Tlehhema'aá ya/Abuuse 13:16 - Biblía Axweesantá Hhohho' ar Mungú 2004

¹⁶ Paulo iri sihhiít, giri kuútl ar dawa, iri oó', «Kuungá' múk Israeli, kuungaásingá' awa Munguú ilaiwawa/á', iia qaasaak.

Ya/abtór hho' 1977

¹⁶ Paulo iri sihhiít, giri kuútl ar dawa, iri oó', “Kuungá' múk Israeli, kuungaásingá' awa Mungú ilaiwawa/á', iia' qaasaak.

Tlehhema'aá ya/Abuuse 13:16 Iomraidhean Croise

1 WAAWITÁ 8:40

Kahhó' kuúng tu ilaiwawaa/ qoomaarí tawa baraakaá yaamu wa hooti, kuká' taa baabi'iirén i hanís.

WARA'AMI 135:20

Kuungá' múk doó Laáwi, AAKOÓ MUNGÚ diidi'iisaak, kuungaádá' AAKOÓ MUNGÚ ngu ilaiwawaa/á', AAKOÓ MUNGÚ na diidi'iisaak.

WARA'AMI 67:7

Mungú atén taa tsuúq, muu sleémeero baraá yaamuwo inós ngu ilaiwawa/i!

WARA'AMI 85:9

Ar ló', ba/amarós ka tseew dír mukdá' inós gu ilaiwawaá/, xirif i gawaá yaamuurén wa hooti.

Matayo 11:15

Heé iaá axamis gi koóm i axaasi.

Luka 1:22

Niwa ti'iít, naxés amor'ín i axweesani ngiwa aslayká, kari tsaáhh adór iigu'utu ngura sláy baraá Doó Munguhe. Iri amor'ín i dabár axweés, iri sangw axweesántí ki/iiká.

Luka 1:50

Nee gurtleemuuwós i kumaamiit umuúqo qarto dír kudá' inós ngu ilaiwawa/a'a.

Luka 23:40

Ala heedaáduú tsár nee inós taa alkikií' guri iigahhaát iri oó', «Kuúng tam Mungú u ilaiwawa/akáhe? Slám kuúnguú kilá' a baraá sakwasleemadár kilá' i dirí'.

Tlehhema'aá ya/Abuuse 10:2

Inós nee múk do'ose sleémeero ta Munguú ilaiwa/a/aat. Slám muu gun qaaqáy ilahhooár yaariire, nee Mungú gun firaarín daqisleém.

Tlehhema'aá ya/Abuuse 10:35

Umuúqo heewo oo Mungú gu ilaiwawaá/, nee tidá' ganaa' ar Mungú i slai ga tlehhiít, inós ku ya/án nee Mungú, tam oo xooro gaalá.

Tlehhema'aá ya/Abuuse 12:17

Giri kuútl ar daba' as iwa xasliitiya'. Adór Aako inós ngura baraá doó tseegamór wa duúx gari alki/iít. Iri oó', «Kaangwí amór Yakobo ti hardahase' nee hha'aá hatlá' sleeme.» Iri tláy amór hatlá'.

Tlehhema'aá ya/Abuuse 13:26

«Hhaee'eé', kuungaá xwaylár Abrahamu, nee kuungaásingaá Munguú ilaiwawa/á', Ya/abtoorír ba/ama kingina ya/aáw dír atén sleémeero.

Tlehhema'aá ya/Abuuse 13:46

Paulo nee Barnaba tari axweés ar pihh'uuma. Tari oó', «Axweesantá Mungú geeraawo gár kawa hariím a kan dirhúngí alki/iit. Ala bar kuungá' ana sié', nee slám bar aga aandé' adór slafíngw alhhe'eesay wásl kur sla'a'aaká, gimsé', atén aga warqawaán amór múk xoordaá hatlá'.

Tlehhema'aá ya/Abuuse 19:33

Muu bahh'alé iri káh heé tlaahhirí gaa qaas a Aleksanda, asma múk Yahudi Aleksanda guna huúw dír geeraá boo/aay, ala Aleksanda muu guri kuútl ar dawa as iwa xasliiti. Gari slaá' tiwa aleekal/an geeraá múk wa ale.

Tlehhema'aá ya/Abuuse 2:14

Petro iri sihhiít dinkwa nee ya/abuuseedá' mibaá nee wak, iri tseé' ar afór ur iri oó', «Kuungá' múk Yahudi, nee kuungaásingaá sleémeero baraaká' Yerusalemúr hootá', axweesanay'eé' kwí iiárií qaasaak. /Aymuuwí xuaak,

Tlehhema'aá ya/Abuuse 2:22

«Kuungá' múk Israeli, axweesanaywí iiárií qaasaak, Yesu, heé yaamaá Nasareti, Mungú nguna dirhúng i laqaqán ar loohír muruú xuawaslén, nee layu nee muruú waa/oo/amór koóm. Muruuwí Mungú guna tleéhh ar dákw Yesu tla/angwhúng wa ale, adoodá' kuungá' kar xua'.

Tlehhema'aá ya/Abuuse 21:40

Qoomár kuwa pa/aángwí haniís, Paulo iri sihhiít gawaá gaangeefír do', yaamuloouuseedá' gari kuútl ar dawa. Tawa xaslmiít, iri amor'íní axweés ar tsifrír Ebrania, giri báy,

Tlehhema'aá ya/Abuuse 22:22

Paulo kuna iiárií qaás ay dír /aymuuwí. Alaá /aymuuwí ooaro nguwa hhe'eés, muu iri tseeamín ar afór ló' wa ur, ta kaahi, «Heewí hingeesaak baraá yaamuwo! I harinká iwa hooti!»

Tlehhema'aá ya/Abuuse 3:12

Qoomár Petro adoorí ngiwa ár, mukdá' guri báy, «Aá múk Israeli, tlehhmuuwí mus waa/oo/amiindá'? Asma milá atén mista tawó ilaá i duxuundé', baré kwaáo' a atén heewí una hungu/uusaán ar /uureemoorén, laqaá ar hhooeemaarén.

Geehhoeemaá 2:11

«Heé iaá koóm, axweesantí ngi axaasi, tí Qeeru i kaahi dír múk kríshaanáy, «Heé arba/ati ga sláw, inós ku slahh'eesiiká nee gwa'araadár tsár.»

Geehhoeemaá 2:17

«Heé iaá koóm, axweesantí ngi axaasi, tí Qeeru i kaahi dír múk kríshaanáy, «Heedaádá' arba/ati ga sláw, aníng muruú /aymaadá' ta bay Maána kudá' taa luú/, u haniís. Nee tlaa/anoó /awaák nguri haniís. Gawaá tlaa/anoodae umuú /abén kwaa gooín, oo ta baloó tsaahhiiká nee hee, aqo har heedaádá' gu sláw.»

Geehhoeemaá 2:29

«Heé iaá koóm, axweesantí ngi axaasi, tí Qeeru i kaahi dír múk kríshaanáy.»

Geehhoeemaá 2:7

«Heé iaá koóm, axweesantí ngi axaasi, tí Qeeru i kaahi dír múk kríshaanáy, «Heedaádá' arba/ati ga sláw, aníng u ya/aám mamaá xa'anooduú slafiingw ngiwa /ayi, kudá' baraá asalmoó Mungú i dirií'.»