Tlehhema'aá ya/Abuuse 10:3 - Biblía Axweesantá Hhohho' ar Mungú 2004

³ Looarka wake qoomár looár gwaleél ar tlaatla/aangw iigu'utu guna ár. Malaykamoó Mungú guna i daqáy, guri báy, «Kornelío.»

Ya/abtór hho' 1977

³ Looarka wake iigu'utu guna ár qoomár looár gwaleél ar tlaatla/aangw. Malaykamoó Mungú guna i daqáy iri oó', “Kornelío.”

Tlehhema'aá ya/Abuuse 10:3 Iomraidhean Croise

WARA'AMI 55:17

Tsiindo, matlaatle nee qoomár tlaatla/aango, an wa/a/uús ar gurhaami, inós afor'eé' ga axaas.

TI'INAANGW 33:17

AAKOÓ MUNGÚ Mose guri báy, «/Aymuusíng taa ó' i qón, as aníng kuúng uwa gurií baá/, nee umuuwók nguwa xuú', adoosíng kuúng ta kat ngi tleéhh.»

ISAYA 45:4

Aníng kuúng una ateét ar umuuwók. Aníng kuúng un umuú iia tleér i haniís tam handá' aníng i xu'kahe. Adoorí ana tleéhh as daanduú sagadiyuuser'eé' múk Yakobo nee as múk Israeli kudá' naa tsawaár.

Matayo 27:46

Looár gwaleele Yesu iri tseé' ar afór ur, iri oó', «Eloi, Eloi, laama sabaktani.» Gídaabárós a «Munguúeé', Munguúeé', án misa geexeér.»

Luka 1:11

Malaykamoó Aako guri harati'iít, aa sihhiít bihhaá doó /iyáy awa kitangwdá' mooyángw tsuú' kuwa da/a/an.

Luka 2:13

Naxés siiwadár kilae daqtá yaariir ar malaykér gawaá doori ta dinkwa nee malaykamoodá', ta Munguú xirfayeemiis, ta kaahi,

Tlehhema'aá ya/Abuuse 10:17

Qoomár Petro iwa adór i laqi aldakuuti daanduú iigu'utuudá' aa ari mukdá' taa ya/aáw nee Kornelio naxés naa hardáh ta doó Simonuú yaahamiis, taa afkú slúmtí sihhiít,

Tlehhema'aá ya/Abuuse 10:19

Petro qoomaadae i iigu'utudá' aldakuut. Qeeruú hhoohhoó' oo Mungú guri báy, «Mukko tám i kuúng leelehhiit.

Tlehhema'aá ya/Abuuse 10:30

Kornelio iri oó', «Laarí ar tsiyáhh qoomár looár gwaleél, aníng a saaliím baraá dooeé' wa aleeró. Heeko inqwar qwiirií/ nina geeraaeé' wa adaá ti'iít,

Tlehhema'aá ya/Abuuse 10:9

Bál tsár tawa baraá aaí dirii'i, gixsa kari i tseewúy. Qoomaadae Petro iri tsa/án gawaá daanduú do', as iwa firór ay. Qoomaadá' a looár lahhoó' ar tlaatla/aangw.

Tlehhema'aá ya/Abuuse 11:13

Inós ngiri alki/iít iwa kaahi, ‹Malaykamo ina sihhiít baraá dooeé', iri oó', muu ya/aaweek ay Yopa, as Simonuudá' ta babay Petro kuwa ateeti.

Tlehhema'aá ya/Abuuse 27:23

Asma xweeraaká' laarí malaykamoó Munguúdá' aníng naa haratlintií', slám ni sluufmiis, nina bihhieé' i sihhiít,

Tlehhema'aá ya/Abuuse 3:1

Looarka wake Petro nee Yohane tana tsa/án amór Doó Mungú qoomár looár gwaleél siiwadár saaliingw.

Tlehhema'aá ya/Abuuse 5:19

Ala malaykamoó Aako xweeraawo afér doó tseegamo gari gweér, giri tsee/ií duúx, giri báy,

Tlehhema'aá ya/Abuuse 9:10

Ala baraá Damaskowo eeharusmoko i deer, umuuwós a Anania. Aako iri oó' dír Anania ar baraá iigu'utu, «Ananía.» Anania iri oó', «Aníng a diirí, Aáko.»

Tlehhema'aá ya/Abuuse 9:4

Saulo iri yaamií huú', afo gari axaás ar inós gwa beer, «Saúlo, Saúlo, ahaá waáy, án mis slahh'eemís?»

Ebrania 1:14

Gawaá adoorihe malayke sleémeero a qeeru. Inooín kaa ya/aáw nee Mungú as mukdá' ba/ama ga sláw nguwa sagadiyuusiya'.

Ebrania 1:4

Garma iri ló'wa xirfuút malayke ba/a, as umuudá' aa aál oo Garma ku ló'wa úr ta oo malaykeero.