Tlehhema'aá ya/Abuuse 12:7 - Biblía Axweesantá Hhohho' ar Mungú 2004

⁷ Hamtidár kilá' malaykamoó Aako iri sihhiít bihhiiwós, do' iri gwa/aát, malaykamoodá' Petro guri tleés, guri báy, «Tlawáng ar gaanslaay.» Pínguudá' oo gawaá dabaawós iri paáhh.

Ya/abtór hho' 1977

⁷ Hamtidár kilá' malaykamoó Aako iri sihhiít bihhiiwós, do' iri gwa/aát, malaykamoodá' Petro guri tleés, guri báy, “Tlawáng ar gaanslaay.” Pínguudá' oo gawaá dabaawós iri paáhh.

Tlehhema'aá ya/Abuuse 12:7 Iomraidhean Croise

2 SAMUELI 22:29

AAKOÓ MUNGÚ, kuúng a tsaa'aste'eé', Munguúeé', kudá' giwtir'eé' ga hingemiís.

1 WAAWITÁ 19:5

Inós iri qaát dír gamuú xa'anoó retemu, gu'ute guri ót. Naxés malaykamoó AAKOÓ MUNGÚ guri kwatiít guri báy, «Tlawáng, qwaláng /ayiím.»

1 WAAWITÁ 19:7

Malaykamoó AAKOÓ MUNGÚ guri male tleés, guri báy, «Tlawáng, qwaláng /ayiím, asma aaiiká' ki male tleer diroge.»

WARA'AMI 107:14

Giri duúx baraá deewa'ameero nee baraá giwtiro, nee muqsladá' kira tsegiít gari giqáy.

WARA'AMI 116:16

AAKOÓ MUNGÚ, aníng a lawaalmoowók, án kuúng iga gwét baraá tseegmooro.

WARA'AMI 146:7

Mukdá' taa barqantuús guri sakwasleemár ganaá' i tleehh, kudá' qwariitá' giri muruú /aymár i haniis. Kudá' taa tsegiít AAKOÓ MUNGÚ gay gweer.

WARA'AMI 34:7

Malaykamoó AAKOÓ MUNGÚ mukdá' AAKOÓ MUNGÚ gu ilaiwawaá/, gun harweer ar slumtós as nguwa xun guri ba/amis.

WARA'AMI 68:6

Mungú kudá' dewawa'á' gin dír hotáy sláy, awa taa tsegiít gin gweer tawa iwiiwiti ar amohhooa. Ala awa naa dee/aanutiye' tan iwiwiit baraá yaamaá kaahaár wa ale.

ISAYA 37:30

«Hesekía, layár kuúng ta aan a tí, kurkí gár ta /aga' a kwaláydá' naa ti'iit baraá qaymór wá ale, kurko sleeme aqo adoorí. Kurku tame ta dahasiín nee ku fiiqít, sabiíbu ku dahasá' nee mamuuwós ki /agá'.

ISAYA 60:1

Tlawáng, gwa/aát, asma gwa/aateemaawók naa hardihiyé', nee xirfuú AAKOÓ MUNGÚ ugwa i gwa/aát.

YEREMIA 40:1

Axweesantá AAKOÓ MUNGÚ Yeremia gana axaás qoomár Nebusaradani geeraharuusmoó xuumuusér waawutmo, Yeremia nguwa ya/aamár i haniís iwa tlay baraá Ramaro. Geeraharusmoowí Yeremia guri ar tláy, qoomaarihe Yeremia dabaawós kaa tseék ar piíngu dinkwa nee múk hatlá' oo Yerusalemu sleémeero nee oo Yuda kudá' taa huúw baraá loohaay.

ESEKIELI 43:2

Ga/aawaak, xirfuú Munguú múk Israeli niri da/aáw wa hardáh, afoorós adór kududuhoó úr oo xuraaír ma'aá yaariir, yaamu niri gwa/aatiyé' xirfuuwose.

DANIELI 3:28

Nebukadnesa iri oó', «Munguú Shadraki nee Meshaki nee Abednego i xirfuuti, kudá' malaykamoowós ngwa ya/aaw as sagadiyuuseerós tidá' gwaa haratlinti' ngiwa ba/amisi. Hara'ayar'eé' tidár anuú waawutmo naa oó' ngiri tawo tleehhiyé' as haratlintaaor'ín, tari ya/án slaqooín kiwa slahh'eemisi ta mungú tawo nguwa sagadiyuusiia, ala aqo har Munguúín kilós.

DANIELI 6:22

Munguúeé' malaykamoowós nguna ya/aáw afér direeri gari tsegiít, inooín aníng adór iga /iisiyé' i káhh. Asma inós ga xuu' aníng ti dakuús wásl dirose, tam dír geeraawoge gár tlaakw aga tleehhiiká.»

