Tlehhema'aá ya/Abuuse 11:24 - Biblía Axweesantá Hhohho' ar Mungú 2004

²⁴ Asma Barnaba a heé hhoó', nee i haats Qeeruú hhoohhoó' oo Munguhe nee haratlintaaooro. Múk yaariír Aako guri haratlintií'.

Ya/abtór hho' 1977

²⁴ Asma Barnaba a heé hhoó', nee i haats Qeeruú hhoohhooe nee haratlintaaooro. Múk yaariír Aako guri haratlintií'.

Tlehhema'aá ya/Abuuse 11:24 Iomraidhean Croise

2 SAMUELI 18:27

Xuumusmoodá' iri oó', «Aníng ngi ga/aw, heé adooqár ti'ii'ím a Ahima'asi, garmoó Sadoki.» Waawutmo iri oó', «Heesíng a heé hhoó', kángw hhó' ngun kón.»

WARA'AMI 112:5

Heé hhoó' a kudá' múk dahi'iimiís, nee muu i kirkiti, kudá' muruuwós gu qoomeemeés ar adór ganaa'.

WARA'AMI 37:23

AAKOÓ MUNGÚ an kudá' digirwakeetíngw hee gu geeraharahaár, kudá' inós gu qwal/atimiís, gu de'én.

AXWEESANOÓ SAGALOOA 12:2

Heé hhoó' hhooeema gi sláy dír AAKOO MUNGUHE. Ala heé inslaway tlákw ku sakwasleemuut nee Mungú.

AXWEESANOÓ SAGALOOA 13:22

Heé hhoó' aali gan haniis dír nángw naangós, Ala daqaari'iimár heé tlaákw kaa amohhe'eés as múk hota ganaá'.

AXWEESANOÓ SAGALOOA 14:14

Heé sagagawít bu'utuuwós gu sláy, tam heé hhoó' sleeme mamaá hhooarós gi /aay.

Matayo 12:35

Heé hhoó' gár i hanmiisi a muruú hhó' baraá daqaari'iimarós tidá' hhooe. Heé tlaákw gár i hanmiisi, a muruú tlákw baraá daqaari'iimarós tidá' tlakwe.

Matayo 19:17

Yesu iri oó', «Asma milá mas hhooeemaá yaahamís dir'eé'. Oo hhoó' a wak. Kuúng bar dahmaá slá' baraá slafiingw, hara'aya na ooheek.»

Luka 23:50

Nee heeko wák i deer, umuuwós a Yosefu. Inós a heé hota ganaá'. Inós a heé wák oo doó kwasleema,

Yohana 7:12

Múk yaariír iri qununuú/ baraá boo/aydae daanduú Yesuwo. Bahh'alé tari oó', «A heé hhoó'.» Bahh'alé ta kaahi, «Aasla'áy, in múk al/agín.»

Tlehhema'aá ya/Abuuse 11:21

/Uuruú Aako i gawaaín i dirii', nee múk yaariír Aako guna haratlintií' guri i warqáy.

Tlehhema'aá ya/Abuuse 2:4

Sleémeero kiri hatsiís Qeeruú hhoohhoó' oo Munguhe. Tari axweés ar tsifrír dimbadimbé, adoodá' Qeeru ngira aleesleemuú i haniís ilawatsto.

Tlehhema'aá ya/Abuuse 2:47

Mungú kuri sluufmiís, nee muu sleémeero kuri sla'atimís, Nee umuúqo baalaaro Aako faarór mukós kudá' ba/aa/ám gana dogiít.

Tlehhema'aá ya/Abuuse 24:16

Gawaá adoorihe muunaáeé' un harmagagaáhh daqisleém, as kahhó' ku hhoohhoó' geeraá Munguhe nee geeraá muko.

Tlehhema'aá ya/Abuuse 5:14

Múk Aako gwa haratlintii' iri ló'wa tlaáhh, hhawaate nee /ameenaaro.

Tlehhema'aá ya/Abuuse 6:3

Hhaeerén gimsé', múk faanqw tsawaaraak tla/angwhunge, oo ta hhooár i xua', nee oo taa hatsiís Qeeruú hhoohhoó' oo Munguhe nee sagalooa, as kiwa qaasaan baraá gadiyeérí.

Tlehhema'aá ya/Abuuse 6:5

Boo/aydá' sleémeero /aymuuwí kuri ya/án. Stefano kuri tsawaár, heé haratlintaaór wa haáts nee Qeeruú hhoohhoó' oo Munguhe, nee Filipo, nee Prokoro, nee Nikanori, nee Timoni, nee Parmena, nee Nikolao, kudá' aa ba/an oo yaamaá Antiokia.

Tlehhema'aá ya/Abuuse 6:8

Stefano i haats /uuruú Munguhe nee aleesleemuuwo, muruú waa/oo/amo guna tlehhiít, nee laydaá uren baraá tla/ángw muko.

Tlehhema'aá ya/Abuuse 9:31

Múk kríshaanáy amohhooa gari sláy baraá yaamaá Yudeawo nee Galilayaro, nee yaamaá Samaria. Tari gawdúy gawaá loohír Aakoowo, Aako kuri ilaiwawaá/, Qeeruú hhoohhoó' oo Mungú gina gurkwa/amís, nee faaror'ín iri doogigiín.

Rumi 15:15

Ala baraá barwaárí naa kuungá' i gooini bartakaaro aníng kuungá' nuna i xaraásl, as nuwa inslawtis daanduú kangwdá' taa qaroó axasi'i. Adoorí aníng ana tleéhh as aleesleemuudá' án naa sláw dír Mungú wa ale.

Rumi 5:7

Asma a gár gawit ló'wa ale hee iwa gwaai as daanduú heé gan'amuú koóm. Ala dooqa hee ga aleesláy iwa qiitli gwa'araaro as heé hhoó'.