Tlehhema'aá ya/Abuuse 13:15 - Biblía Axweesantá Hhohho' ar Mungú 2004

¹⁵ Hara'ayár Mose nee gooír aaruuse soomaro kawa hhe'eés, geeraharuusér doó saaliingw hee guna amor'ín i ya/áp, tari oó', «Hháe, ya/abtór gurkwa/asár koom ar mukwí wa hariim bar koondá', ooare'.»

Ya/abtór hho' 1977

¹⁵ Hara'ayár Musa nee gooír aaruuse soomaro kawa hhe'eés, geeraharuusér doó saaliingw hee guna amor'ín i ya/áp, tari oó', “Hháe, ya/abtór gurkwa/asár koom ar mukwí wa hariim bar koondá', ooare'.”

Tlehhema'aá ya/Abuuse 13:15 Iomraidhean Croise

Marko 5:22

Heeko úr oo doó saaliingw guri didí áy. Umuuwós a Yairo. Inós Yesu nguwa ár, iri dír ya'aawósí tumbarara'aát,

Luka 16:16

«Hara'ayár Mose nee gooír aaruuse ina kumamít ay qoomár Yohánedá' Baatimaamiís niwa hardáh. Ala iimír qoomaadae Ya/abtór hho' ar waawuti'iimár Mungú kay alki/iít, nee muu tin kilooín dahamiis ar /uuru baraá waawuti'iimarihe.

Tlehhema'aá ya/Abuuse 1:16

«Hháe, Gooi gár kawa hariím aqo in bó/, tidá' Qeeruú hhoohhoó' oo Mungú aáng ira axweés ar afkú Daudi, daanduú Yudawo. Inós an kudá' múk Yésú oohár áw gwa geerahaar.

Tlehhema'aá ya/Abuuse 13:27

Asma múk Yerusalemu nee geeraharuuser'ín, inós kwaa tsaahhiiká adór tar Ba/amusmo. Kuri sakwasleemuút. Gawaá adoorihe axweesanaydá' aaruuse aa kát kuri boo/eés, kudá' ta soomaamuusi umuúqo deelór Sabaátoro.

Tlehhema'aá ya/Abuuse 15:21

Asma iimír aange hara'ayár Mose ka soomamuus baraá maraá saaliingo umuúqo deelór Sabaátoro, nee axweesanaywós kudá' ku alki/aa/iit umuúqo gixsaro.› »

Tlehhema'aá ya/Abuuse 15:7

Tari ló'wa kaa/uús. Aluuwo Petro iri sihhiít, iri oó', «Hhaee'eé', kuungá' a xuá' adór iimír aange Mungú aníng ira tsawaár tla/angwhúng wa ale as Ya/abtór hho' ngiwa alki/iit dír múk xoordaá hatlá', as inooín kawa haratlintii'i.

Tlehhema'aá ya/Abuuse 18:17

Múk Yahudi sleémeero Sostene kuri óh. Inós a heé úr oo doó saaliingw. Kuri muúx dír geeraá doó kwasleemár wa ale. Ala Galio adoodá' tam ngaa ga/ayi gaa gaárií xuiiká.

Tlehhema'aá ya/Abuuse 18:8

Krispo, heé úr oo doó saaliingw, Aako guri haratlintií' dinkwa nee múk do'ós sleémeero. Nee múk yaariír oo yaamaá Korinto axweesantá Paulo kawa iiárií qamín, tari haratlintií' kiri baatimiís.

Tlehhema'aá ya/Abuuse 2:29

«Hhaee'eé', án iiárií qaasaré', /ayma'aá niina ngi dirhúng i oó' ar pihh'uuma, kángw baabuúrén kudá' úr Daudi. Inós ina gwaá', kuri foól, nee /aantarós i diirír ayaarén i dirí' tam ay laarí.

Tlehhema'aá ya/Abuuse 2:37

/Aymi'iiká' kiwa axaamiís, muner'ín kari kwatiít ló'wa ale, Petro nee ya/abuusér hatlá' kay yaahamiís tari oó', «Hhaeerén atén adór ta laqaan?»

Tlehhema'aá ya/Abuuse 2:4

Sleémeero kiri hatsiís Qeeruú hhoohhoó' oo Munguhe. Tari axweés ar tsifrír dimbadimbé, adoodá' Qeeru ngira aleesleemuú i haniís ilawatsto.

Tlehhema'aá ya/Abuuse 20:2

Iri waaraáhh ar yaamuudá', nee umuúqo diiro eeharuuse gari alee/iís /uuru nguwa sleer baraá haratlintaaooro ar axweesanoó yaariír. Iri hardáh ay yaamaá Yunani.

Tlehhema'aá ya/Abuuse 22:1

«Hhaee'eé' nee baabi'iieene, án iiárií qaasaré', tiwa dír geeraahúng wa aleekal/aam.»

Tlehhema'aá ya/Abuuse 4:36

Nee Yosefu kudá' ya/abuuse aa beér Barnaba (gídaabárós a heé gurkwa/asa ga xuú'), inós a heé tlahhoó Laáwi, nee yaamaá i dahhi a yaamaá Kipro.

Tlehhema'aá ya/Abuuse 7:2

Stefano iri oó', «Hhaee'eé' nee baabi'iieé', iia qaasaak. Munguú xirfuú koóm tina geehhooeés dír baabuúrén Abrahamu, qoomár iwa baraá yaamaá Mesopotamiár i dirii'i, geeraá iwa loohiiká baraá yaamaá Harani.

Rumi 12:8

Nee heé aleesleemuú gurbu'uungw gu koóm, muu ngu gurbu'un. Heé muruuwós hanmiís, ngu hanmiisi ar muunuú /awaák. Heé múk hatlá' sageesihhimiít, muu ngu sagesihhimiiti ar ilakaaharu. Heé gurtleemuú koóm, muu ngu gurtlatlay ar qwala/.

1 Korinto 14:3

Ala heé aaririím, inós dír i axweesi a dír muu, muu guri kwa/amis baraá haratlintaaor'ine nee guri gurbu'ún nee guri gurkwa/amis.

2 korinto 3:14

Ala fuqurangw'ín ina gawdúy. Nee tam ay hamí fuqurangw'ín kwaa tuuntuúk ar warqamoodá', qoomár gooír alqadoodá' qaren bar ka soomuus, as gídaabárós makawa tsaáhh. Asma warqamoodá' dír kuwa hingeés a baraá Kristo kilós.

1 Tesalonike 2:3

Asma atén Ya/abtór hho' a alki/iitaanaaká as tawa dakuusaán, slám a alki/iitanaaká as inslawoó tlákw, laqaá as hee kuwa al/aymár wa sla'aan.

Ebrania 13:22

Hháe, án kuungá' nun harhheehhe'eemiís, kuungá' axweesantír gurbu'uungw na ilaoohaak ar inkihhimu. Asma barwaárí naa kuungá' i gooiím axweesanoó yaariír oo i koon i kaahh.