Tlehhema'aá ya/Abuuse 10:4 - Biblía Axweesantá Hhohho' ar Mungú 2004

⁴ Kornelio malaykamoodá' guri i qaytsita hhe'eés, iri da'ayuút, iri oó', «Gaa a milá, aáko?» Malaykamo iri oó', «Firoorók nee ilahhooaro Mungú gaa ilaaóh, nee Mungú ga gunqareesiiká.

Ya/abtór hho' 1977

⁴ Kornelio malaykamoodá' guri i qaytsita hhe'eés, iri da'ayuút, iri oó', “Gaa a milá, Aáko?” Malaykamo iri oó', “Firoorók nee ilahhooaro naa hardihiyé' gawaá doori dír geerá Mungí alé, nee Mungú gaa tsaáhh.

Tlehhema'aá ya/Abuuse 10:4 Iomraidhean Croise

2 QOM'I 32:24

Qoomaarihe Hesekia tiqti guri ót tsaxwaá iwa lak gwaai. AAKOÓ MUNGÚ guri firín, Mungú firoorós gay mu/aywaáts ar laya.

2 QOM'I 6:33

na'amaamís, firor'ín iiárií qaaseek iimír gawaá doorí wa ale didár hotaawók, nee umuúqo gár xoordaá hatlá' naa firiné' tleehheek, as kahhó' xoordu sleémeero awa daanduú yaamu umuuwók nguwa tsaahhiya' nee nguwa ilaiwawa/iya' adór mukók oo Israeli. As kahhó' ngiwa tsahhiya' adór do'owí aníng naa tleéhh tar dír kuúng tuwa firiirin.

WARA'AMI 141:2

Firor'eé' ilaooheek adór mooyángw tsuú'. Dabaaeé' ngi amoorógií tleés adór ilahhooár muruú ta tsu/i ar tsiindo.

WARA'AMI 20:3

Ilahhooár ganaa' ar muruú ta tsu/i hanmisaak, nee ilahhooarók ar muruú ta tsu/i kari daa/ ngi saqwalaa/i.

ISAYA 43:26

Aníng inslawtisaré', qwalaasé' a dinkwár wa axweesaán, sakwasleemarhúng kaahare', as kahhó' tunduwa tsaahhi adór múk ganaá'.

ISAYA 45:19

Aga axweesiiká ar naaqo baraá yaamaá giwtír wa ale. Aníng xwaylár Yakobo aga bawiiká, ‹Aníng leelehharé' tawo ale.› Aníng a AAKOÓ MUNGÚ kudá' looeemaá káh aníng muruú ganaá' un oiím.»

DANIELI 10:11

«Irí báy, ‹Daniéli, kuúngudá' ta sla'aa'an nee Mungú, sihhtanoro galala'aát axweesantí ni kah, iiárií qaaseek ló'wa alé, asma aníng taa amoorók i ya/aáw.› Qoomár iwa axweesantí babay aníng ana sihhiít a hara kitlkiítl.

TLAHHOÓ LAÁWI 2:2

Naagáy kay huuw dír daaqoó Aroni kudaá kaahamuuse. Tsa/oó wák oo puuruúdá' natsatsaá' taa dí/tí qaás, nee mooyángw tsuua kari huuw amór kaahamusmo, inós gari daa/ gawaá kitángw ilahhooa, tawa ilahhooár inslaslaangw. Ilahhooarí ta da/aa/an slaahhareeriiwós AAKOÓ MUNGÚ nguri sla'atisiyá'.

MALAKI 3:16

Naxés kudá' AAKOÓ MUNGÚ ngu ilaiwawa/á', nina kilooín axweesiyé'. AAKOÓ MUNGÚ iia gana qaás, iri axaás, kitaábuú inslaslaangw kway gooín dír geeraawós wa alé, as daanduú kudá' AAKOÓ MUNGÚ ngu ilaiwawa/á' nee umuuwós ngu aldakuutá'.

Matayo 26:13

Án a kah, umuúqo diiro ar Ya/abtór hho' kawa alki/iiti baraá yaamu sleémeero, tí /ameenirí aa tléhh sleeme ka alki/iit as inslaslaangós.»

Luka 1:29

Inós iri ló'wa amooqwát asma /aymi'iidá', iri baraá muunaáwós i ó', «Laawaaywí a laawoó adoomá?»

Luka 24:5

/Ameenadaádá' iri ló'wa da'ayút, sager'ín kari xupu'uús yaamií alé. Mukdaádá' gari báy, «Heé slaáf gár kus leelehhita' didár múk aa qaátl wa ale.

Tlehhema'aá ya/Abuuse 10:31

iri báy, ‹Kornelío, firoorók kaa axaás nee ilahhooarók Mungú ga gunqareesiiká.

Tlehhema'aá ya/Abuuse 14:9

Heewí Paulo guna iiárií qamín qoomár iwa axweesi. Paulo heedaádá' guri ilií duxún, guri tsaáhh adór haratlintaaór gu hungu/uus ngir kón.

Tlehhema'aá ya/Abuuse 22:10

Niri oó', ‹Adór ni laaq, Aáko?› Aako iri báy, ‹Tláw, sihhiít, dáh baraá gixsár Damasko. Nee baraadae kaangw sleémeero oo kuúng wa hariím kungu oo'.›

Tlehhema'aá ya/Abuuse 3:4

Petro nee Yohane kuri ilií duxún, tari oó', «Amoorén i qaytsitang.»

Filipi 4:18

/Aymi'iiká' ni gooiim qeemuudá' naa dirhúng wa sláw ngu laqaaqaná'. Nee qeemuuwí ku ló'wa úr. Daxta umuúqo gaaro ar ló'wa bu'uut a koóm, alaá Epafrodito qeemuuhúng nguwa huúw. Qeemuuhúng kudá' naa hanisé' dír geeraá Munguhe a adór ilahhooadá' mooyángw tsuú' koóm, ilahhooadár muruú ta tsu/i tidá' taa ya/án, nee ar Mungú sla'atamis.

Filipi 4:6

Ma daawiimitaara' baraá umuúqo gaaro. Ala umuúqo gaaro ar ta sla'a'a Mungú na ádbawaak, kuwa firiiriinda' nee kuwa sluufmisa'.

Ebrania 13:16

Kuungá' ma gunqaruutaara' tlehhma'aá hho' kiwa tlehha' nee tiwa alee/iimisa', asma gaarí an ilahhooadár muruú ta tsu/i ar Mungú gu ak qwal/atimis.

Ebrania 6:10

Asma Mungú i ganaa'. Slám gadiyérhúng tidá' taa tlehhé' ga gunqareesiiká, nee sla'aarirhúng tidá' taa dirós i geehhooesé' ar loohír múk hhohhó' oo Mungú kuwa sagadiyusé' nee slám tam hamí a kumitá' kuwa sagadiyusa'.

Geehhoeemaá 8:4

Nee quuír muruudá' mooyaangw tsuú' dinkwa nee firór múk hhohhó' oo Mungú iri tsa/aán dír geeraá Mungú, gawaá dákw Malaykamoó wa ale.

1 SAMUELI 3:10

Aluuwo Aakoó Mungú nay hardáh, iri sihhiít, iri ateét adór geeraá wa alé «Samuéli! Samuéli!» Samueli iri oó', «Ilawatsáng Aáko, asma sagadiyusmoowók i axmiis.»