuuse nguwa tsawaár tawa daanduú muk'eé' oo Israeli, aníng kuúng u xuúm dír wakuserók sleémeeroe. Ar tí sleémeero ga baa/ a tí, AAKOÓ MUNGÚ kuúng un babay, aníng kuúng u dó' i tleéhh.

2 WAAWITÁ 23:22

Deelór adór tí ga aw kaa baloó tleehhiiká iimír har'ohuuser múk Israeliro, laqaá de'emaá waawituú Israeliro laqaá de'emaá waawituú Yudawo.

1 QOM'I 17:6

Qooma sleémeero niwa hi'iimiít nee múk Israeli, xáy, har'ohuuser'ín tidá' muk'eé' de'eem oo naa yaahaás i deéro niwa kah: Ahaá waáy, mis doó sahhtaárí tlehhká?›

Tlehhema'aá ya/Abuuse 3:24

Nee aaruuse sleémeero iimír aarusmo Samueli, nee kudá' sleémeero aluuwós nga hariye', inooín kángw qoomaarí nguna alki/iitiyé' sleeme.

HAR'OHUUSE 2:16

Aluuwo AAKOÓ MUNGÚ har'ohuuse gari ya/aáw as mukwí nguwa tu/ gawaá dabaá hoomaadá' gaa ar tleeri.

HAR'OHUUSE 3:10

Qeeruú AAKOÓ MUNGÚ Otnieli guri hatsiís, inós tari har'ohusmoó múk Israeli, iri slaqwarár áy. AAKOÓ MUNGÚ Kushan-rishataimu waawutmoó Mesapotamia guri gawaá dabaawós i qaás, inós Kushan-rishataimu guri baál.

RUTI 1:1

Aáng qoomár yaamaá Israeli kiwa geeraharahaár nee har'ohuuse, giyér ur ina tleér baraá yaamaá Israeliwo. Heeko wák oo baraá gixsár Betilehemu ar baraá yaamaá Yuda ina tláy iwa ala hotaá ay baraá yaamaá Moabu. Inós nee hareerós nee daaqaywós tsár tina koné'.

1 SAMUELI 12:11

AAKOÓ MUNGÚ Yeruba'ali, nee Baraka nee Yefta, nee Samueli gina ya/aáw, kuungá' nuri tu/iyé' baraá dabaá wakuuserhúng wa ale bihhe sleémeero, kuungá' tari hoté' ar amohhooa.

1 SAMUELI 3:20

Xoorór Israeli sleémeero, iimír yaamaá Danír wa tleemu ay Be'er-sheba, kari tsaáhh, adór heewí ta bay Samueli tar aarusmoó AAKOÓ MUNGÚ.