Tlehhema'aá ya/Abuuse 12:12 - Biblía Axweesantá Hhohho' ar Mungú 2004

¹² Nee qoomaadá' kaangwí nguwa aldakuuti baraá muunaáwós i ale, iri hardáh dír doó Maria, aayór Yohane, kudá' umuuwós oo tsár ta bay Marko, nee múk yaariír ta baraá do'dií dirii' ta firiirín.

Ya/abtór hho' 1977

¹² Nee qoomaadá' kaangwí nguwa aldakuuti baraá muunuúwós i ale, iri hardáh dír doó Mariamu, aayór Yohana, kudá' umuuwós oo tsár ta babay Marko, nee múk yaariír ta baraá do'dí dirii' ta firiirín.

Tlehhema'aá ya/Abuuse 12:12 Iomraidhean Croise

ISAYA 65:24

Dír aníng ira firini'iiká in geerií mu/aywaáts, tam qoomár barta baraá axweesántií dirii' aníng in iiárií qaás.

Tlehhema'aá ya/Abuuse 12:25

Barnaba nee Saulo gadiyér'ín ngiwa hhe'eesiyé', niri Yerusalemúr wa ki/iyé', ti al koná' nee Yohanedá' ta bay Marko.

Tlehhema'aá ya/Abuuse 12:5

Petro kuna xún baraá doó tseegamór wa ale. Ala múk kríshaanáy Mungú guna firín ar ilakaaharu as inós.

Tlehhema'aá ya/Abuuse 13:13

Aluuwo Paulo nee mukós tari tsa/án gawaá miringamo, tari tláy Pafór wa ale, tari hardáh ay Perge baraá yaamaá Pamfilia. Yohane giri geexáy, iri kií/ ay Yerusalemu.

Tlehhema'aá ya/Abuuse 13:5

Qoomár tawa Salamír i dirii'i, Ya/abtór Mungú kari alki/iít baraá maraá saalíngw múk Yahudiro. Yohane a dinkwa nee inooín, as ngiwa alee/iimisi.

Tlehhema'aá ya/Abuuse 16:40

Paulo nee Sila tindiwa ti'iít baraá doó tseegamooro, tari dáh baraá doó Lidia. Tiri doogiyé' nee hhae. Hhae kiri gurkwa/amís. Paulo nee Sila tari tláy.

Tlehhema'aá ya/Abuuse 4:23

Qoomár Petro nee Yohane kiwa gweér, tari tláy amór muk'ín, kángw muruudá' sleémeero kaa báy nee kaahamuusér uren ar Mungú nee bariiseero, kuri alki/iít.

Kolosai 4:10

Aristarko, kudá' taa tseék dinkwa nee aníng, kuungá' nu intsihhiimiis, nee Marko sleeme, hhiyoó Barnaba. Kuungá' kángw Marko ugwa qaroó sleeré' gídaabá birna hardáh ku ilaotá'.

2 Timoteo 4:11

Luka kilós in diirí, an heé aa dir'eéní meet. Marko leelehhang, nee kuúng ni alhardatá', asma inós a alee/isusmoó hhoó' dir'eene.

Filemoni 1:24

Tam Marko nee Aristarko nee Dema nee Luka, kudá' nee aníng algadiyuusá', kuúng u intsihhiimisiyá' sleeme.

1 Petro 5:13

Múk kríshaanáy kudá' taa tsawaár adór kuungá' wa ale oo baraá yaamaá Babulonírí dirií' kuungá' nu intsahhiimiis. Nee garmaaeé', Marko, sleeme kuungá' nu intsihhiimiis.