Tlehhema'aá ya/Abuuse 12:1 - Biblía Axweesantá Hhohho' ar Mungú 2004

¹ Deeloodae waawutmo Herode múk kríshaanáy guna bahh ohín, guri slahh'eemiís.

Ya/abtór hho' 1977

¹ Deeloodae waawutmo Herode múk Kríshaanáy guna bahh ohín, guri slahhe'eemiís.

Tlehhema'aá ya/Abuuse 12:1 Iomraidhean Croise

WARA'AMI 125:3

Asma múk tlákw ku ya/anká iwa waawuti'in baraá yaamaá múk gan'amuú kooma, as múk gan'amuú koóm tlakweema mingiwa tleéhh.

Matayo 14:1

Qoomaadae waawutmo Herode kángw Yesu guri axaás,

Matayo 14:3

Asma aáng Herode Yohane guna óh guri tseék, guri dahaás baraá doó tseegamo as Herodia, harér Filipo hhiyoó Herode.

Matayo 14:6

Ala deeloodá' ur ar Herode kuwa laqwaál niwa xeér, baalaadae dasír Herodia ina dír geeraá múk wa nét, nee Herode guri qwal/atís.

Matayo 24:9

«Qoomaadae muu kuungá' nu sakii/ as slahh'amu kuwa sleera', nee tunduwa tsu/i. Kuungá' xoordu sleémeero nuri aahhiyá' as aníng.

Luka 22:53

Umuú daqto án nee kuungá' a dinkwa baraá Doó Munguhe, ala ooharo iga iiadi'iiká. Ala siiwarí a toohúng, siiwarí a siiwár /uuruú giwti.»

Yohana 15:20

/Aymuudá' naa kuungá' báw inslawaak, kudá' nuwa báw, ‹Lawaalmo ku ureeká ta aakoowose.› Bar án tina slahh'eemiís, kuungá' sleeme tundu slahh'eemiis. Bar axweesante'eé' kana óh, toohúng sleeme ka oh.

Yohana 16:2

Kuungá' tundu baynitis dír maraá saalingo. Slám qooma i hardát ar umuúqo heewo oo kuungá' nu tsuú/, ngiwa xui i Munguú sagadiyuus.

Tlehhema'aá ya/Abuuse 11:30

Adoodá' taa al'axweés, kari tleéhh. Barnaba nee Saulo kiri ya/aáw, as alee/isaydá' kuwa huwi amór bariiseedár baraá yaamaá Yudéár i dirii'.

Tlehhema'aá ya/Abuuse 12:2

Yakobo hhiyoó Yohane guri gaás ar paánga.

Tlehhema'aá ya/Abuuse 4:30

Dakók tleeseek iwa hungu/umiisi, nee layu nee muruú xuawaslén nguwa tlehhiiti ar umuú sagadiyusmoowók Kudá' hhoohhoó', Yesu.»

Tlehhema'aá ya/Abuuse 9:31

Múk kríshaanáy amohhooa gari sláy baraá yaamaá Yudeawo nee Galilayaro, nee yaamaá Samaria. Tari gawdúy gawaá loohír Aakoowo, Aako kuri ilaiwawaá/, Qeeruú hhoohhoó' oo Mungú gina gurkwa/amís, nee faaror'ín iri doogigiín.