Tlehhema'aá ya/Abuuse 10:41 - Biblía Axweesantá Hhohho' ar Mungú 2004

⁴¹ Ala a dír muu sleémeerowooká, a dír ateédá' Mungú aa qaroó tsawaár lamabu'uusér wa ale. Atén ana /ayiimaán nee ana wahaamaán nee inós, alaá inós niwa waasleé/ baraá múk aa qaátl wa ale.

Ya/abtór hho' 1977

⁴¹ Ala a dír muu sleémeerowooká, a dír ateédá' Mungú aa qaroó tsawaár lamabu'uusér wa ale. Atén ana /ayiimaán nee ana wahaamaán nee inós, alaá inós niwa waasleé/ baraá múk aa qaátl wa ale.

Tlehhema'aá ya/Abuuse 10:41 Iomraidhean Croise

Luka 24:30

Qoomár tawa dinkwár i iwiít dír muruú /ayma, mukatmo guri óh, iri sluufiís, guri parhhamiís, guri hanmiís dir'ín.

Luka 24:48

Kuungá' kilá' kaangwí u lamabu'uundá'.

Yohana 14:17

Inós a Qeeruú looeema. Múk aa haratlintii'iiká Qeeruuwí gu ara'ariiká, slám gu tsatsahhanká. Gawaá adoorihe ilaooharo ku aleeslayká. Ala kuungá' u xuá', asma i dirhúngií dirii', nee iri baraahúng wá hoot.

Yohana 14:19

Deelór aa met ka ureeká, aníng múk aa haratlintii'iiká i malé ariiká, ala án kuungá' i aandá', asma án a slaáf, nee kuungá' a slafá'.

Yohana 14:22

Yudaduú Iskariotiwooká iri oó', «Aáko, ahaá adór kuúng tir diréní geehhoatis a adoomá, ala misti geehhoatiská dír múk aa haratlintii'iiká?»

Yohana 15:16

Aníng kuungá' iga tsawdi'iiká, ala a án kuungá' nuna tsawaár, nuri qaás as mamu kiwa laqwaalár eera', nee mamuuhúng iwa hootiya', as tidá' sleémeero ta firiinda' ar umuueé', Baabá ngiwa haniisi.

Yohana 15:27

Kuungá' sleeme aníng i lamabu'uundá', asma iimír iimu/uungo kuungá' a dinkwa nee aníng.

Yohana 21:13

Yesu mukatmo guri taataáhh, guri haniís, nee siyoódá' sleeme.

Tlehhema'aá ya/Abuuse 1:22

iimír qoomaadár baatimisuú Yohane, ay bál Yesu kuwa dirén wa ar tláy, kuwa tsa/aás gawaá doori. I hariín heé wák iwa lamabu'usmoó waasle/uuwós tleehhiiti dinkwa nee atén.»

Tlehhema'aá ya/Abuuse 1:4

Tam qoomár inós nee ya/abuuse tiwa doogiyé', giri hara'ayín, iri oó', «Ma ti'iitara' baraá Yerusalemuwo, ala al'axweesantá Baabá na daamaak, tidá' taa dir'eé' wa axasé'.

Tlehhema'aá ya/Abuuse 10:39

Nee atén a lamabu'uusér muruudá' sleémeero aa tleéhh baraá yaamaá Yudea nee baraá Yerusalemuro. Inooín inós kuna kikií' gawaá msalaába, kuri gaás.

Tlehhema'aá ya/Abuuse 13:31

Alaá deelór hhaawaakahe tina geehhoatimís dír kudá' nee inós naa Galiláyár wa al tsa/ané' ay Yerusalemu. Nee inooínaká' hamí an lamabu'uuseerós dír geeraá muko.