Tlehhema'aá ya/Abuuse 10:33 - Biblía Axweesantá Hhohho' ar Mungú 2004

³³ Nee hamtidár kilae án muu nguri ya/aáw ay amoorók. Nee kuúng adór hhoo' aga tléhh niwa hardát. Ala hám daxta atén sleémeero a dír geeraá Mungú i diriiaán, as tidá' sleémeero ar Aako naa kuúng i hara'ayín kawa axaasaan.»

Ya/abtór hho' 1977

³³ Nee hamtidár kilae án muu nguri ya/aáw ay amoorók. Nee kuúng adór hhoo' aga tléhh niwa hardát. Ala hám daxta atén sleémeero a dír geerá Mungú i diriiaán, as tidá' sleémeero ar Aako naa kuúng i hara'ayín kawa axaasaan.”

Tlehhema'aá ya/Abuuse 10:33 Iomraidhean Croise

2 QOM'I 30:12

/Uuruú Mungú gadiyeé gana tleéhh baraá munér múk Yudawo, inooín nay iialooeesiyé', hara'ayár waawutmo nee geeraharuuser'ine ngay eehariyé' adoodá' AAKOÓ MUNGÚ ngira oó'.

AXWEESANOÓ SAGALOOA 1:5

Heé sagalooár koóm ngi axaasi, nee nguwa sagalooár i dok, nee oo xu'utír koóm iwa hardihi dír gurbu'utá gu fuqurángw i haniis.

AXWEESANOÓ SAGALOOA 18:15

Heé fuqurángw koóm xu'uti ga sláy, nee iaá heé sagaloó' kángw xu'uti ngu slaiyá'.

AXWEESANOÓ SAGALOOA 25:12

Axweesanoó gurbu'uungw oo heé sagaloó' dír heé gu axamiisa, a adór sixmoó sahaábu oo taa parootuús.

Matayo 18:4

Heé úr baraá waawuti'iimár dooriiwo an kudá' taa kilós niinawees adór na/aywí wa ale.

Matayo 19:30

Ala baraá kudá' geeraá hara'a, awa yaariir i alií ki/iyá', nee kudá' alaá hará', ta geerií waaraahh.»

Marko 10:15

Án a kah, heé waawuti'iimár Mungú gaa ya/aniká adór na/oó niinár ale, i dahiiká baraá waawuti'iimarihe.»

Tlehhema'aá ya/Abuuse 10:32

Ala kuúng muu na ya/aaweek ay Yopa. Simon ateeteek, kudá' ta bay Petro. Inós haandá' i dír doó Simoní dirii', kudá' kadaá tlehhaahhiít. Do'ós i afaá tlawi. Nee Simon birna hardáh, inós kuúng u intsaahhatis.›

Tlehhema'aá ya/Abuuse 10:34

Aluuwo Petro axweesani gari iimu/ún, inooín giri báy, «Daxta aníng aga tsaáhh adór Mungú ir barqaantír konká.

Tlehhema'aá ya/Abuuse 28:28

«Ala kuungá' xuaak adór ba/amár Mungú kara huúw amór xoordaá hatlá', nee inooín ka iiárií qaas.» [

1 Korinto 3:18

Hee mitiwa kilós al/agín. Hee birti kilós harafadiit adór inós ir sagalooár kón, ar adoodá' múk baraaká' yaamu sagalooa ngir ga/ay, heewí gár kuwa hariím in ala daktu'uut, as masók daqaní sagalooaadár ló' ngiwa slay.

Galatia 4:14

Ala tam adoorihe án kuungá' iga waaqai'iiká laqaá aga xin'i'iiká as adoodá' aníng ni dirii'. Ala ina ilaoté' adór malaykamoó Mungú wa ale, nee adór Kristo Yesu inósuú kilá'.

DABE 30:13

Laqaá sleeme i gayuú tláwtí diri'ká, tam kuungá' tari oa', ‹Heé waaraáhh ay gayuquú tlawi as atén a heemá, as kahhó' ngiwa amoorén i huwi, as atén kawa axasaan nee kawa iialooeesaan.›

1 Tesalonike 2:13

Gár hatlá' ar Mungú kuwa sluufmiisaan daqisleém a tí. Qoomár atén Ya/abtór Mungú ngiwa dirhúng i alki/iitaán, kuungá' Ya/abtoodá' kari iiárií qasé', nee kari ilaoté'. Kawa ilaoté' a adór Ya/abtór heewooká ala ar Mungú. Ala ar ló' a ar Mungú. Nee inós an kudá' gadiyér tleéhh baraahúng wa aleeró, kuungaásingá' aga haratlintie'.

Yakobo 1:19

Hhaee'eé' awa sla'aaruúse, tí xuaak, umuúqo heewo masók ku inslaáhh gaa axaasaro, ala miwa gaanslín ilawatsto, laqaá buhhtaawo.

Yakobo 1:21

Gawaá adoorihe, slasla/aru sleémeero hingeesaak, nee tlakweema sleémeerowo. Axweesantadá' tinda baraá munerhúngií dahaás ilaoohaak ar tsatsa'areema, tidá' kuungá' ba/amisaro nu aleeslaw.