Tlehhema'aá ya/Abuuse 10:28 - Biblía Axweesantá Hhohho' ar Mungú 2004

²⁸ iri oó', «Kuungá' a xuá' adór tar hariímarooká heé Yahudi iwa aldinku'uusi nee heé xoorór hatlá', tam nguwa i daqay. Ala Mungú nga dir'eénií laqán, án mawa gaa oó' daanduú heewo niwa oó' ‹ku harmeetín›, laqaá ‹ku slasla/aár›.

Ya/abtór hho' 1977

²⁸ iri oó', “Kuungá' a xuá' gídaabá, a hariímarooká heé Yahudi iwa aldinku'uusi nee heé xoorór hatlá', tam nguwa i daqay. Ala Mungú nga dir'eén i laqán, án mawa gaa oó' daanduú heewo gidaabá ‘ku tlaákw’, laqaá ‘ku slasla/aár’.

Tlehhema'aá ya/Abuuse 10:28 Iomraidhean Croise

ISAYA 65:5

Inooín muu ngun babaya', ‹Amoosíng saaw i sihhiteek, mindi diirí tseewuwaar, asma atén ti hhohhó' ta kuunge.› Múk adór kwí a adór quui baraá dungaeene, a adór asltá oh umuú baalaaro.

Marko 7:2

Eeharuusér Yesu kari bahh ár ta /ayín ar dabaá taa hamatliiká ar adoodá' uunuú múk Farisayo i kaahiya', kudá' daba' kiwa hamaatli qoomár bar ta /ayín.

Luka 18:11

«Heé Farisayo ina sihhiít, iri adoorír firín kilós alé, ‹Mungú, án kuúng u sluufmiís, asma aníng a adór múk hatlaeeká, a adór fisuuseerooká nee adór al/aymuuseerooká nee adór fuquuseerooká, laqaá a adór ohomusmoowú koódirooká.

Yohana 18:28

Yesu kurir tláy dír doó Kayafá wa ale, ay boómár ur. Nee qoomaadá' a matlaatlér boo/. Ala múk Yahudi aa dahiiká baraá boómár úr i alé, as tawa meetin, mikiwa ilaá/ muruú /aymár Pasaáka /aymaaro.

Yohana 4:27

Qoomaadár kilae eeharuuseerós niri hardát, naxés nee /ameeni tawa axweesi tari waa/oó/. Ala heé gwa yaahaas i kaahh, iwa ooi, «Ma slá'?» laqaá, «Mas axwesá' nee inós?»

Yohana 4:9

/Ameenidár Samaria guri beér, «Adór kuúng heé Yahudi ma'aay ngir aní firiin, aníng bar /ameenír Samaria?» (Asma múk Yahudi nee oo Samaria ti haradaafiaaká).

Tlehhema'aá ya/Abuuse 10:29

Gaarí an gár aníng nisa amoorí hardáh qoomár tiwa ateet, mawa sií'. Ala hám daxta gár isa ateté' a milá?»

Tlehhema'aá ya/Abuuse 11:9

Afoodá' nay malé gawaá doorí wa kí/, sagaáwa tsár wa ale, iri ó', ‹Muruú Mungú aa hhohhoeés, kuúng mu babawaar muruú slasla/arén.›