Tlehhema'aá ya/Abuuse 11:19 - Biblía Axweesantá Hhohho' ar Mungú 2004

¹⁹ Mukdá' aa diyaa/aat asma slahha'amaayér ur ar naa slayé', qoomár Stefano kuwa gaás, tana tláy ay Foinike nee Kipro nee Antiokia. Heé axweesantá Mungú gaa alki/iit i kaahh dír múk hatlae, aqo har dír múk Yahudi kilós.

Ya/abtór hho' 1977

¹⁹ Mukdá' aa diyayaa/aat asma slahha'amaayér ur ar naa slayé', qoomár Stefano kuwa gaás, tana tláy ay Foinike nee Kipro nee Antiokia. Heé axweesantá Mungú gaa alki/iit i kaahh dír múk hatlae, aqo har dír múk Yahudi kilós.

Tlehhema'aá ya/Abuuse 11:19 Iomraidhean Croise

Matayo 10:6

Ala tlawsé' amór múk Israeli, kudá' aa adór bee/ángw wa qwaar.

Yohana 7:35

Múk Yahudi tiri kilooín yaahamiís, «Heewí amór i kay a amá, diirí atén kuwa araanaaká a diimá? Amór i kay a amór múk Yahudi kudá' aa diyaa/áti amór xoordaá hatlá', nee giri intsaahhatimísi?

Tlehhema'aá ya/Abuuse 11:20

Ala baraaine bahh'alé a múk Kipro nee Kirene. Mukwí iwa hardáh Antiokia, kángw hhó' oo oo Aako Yesu kuri alki/iít dír múk Yunani sleeme.

Tlehhema'aá ya/Abuuse 11:22

Kángw mukwí kuna axaás nee múk kríshaanáy oo baraá Yerusalemúr i dirií'. Barnaba kuri ya/aáw ay Antiokia.

Tlehhema'aá ya/Abuuse 13:1

Baraá múk kríshaanáy kudá' baraá Antiokiár i diriia aaruuse i deer nee intsaahhatuuse. Inooín a Barnaba nee Simon kudá' ta bay Nigeri, nee Lukio, heé yaamaá Kirene, nee Manaeni, heé aa uray dír doó baabuú waawutmo Heróde wa ale, nee Saulo.

Tlehhema'aá ya/Abuuse 13:4

Barnaba nee Saulo kiri ya/aáw nee Qeeruú hhoohhoó' oo Mungú, tari /eét ay Seleukia. Nee tari didá' wa tláy baraá tláwtár alé ay Kipro.

Tlehhema'aá ya/Abuuse 13:46

Paulo nee Barnaba tari axweés ar pihh'uuma. Tari oó', «Axweesantá Mungú geeraawo gár kawa hariím a kan dirhúngí alki/iit. Ala bar kuungá' ana sié', nee slám bar aga aandé' adór slafíngw alhhe'eesay wásl kur sla'a'aaká, gimsé', atén aga warqawaán amór múk xoordaá hatlá'.

Tlehhema'aá ya/Abuuse 14:26

Tawa didá' wa tláy tari waaraáhh baraá tláwtár alé ay Antiokia. Diirí an didár múk kríshaanáy inooín ngiwa aleefirín /uuruú Mungú ku slay as gadiyeérí kawa tleehhi, tí hám taa hhe'eés.

Tlehhema'aá ya/Abuuse 15:22

Aluuwo ya/abuuse nee bariise nee kríshaanáy sleémeero oo didií dirií', axweesani kari tsaát tawa kaahi, «Muu un tsawaaraán baraá tla/angwrén wa ale, kuri ya/aawaán nee Paulo nee Barnaba ay Antiokia.» Nee múk taa tsawaár a kwí: Yuda, kudá' ta bay Barsaba, nee Sila. Mukwí an geeraharuuse baraá hhaeewo.

Tlehhema'aá ya/Abuuse 15:3

Mukwí kuri haydohiís nee múk kríshaanáy. Tari waaraáhh ar tla/ángw yaamaá Foinike nee Samaria, kángw múk xoordaá hatlá' adór ira hhu'u'ún kuri alki/iít, hhae sleémeero niri ló'wa qwalaa/iyé'.

Tlehhema'aá ya/Abuuse 15:30

Mukwí kuri ya/aáw, tari aweér ay Antiokia. Tawa hardáh, múk alqaati sleémeero kuri burumbuúr, barwaádá' kari haniís.

Tlehhema'aá ya/Abuuse 15:35

Paulo nee Barnaba tari hoót Antiokiár wa ale. Ya/abtór hho' ar Aako kari intsaahhatimís nee kari alki/iít dinkwa nee múk hatlá' oo yaariír.

Tlehhema'aá ya/Abuuse 15:39

Gawaá adoorihe Paulo nee Barnaba tari ló'wa kaa/uús, tam tiri paraatliyé'. Barnaba Marko gurir tláy, tari waaraáhh ar baraá tlawi ay Kipro.

Tlehhema'aá ya/Abuuse 18:22

Iri hardáh ay Kaisarea, iri tsa/án, múk kríshaanáy guri laaw'eesár áy. Aluuwo iri aweér ay Antiokia.

Tlehhema'aá ya/Abuuse 21:16

Eeharuusér baraá Kaisarea bahh'alé tari alkoomaán nee atén, tiri hardahás ay doó Mnasoni, heé yaamaá Kipro. Inós a eeharusmo iimír aange. Asma atén dír ti hotaá awaan an dír do'ós.

Tlehhema'aá ya/Abuuse 21:2

Miringamoó waaraáhh ay Foinike kuri araán, tay tsa/amán gawaadá', tay tlawaán.

Tlehhema'aá ya/Abuuse 3:26

Qoomár Mungú sagadiyusmoowós kwí nguwa hhe'eés waasle/atisaro, nguri amorhúngí geerií ya/aáw, as umuúqo heewo tlakweema ngiwa may as tsuuqaawós.»

Tlehhema'aá ya/Abuuse 4:36

Nee Yosefu kudá' ya/abuuse aa beér Barnaba (gídaabárós a heé gurkwa/asa ga xuú'), inós a heé tlahhoó Laáwi, nee yaamaá i dahhi a yaamaá Kipro.

Tlehhema'aá ya/Abuuse 6:5

Boo/aydá' sleémeero /aymuuwí kuri ya/án. Stefano kuri tsawaár, heé haratlintaaór wa haáts nee Qeeruú hhoohhoó' oo Munguhe, nee Filipo, nee Prokoro, nee Nikanori, nee Timoni, nee Parmena, nee Nikolao, kudá' aa ba/an oo yaamaá Antiokia.

Galatia 2:11

Kefa niwa hardáh Antiokiár i alé, aníng nguri iigahhamiít dír geeraá múk wa ale, asma tlehhimi'iiwós nguwa sakwasleemuutiyé'.