Tlehhema'aá ya/Abuuse 11:29 - Biblía Axweesantá Hhohho' ar Mungú 2004

²⁹ Eeharuuse iri al'axwés iri ó', «Umuúqo heewo alee/isoó i aleeslay ngu haniisi, as kuwa huwi amór hhaeerén kudá' yaamaá Yudeár i diriiá'.»

Ya/abtór hho' 1977

²⁹ Eeharuuse iri al'axwés iri ó', “Umuúqo heewo alee/isoó i aleeslay ngu haniisi, as kuwa huwi amór hhaeerén kudá' yaamaá Yudeár i diriiá'.”

Tlehhema'aá ya/Abuuse 11:29 Iomraidhean Croise

ESRA 2:69

Ar adór aleesleemuín i dirii'i muruuín nguna hanisiyé', kuri qaás baraá tlakoó peésa kudá' tar gadiyuusi. Gár taa haniís dinkwaaro a kílo tsiire kooán ar sahaábu, nee kílo kume tsár tsiire tsiyáhh ar peésa, nee tlabaá tsiiruú wák awa kaahamuuse.

NEHEMIA 5:8

Ngiri báw, «Ar aleesleemuú ta koomana hhaeerén awa Yahudi in tlaxumaán kudá' taa weerimiís dír múk xoordaá hatlá'. Ala mis sla'á' kiwa malé weeramisa', bar atén in tlaxumaán?» Ala inooín tari qartlamiít, tam /aymuú taa oó' i kaahh.

Matayo 25:17

Tam kudaáduú talaántár tsár gaa slay, inós sleeme gari ar halaanuús, talaántár hatlá' tsár gari sláy.

Yohana 2:2

Yesu dinkwa nee eeharuuseerós sleeme kina dahi'is baraá duuxoodá'.

Tlehhema'aá ya/Abuuse 1:15

Looarka wake Petro iri sihhiít dír tla/ángw hhae. Faaror'ín a tsiiruú wák nee mibeeraá tsár. Iri oó',

Tlehhema'aá ya/Abuuse 11:1

Ya/abuuse nee hhae awa baraá yaamaá Yudea kaangwí nguna slayé', adór múk xoordaá hatlá' sleeme axweesantá Mungú kara ilaaóh.

Tlehhema'aá ya/Abuuse 11:26

Qoomár nguwa sláy nguri huúw ay Antiokia. Inooín kurkú wák kuri al faák nee eeharuuse, tidá' baraá Antiokiár i dirii', múk yaariír kuri intsaahhatimís. Yaamaá Antiokia an dír geera ar haratlintaauuse kawa báy kríshaanáy.

Tlehhema'aá ya/Abuuse 13:52

Nee eeharuuseedár baraá Antiokia iri háts qwal/uwo nee Qeeruú hhoohhoó' oo Munguhe.

Tlehhema'aá ya/Abuuse 14:20

Ala eeharuuse Paulo nguwa harwét bihhe sleémeero, iri sihhiít, iri dáh baraá gixsa. Nee bál tsár iri tláy baraadá' wa ale dinkwa nee Barnaba ay Derbe.

Tlehhema'aá ya/Abuuse 14:22

Inooín eeharuuse kari gurkwa/amís nee /uuru nguwa sleer baraá haratlintaaooro. Nee tari oó', «Atén gár tiwa hariím an dahaán baraá waawuti'iimár Mungú ar slahha'amaayér yaariir.»

Tlehhema'aá ya/Abuuse 24:17

«Aníng kureeraá yaariire a kaáhh Yerusalemuwo, aluuwo niri kií/, as xooror'eé' ngiwa alee/iisáy i huuw, nee as ilahhooar'eé' ngiwa haniisár aw.

Tlehhema'aá ya/Abuuse 4:34

Ala mukdá' aa haratlintii'i, heé aa gaa slaa' i kaahh. Asma mukdá' sleémeero oo yaamaá koóm, laqaá maraay, muruuín kudá' kuna weerimiís, hariímaadá' tinda sláy baraá weerimisuwo kingiri huúw,

Tlehhema'aá ya/Abuuse 6:1

Deeloodae faarór eeharuuse iri doogigiín. Múk Yahudi oo tsifrír Yunanír axweés, iri qununuú/ daanduú múk Ebraniaro, asma kwaeelii'ín kaa gunqaareés muruú /aymaadá' umuú baalaaro ta qasmiisi.

Tlehhema'aá ya/Abuuse 9:19

Alaá iwa /ayín, /uuru guri sláy. Saulo iri Damaskór wa hoót deelór hhaawaakahe dinkwa nee eeharuuseedár amoodá'.

Tlehhema'aá ya/Abuuse 9:25

Ala eeharuuseerós xweeraawo guri dúx guri qás baraá lakwaanti, guri aweerís ar pa/ángw gawaá koo/ír taa harweér ar gixsa.

1 Korinto 13:5

Sla'aari i ilaiwa/amér koón, i qahángw koondaaká, i buhhabuhhká, i tlakweemaá faditká.

Galatia 2:10

Ala gár wák kilós ngina ooiyé', iwa kaahiya', «Múk narkuute alee/iimisaak.» Nee gaarí a gár án ni tlehhaahhiit ló'wa ale.