Tlehhema'aá ya/Abuuse 12:17 - Biblía Axweesantá Hhohho' ar Mungú 2004

¹⁷ Giri kuútl ar daba' as iwa xasliitiya'. Adór Aako inós ngura baraá doó tseegamór wa duúx gari alki/iít. Iri oó', «Kaangwí amór Yakobo ti hardahase' nee hha'aá hatlá' sleeme.» Iri tláy amór hatlá'.

Ya/abtór hho' 1977

¹⁷ Giri kuútl ar daba' as iwa xasliitiya'. Adór Aako inós ngura baraá doó tseegamór wa duúx gari alki/iít. Iri oó', “Iidíguuwí amór Yakobo ti hardahase' nee hha'aá hatlá' sleeme.” Iri tláy amór hatlá' i alé.

Tlehhema'aá ya/Abuuse 12:17 Iomraidhean Croise

WARA'AMI 146:7

Mukdá' taa barqantuús guri sakwasleemár ganaá' i tleehh, kudá' qwariitá' giri muruú /aymár i haniis. Kudá' taa tsegiít AAKOÓ MUNGÚ gay gweer.

WARA'AMI 66:16

Qwalaasé', axaasé', kuungaásingá' Munguú ilaiwawa/á', aníng ngi alki/iít tidá' naa aníng i tleéhh.

Matayo 10:23

Kuungá' bartunda guús baraá gixsarí wa ale, ta gobá' baraá gixsár hatlá'. Asma án a kah, Garmoó hee ni kii/ dír gixsadaá múk Israeli kira faki'iiká.

Marko 6:3

Kwí a kudá' peehhoó hhaslaslitakáhe? Aayoorós a Maria, hhaeewós a Yakobo nee Yose nee Yuda nee Simon. Hhaeewós awa dasu a kudá' ayaarén i diriiá'áke?» Kuri insareéhh.

Luka 1:22

Niwa ti'iít, naxés amor'ín i axweesani ngiwa aslayká, kari tsaáhh adór iigu'utu ngura sláy baraá Doó Munguhe. Iri amor'ín i dabár axweés, iri sangw axweesántí ki/iiká.

Yohana 10:40

Yesu iri malé tláy ay gayuú Yordani, ay didár aáng Yohane iwa geerií baatimiís, iri amoodá' i deél.

Yohana 11:54

Gawaá adoorihe Yesu aa hi'imiitiiká malé alé ar geehhoeema baraá tla/ángw múk Yahudiro. Iri quútl amoodae, iri tláy bihhaá xaanxaay, ay dír gixsarka ta bay Efraimu, iri amoodá' wa hoót nee eeharuuseerose.

Yohana 13:24

Simon Petro eeharusmoodá' guri kuútl ar dawa, iwa kaahi, «Yaahaaseek, heé i daanda kaahi a heemá?»

Yohana 7:1

Aluudaádae Yesu ina baraá yaamaá Galilayár wa hi'iimiít, asma gaa slaiiká iwa baraá yaamaá Yudeár wa hi'iimiiti, asma múk Yahudi i pa/ángw leelehhiit oo inós kur gaasi.

Yohana 8:59

Inooín tlaa/e kiri sleemiís as kuwa tlaquuti. Ala Yesu iri nahhaát, iri ti'iít baraá Doó Munguhe.

Tlehhema'aá ya/Abuuse 1:15

Looarka wake Petro iri sihhiít dír tla/ángw hhae. Faaror'ín a tsiiruú wák nee mibeeraá tsár. Iri oó',

Tlehhema'aá ya/Abuuse 12:16

Petro ina kumiít ateetiingo. Afkú do' nguwa gweeriyé', nguri ariyé', tari waa/oo/amín.

Tlehhema'aá ya/Abuuse 12:18

Qoomár iimi iwa /awakuúr askaári gurhaamír yaariir gari eér, ta kaahi, «Adór Petro aa /imiís laarí a adoomá?»

Tlehhema'aá ya/Abuuse 13:16

Paulo iri sihhiít, giri kuútl ar dawa, iri oó', «Kuungá' múk Israeli, kuungaásingá' awa Munguú ilaiwawa/á', iia qaasaak.

Tlehhema'aá ya/Abuuse 15:13

Barnaba nee Paulo tawa hhe'eés axweesanto. Yakobo iri iimu/ún iri oó', «Hhaee'eé', aníng iiárií qaasaré'.

Tlehhema'aá ya/Abuuse 16:40

Paulo nee Sila tindiwa ti'iít baraá doó tseegamooro, tari dáh baraá doó Lidia. Tiri doogiyé' nee hhae. Hhae kiri gurkwa/amís. Paulo nee Sila tari tláy.

Tlehhema'aá ya/Abuuse 19:33

Muu bahh'alé iri káh heé tlaahhirí gaa qaas a Aleksanda, asma múk Yahudi Aleksanda guna huúw dír geeraá boo/aay, ala Aleksanda muu guri kuútl ar dawa as iwa xasliiti. Gari slaá' tiwa aleekal/an geeraá múk wa ale.

Tlehhema'aá ya/Abuuse 21:18

Looaytleérós Paulo nee atene tari amór doó Yakobo kawaán, nee bariise sleémeero i didaádií dirí'.

Tlehhema'aá ya/Abuuse 21:40

Qoomár kuwa pa/aángwí haniís, Paulo iri sihhiít gawaá gaangeefír do', yaamuloouuseedá' gari kuútl ar dawa. Tawa xaslmiít, iri amor'íní axweés ar tsifrír Ebrania, giri báy,

Tlehhema'aá ya/Abuuse 28:15

Amoodae hhae kangwrén nguna axaasiyé', atén tiri al'ayé' dirka mura' kuwa weerimaamisi ar ta bay Apio, nee dirka ta bay «Maraá tám awa /ayma.» Paulo hhae ngiwa ár, Mungú guri sluufiís, iri gurkwaá/.

1 Korinto 15:7

Aluuwo Yakobo guri harati'iít, nee aluudae tay ya/abuuse sleémeero.

Galatia 1:19

Ala ya/abusmoó hatlá' naa ár i kaahh, aqo har Yakobo kilós, hhiyoó Aako.

Galatia 2:12

Inós nee múk xoordaá hatlá' tana al/ayín, mukko niri hardáh oo tinda ya/aáw nee Yakobo Yerusalemúr wa ale. Mukdá' niwa hardáh, Petro tiri paraátl dír mukduú xoordaá hatlae, dír /ayma gari geexáy, asma i múk Yahúdír da'ayumiit, kudá' káh, múk xoordaá hatlá' ku al/utlin.

Galatia 2:9

Yakobo nee Kefa nee Yohane inooín a uheemaá múk kríshaanáy. Inooín aleesleemuudá' taa aníng i haniís nee Mungú, kuri tsaáhh. Gawaá adoorihe aníng nee Barnaba tiri /uye leehhiyé', as tawa múk gadiyuús dinkwa nee inooín. Tari al'axweesaán aníng nee Barnaba tawa tlawaan amór múk xoordaá hatlá', nee inooín amór múk Yahudi.

Yakobo 1:1

Anuú Yakobo, lawaalmoó Mungú nee oo Aako Yesu Kristo barwaárí ngina gooiím amór tlahh'aá mibaá nee tsár awa naa diyaa/atiye' baraá yaamaá dimbadimbé. Laawayhúng.