Tlehhema'aá ya/Abuuse 12:24 - Biblía Axweesantá Hhohho' ar Mungú 2004

²⁴ Ala axweesantá Ya/abtór Aako iri kumít nee iri tsiyayaaxát.

Ya/abtór hho' 1977

²⁴ Axweesantá Ya/abtór Aako iri kumít nee iri tsiyayaxát.

Tlehhema'aá ya/Abuuse 12:24 Iomraidhean Croise

AXWEESANOÓ SAGALOOA 28:28

Qoomár múk tlákw bira waawuti'ín muu in nahhamiit Ala múk tlákw bira faák múk hota ganaá' in tlaahh.

ISAYA 55:10

Asma adoodá' tluwaay nee tlaa/aá tluwaywo, ir gawaá doorí wa tluwiya' niri gáwtí ki/iaaká ala aqo yaamu gin naa/amiis, yaamu sla/a ngiri duuxiyá' iri urareér. Heé dahasiím dahaasiingw guri sláy nee muruú /aymaro.

DANIELI 2:24

Danieli iri daqáy dír Arioko, kudaádá' taa qaás nee waawutmo as múk sageeloén oo yaamaá Babuloni nguwa tsu/i, guri báy, «Múk sageeloén oo Babuloni mu tsu/aar, án dahaasáng ay amór waawutmo, daqaní aníng tlataá waawutmo i waagweér.»

DANIELI 2:44

De'emaá waawuti'iimasinge, Munguú doori waawuti'iima ga sihhtis ar ta hhitinká kureeriwo nee arta baloó baliiká nee múk hatlá', ala waawuti'iimarí waawuti'iimár hatlá' sleémeero gan parhhamís gari hhitiín, nee waawuti'iimarí in kumaamít ay alhhe'eesay wasle.

Matayo 16:18

Ala aníng kuúng u baw, kuúng a Petro, gidaabárós a tlaa/a. Gawaá tlaa/arihe aníng mukdá' iga haratlintii' u gawdeemiís. Tam gwa'ara sleeme muk'eé' kwí gu aleesleeraaká arba/ato.

Tlehhema'aá ya/Abuuse 11:21

/Uuruú Aako i gawaaín i dirii', nee múk yaariír Aako guna haratlintií' guri i warqáy.

Tlehhema'aá ya/Abuuse 19:20

Adoorí an adoodá' Ya/abtór Aako ira geerií kumít, nee iri baaliín ar /uuru.

Tlehhema'aá ya/Abuuse 5:39

Ala barnaxes amór i dahh a amór Mungú, hhitimaro a aleesleera'aaká. As adoorí kuungá' mutunduwa tsaáhh tawa adór múk nee Mungú slaqwá'.» Axweesanaywós kuri ya/án.

Tlehhema'aá ya/Abuuse 6:7

Axweesantá Mungú iri tsiyayaxát, nee faarór eeharuuse iri ló'wa doogigiín baraá Yerusalemuwo. Kaahamuusér Mungú ar yaariir iri haratlintí'.

Kolosai 1:6

Ya/abtoorí hho' in tsiyaayaaxát baraá yaamu sleémeerowo nee in tsuuqaá yaariír huwaahúp. Tam dirhunge sleeme a adoorí, iimír bál kángw tsuuqaá Mungú kuwa axasé', nee adór i dirii'iya' kiri tsaahha hhe'esé'.

2 Tesalonike 3:1

Alhhe'eesaywo, hháe, atén ti aleefiriiriinde'. Firiirimé' as axweesantá Aako iwa geerií hi'it ar gaanslaay, nee kawa ilaoohi ar ilaiwa/ame ar adoodá' kuungá' kara ilaoté'.