MIKA 7:9

Aníng tlakweema ina tleéhh. Gawaá adoorihe buhhtaá AAKOÓ MUNGÚ in saqiqtliím ala alé ay dír i aleekalaa/i. Inós sakwasleemar'eé' gan tleehh aluuwo, as hariímar'eé' ngiwa slaw. Aníng i tsee/á i duux amór gwa/aateema, adór inós ira ba/amís ngay ár.

HABAKUKI 3:11

Tsee/amá nee slahhaangw niri sihhiitiyé' wa/aamer'ín tidá' i hootiya', qoomár qwiiraa/ór maheeriiwók ngiwa ariyé' iwa weelaahát, nee qoomár mitsaahhór lawaalarók ngiwa ariyé'.

HABAKUKI 3:4

Miira/oorós a adór gwa/aateemaá maankari. Tsángw asla i baraá dabaawós wa ti'imiit. Diirí an didá' aleesleemuwós kway luú/.

Matayo 2:13

alaá xu'utuuseedár tsatse/ iwa tleér, malaykamoó Aako iri hardáh dír Yosefu ar baraá tlata, iri oó', «Tláw na/aay nee aayooro ar guweek ay baraá yaamaá Misri, amoodá' wa hootaak ay dír án kuúng uy ateet. Asma Herode i na/oó leelehhiit as nguwa gaasi.»

Luka 2:9

Malaykamoó Aako giri gaanslár harati'iít, xirfuú Aako gay i gwa/aát bihhe sleémeero, tari ló'wa da'ayuut.

Luka 24:4

Tari amoqwaqwadín as tidá' taa ár. Naxés múk tsár aa dír bihhaaín i sihhiít oo tlabaá miirii/á' gaa tsiit.

Tlehhema'aá ya/Abuuse 10:30

Kornelio iri oó', «Laarí ar tsiyáhh qoomár looár gwaleél, aníng a saaliím baraá dooeé' wa aleeró. Heeko inqwar qwiirií/ nina geeraaeé' wa adaá ti'iít,

Tlehhema'aá ya/Abuuse 12:23

Hamtidár kilae malaykamoó Aako Herode guna slaáhh, asma Mungú gwa xirfuú i haniisiiká. Kuri /aáy nee naanaga, iri gwaá'.

Tlehhema'aá ya/Abuuse 12:6

Deeloodá' Herode nguwa duuxár wa slai, nee nguwa sihhitisi geeraá muu, xweeraawo Petro aa guú' tla/ángw askaarír tsár. Kwaa tsegiít ar pínguú tsár, nee xuumuuse i afkú doó tseegamór xuún.

Tlehhema'aá ya/Abuuse 12:8

Malaykamo iri oó', «Sihhiitáng, ya/ataawók dahaaseek.» Iri sihhiít, ya/ataawós giri dahaás, kuri báy, «Inqwaarirók tsiteek, aníng eeharáng.»

Tlehhema'aá ya/Abuuse 16:26

Hamtidár kilae kunseelír ur niri hardát, tam koo/ír do'duú tseegamo iri dingít. Nee afér do' iri adaá gweerít, nee qutúruudá' muu sleémeero kura tsegiít iri slakwekwe'eét.

Tlehhema'aá ya/Abuuse 2:24

Ala Mungú guri gweér baraá slahha'amaayér gwa'araaro, guri waasle/atís, asma gwa'ara ar /uuruuwose gwa aleesleeriiká ilaa/aro.

Tlehhema'aá ya/Abuuse 5:19

Ala malaykamoó Aako xweeraawo afér doó tseegamo gari gweér, giri tsee/ií duúx, giri báy,

Tlehhema'aá ya/Abuuse 9:3

Qoomár iwa aa'aá kay, iwa nakaá/ Damasko, naxes gwa/aateemaá gawaá dooraá dahhá' nguri adaá i gwa/aatiyé' bihhe sleémeerowo.

Efeso 5:14

Gaarí an gár tasa oó', «Tláw, kuúnguudá' guaiím, waasleé/ baraá múk aa qaátl wa ale, daqaní Kristo kuúng u i gwa/aat.»

Ebrania 1:14

Gawaá adoorihe malayke sleémeero a qeeru. Inooín kaa ya/aáw nee Mungú as mukdá' ba/ama ga sláw nguwa sagadiyuusiya'.

Geehhoeemaá 18:1

Alaá muruuwihe malaykamoó hatlá' nguri ár. Malaykamoowí i awdiit gawaá doorí wa ale. Inós aleesleemuú úr gu kón. Yaamu kiri gwa/atís xirfuuwose.