Tlehhema'aá ya/Abuuse 13:12 - Biblía Axweesantá Hhohho' ar Mungú 2004

¹² Ga/aawusmoodá' kangwdá' aa tleehharut nguwa ár, iri haratlintií'. Intsaahhatisár daanduú Aako gari sa waa/oo/amín.

Ya/abtór hho' 1977

¹² Ga/awusmoodá' kangwdá' aa tleehharut nguwa ár, iri haratlintií'. Intsaahhatisár daanduú Aako gari sa waa/oo/amín.

Tlehhema'aá ya/Abuuse 13:12 Iomraidhean Croise

Matayo 27:54

Geeraharusmooduú askaári nee mukdá' Yesu xuuma, kunseelidá' kawa axaás, nee muruudá' aa tleehharuuti, tari ló'wa da'ayuút, tari oó', «Ar ló', heewí a tsuwá Garmoó Mungú.»

Luka 4:22

Axweesantós giri qwal/ás, axweesantá gurtleemu tidá' aa afkósár axweés kari waa/oó/, tay káh, «Kwí a garmoó Yosefuwookáhe?»

Luka 7:16

Muu sleémeero iri da'ayuút, Mungú kuri xirfayeemiís ta kaahi, «Aarusmoó úr naa ayaarén wa ti'iít,» nee «Mungú naa mukós ba/amisár áy.»

Yohana 7:46

Askaáridá' iri ó', «Heé aa adór heedaádár axwees i kaahh tam looár wake.»

Tlehhema'aá ya/Abuuse 13:48

Qoomár múk xoordu adoorí ngiwa axaás, tari qwalaá/, axweesantá Aako kari xirfayeemiís. Múk yaariír iri haratlintií'. An kudá' sleémeero Mungú aa tsawaár ngiwa slafíngw alhhe'eesay wásl i haniisi.

Tlehhema'aá ya/Abuuse 13:49

Nee Ya/abtór Aako iri tsiyayaaxát baraá yaamuudá' sleémeerowo.

Tlehhema'aá ya/Abuuse 13:7

Heewí i dinkwa nee ga/aawusmooko ta bay Sergio Paulo. Ga/aawusmoowí a heé fuqurángw koóm. Ga/aawusmoowí Barnaba nee Saulo giri ateét amoorós i aleeró, Ya/abtór Mungú ngiwa axaasár wa slai.

Tlehhema'aá ya/Abuuse 13:8

Ala Elima, qwaslaarmoodá' (gídaabár umuuwós an qwaslaarmo), inós tina tlaampa'aamisiyé' nee inooín. Asma inós gár i slai a ga/aawusmoodá' masók haratlintaaoodá' gan máy.

Tlehhema'aá ya/Abuuse 15:35

Paulo nee Barnaba tari hoót Antiokiár wa ale. Ya/abtór hho' ar Aako kari intsaahhatimís nee kari alki/iít dinkwa nee múk hatlá' oo yaariír.

Tlehhema'aá ya/Abuuse 15:36

Deelór niina iwa waaráhh, Paulo iri oó' dír Barnaba, «Qwaláng, daxta a ki/aán amór gixsaduudá' sleémeero awa axweesantá Aako kawa alki/iitaán. Xáda xáy, hhaeedá' adór i dirii'iya' a adoomá.»

Tlehhema'aá ya/Abuuse 18:12

Ala qoomár Galio tawa ga/aawusmoó yaamaá Akaya, múk Yahudi sleémeero Paulo guri i haratláy ar muunuú wák, guri huúw ay geeraá doó kwasleema.

Tlehhema'aá ya/Abuuse 19:10

Tari kumiít ar adoorí ay kureeri tsár, tam múk Yahudi sleémeero nee oo Yunaniro kudá' Asiár i dirií', Ya/abtór Aako gari axaás.

Tlehhema'aá ya/Abuuse 19:20

Adoorí an adoodá' Ya/abtór Aako ira geerií kumít, nee iri baaliín ar /uuru.

Tlehhema'aá ya/Abuuse 19:38

Ala bar Demetrio nee mukwí nee inós algadiyuusá' gaa ka kón ar hee kuwa sakwasleemuuti, maraá kwasleema i dayá', nee mukdá' urén oo kwasleema i deer. Ti amorqá' wa sakwasleemuutiye'.

Tlehhema'aá ya/Abuuse 19:7

Mukdá' sleémeero a har afi mibaá nee tsár.

Tlehhema'aá ya/Abuuse 28:7

Didá' tseewe qamukaari i dayá' awa heé úr oo yaamuudá', umuuwós a Publio. Heewí tina dahi'ís ar mulqi'iima, har deelo tame atén tari dahaayeerós.

Tlehhema'aá ya/Abuuse 6:10

Ala kwa aleeslayká arba/ato as sagalooarí nee Qeeruuwí baraawós wa axweés.

Tlehhema'aá ya/Abuuse 8:25

Petro nee Yohane Ya/abtór Aako kawa hhe'eés lamabu'uungo nee alki/ituuwo, tari kií/ ay Yerusalemu. Loohiro Ya/abtór hho' kari alki/iít baraá gixsadaá ninakw awa yaariir baraá yaamaá Samariaro.